Isaia 1:2 - Baibuli Ekibono kya Katonda 2014

² “Iwe eigulu wulira n'iwe ensi tega kutu, muwulirise bye nkoba. Abaana be nalera ni nkuza, bandheemeire.

Isaia 1:2 Iomraidhean Croise

2 Bakyabazinga 21:22

Yaava ku Musengwa Katonda, Katonda wa badhaadha be, yaaloba kugema biragiro bye naire.

Zabbuli 49:1

Imwe abantu mwenamwena muwulire bino! Mutege kutu imwe mwenamwena ab'oku nsi,

Zabbuli 50:4

Ayeta eby'omu igulu ghaigulu n'eby'oku nsi, okubaagho ng'asalira abantu be omusango.

Isaia 30:1

Musengwa Katonda akoba ati: “Bakagwireku abakulembeze abo abadheemu, abajiira ku ntegeka nze dhe ntakoze, era ni bakola endagaano edh'enkolagana n'amaghanga agandi; kuba agho baba bongera kibi ku kibi.

Isaia 30:9

Badheema buliidho era baajiira ku kuguyaguya, baaloba okugondera amateeka ga Musengwa Katonda.

Isaia 31:6

Musengwa Katonda era yaakoba ati: “Imwe Abaisiraeli, mwandheemera inho mwakola ebibi. Aye mpegaano mukyuke mwire ye ndi.

Isaia 34:1

Imwe abantu ab'amaghanga goonagoona museete kumpi. Abantu mwenamwena mutege amatu muwulire. Iwe ensi idha owulirise, ghalala n'ebikulimu byonabyona.

Isaia 63:16

Bwenebwene n'iwe Iseife. Waire dhaadha waife Aburahamu tatwidhi, era nga ni Yakobo takyatula, iwe niiwe Iseife Omununuzi waife, okuva eira n'eira.

Isaia 65:2

Olunaku lwonalwona nayandhuluzanga emikono gyange okusangaaza abantu abadheemu, abeebisa mu nsambo etali nkalamu nga bajiira ku ebyo beene bye bayiiya okukola.

Yeremia 13:15

Imwe abantu Abaisiraeli, muwulire era muteeyo omwoyo. Musengwa Katonda akobye ati mubenga bawombeefu era mumuwulirenga.

Yeremia 22:29

Iwe nsi, iwe ensi, ensi yaife, wulira Musengwa Katonda bw'akoba, ati:

Yeremia 3:22

Musengwa Katonda akoba nti: ‘Imwe abatali beesigwa, mwire ye ndi, ndidha kubawonia mbafuule beesigwa.’ Ate imwe mukoba muti: ‘Bona eno, twidhie y'oli, kuba niiwe Musengwa Katonda waife.

Yeremia 31:9

Abantu bange baliira nga bali kulira amaziga eno nga bwe basaba, nga nze ndi kubaiza ewaibwe. Ndibabisa eri obwiga obulimu amaadhi, era naababisa mu ngira entereevu baaloba kwekontola kugwa; kuba nze, ninze lata w'Abaisiraeli, era Efuraimu ni mutabane wange omuberi.”

Yeremia 6:19

Iwe ensi wulira. Ndidha kuleeta akabi ku bantu bano, olw'entegeka dhaibwe edh'olugezigezi dhe bayiiya; kuba baaloba okuwulira bye mbakoba, era baaloba okugondera amateeka gange.

Ezekieli 24:3

Kale ni ja okobere eighanga eryo eidheemu olugero, oti Musengwa Katonda akoba ati: Ta sefuliya ku muliro, giteeku omale ogifukemu amaadhi.

Ezekieli 36:4

Agho ni, imwe ensozi edh'omu Isiraeli, muwulirise bino nze Musengwa Katonda bye ndi kukoba ensozi, n'obusozi, n'obwinhamo, n'ebiiko, n'ebifo bye baazikiriza ni bisigala agho bityo nga biri bifulukwa byereere, n'ebibuga bye baanhagulula ni babireka agho nga muzira bantu, buti ebyafuuka enseko eri amaghanga goonagoona agabaliinaine.

Amosi 3:1

Imwe Abaisiraeli abantu Musengwa Katonda be yatoola mu Misiri, muwulire Musengwa Katonda oyo by'aboogeireku.

Mika 1:1

Mu biseera bya Yothamu, n'ebya Ahazi, n'ebya Hezekia, abaali ba kyabazinga ba Buyudaaya, Musengwa Katonda yayoleka Mika ow'omu kyalo Moreshetha ebintu bino ebigema ku Samaria ni ku Yerusalemu.

Mika 1:2

Abantu mwenamwena ab'amaghanga muwulirise; imwe mwenamwena ababa ku nsi mutege kutu. Muwulire! Musengwa Katonda aja kwogerera mu isinzizo lye ery'omu igulu. Aja kubaghaaku obudhulizi obunaabalumiriza.

Mika 3:8

Aye nze, Musengwa Katonda andidhwiza omwoyo gwe, era yampa amaani n'obutatya, okukobera Abaisiraeli omuntu bw'agwaine okubisibwa mu butuufu, era n'okubakobera ebibi bye bakola.

Malaki 1:6

Musengwa Katonda Afuga Amagye akoba bakabona ati: “Imwe bakabona, omwana ata mu ise ekinhagansi, n'omugheereza yaakita mu musengwa we. Kale ni oba nze ndi lata waimwe, lwaki timuntaamu kinhagansi? Era oba ndi musengwa waimwe, lwaki timuntya? Lwaki muunhooma, aye kabiri mwamala mwambuuza muti, ‘Tukunhooma tutya?’

Ebikolwa by'Abatume 4:20

Kuba ife titughanga naire butayogera bye twabona ni bye twawulira.”

Amateeka Agokubiri 1:31

ni mu irungu. Mu lugendo lwonalwona lwe mwatambula nga muli eyo mu irungu okutuusa lwe mwatuuka mu kifo kino, mwabona Musengwa Katonda waimwe nga bweyababbeeda, ng'oti n'omuntu bw'abbeeda omwana we.’

Amateeka Agokubiri 30:19

Ndayira olwaleero eigulu n'ensi bibe abadhulizi bange ababalumiriza, nti mbaghaire okulondagho okuba abalamu oba okufa, okugheebwa enkabi oba okukolimirwa. Kale ni mulondegho obulamu, mughange okubanga abalamu n'eizaire lyaimwe.

Amateeka Agokubiri 32:1

“Iwe eigulu, ntegera kutu ndhogere, n'iwe ensi, wulirisa bye nkoba.

Amateeka Agokubiri 4:26

Ndayira olwaleero eri eigulu n'ensi, babe abadhulizi bange ababalumiriza, nti bwe muligeza ni mwekolera ebisinzibwa ebitali Katonda, mulizikirira mangu, mwasaanagho mu nsi ye muli kumpi okwingiramu okutwala, ere nga musomoike omwiga Yorudani. Timuligibaamu ntangama ndeeyi, aye mulizikirira mwasaanagho.