Isaia 1:1 - Baibuli Ekibono kya Katonda 2014

¹ Buno n'obukwenda obugema ku Buyudaaya ni Yerusalemu, Katonda bwe yagha Isaia mutabane wa Amozi mu kubonekerwa. Yabumugha mu kiseera eky'obufuzi bwa bakyabazinga ba Buyudaaya bano: Uzzia, ni Yothamu, ni Ahazi, ni Hezekia. Musengwa Katonda yaakoba ati:

Isaia 1:1 Iomraidhean Croise

2 Bakyabazinga 15:1

Mu mwaka ogwamakumi abiri n'omusanvu (27) nga kyabazinga Yeroboamu Owokubiri n'afuga Isiraeli, Uzzia mutabane wa Amazia yafuuka kyabazinga wa Buyudaaya.

2 Bakyabazinga 15:13

Mu mwaka ogwasatu n'omwenda (39) nga kyabazinga Uzzia n'afuga Buyudaaya, Shallumu mutabane wa Yabeshi yaafuuka kyabazinga wa Isiraeli, era yaafugira mu Samaria okumala entangama ya mwezi mulala.

2 Bakyabazinga 15:32

Mu mwaka ogwokubiri nga kyabazinga Peka mutabane wa Remalia n'afuga Isiraeli, Yothamu mutabane wa Uzzia yaafuuka kyabazinga wa Buyudaaya.

2 Bakyabazinga 15:7

Agho Uzzia yaafa yeeyimba ku badhaadha be abaafa, era yaaziikibwa mu lwambiidhi lwa badhaadha be abo mu kyetebwa Ekibuga kya Daudi. Mutabane we Yothamu yaamusikira ku bwakyabazinga.

2 Bakyabazinga 18:1

Mu mwaka ogwokusatu nga kyabazinga Hoshea mutabane wa Ela n'afuga Isiraeli, Hezekia mutabane wa Ahazi yaafuuka kyabazinga wa Buyudaaya.

2 Bakyabazinga 19:2

Yaatuma Eliakimu eyalabiriranga ekisaagaati kya kyabazinga, ni Shebuna omughandiisi w'omu kisaagaati kya kyabazinga, n'abakulira bakabona, baaja eri Isaia omulanzi mutabane wa Amozi nga bavaire ekutiya olw'okunakughala.

2 Ebyomubyanda 26:1

Agho abantu boonaboona ab'omu Buyudaaya, baalonda Uzzia eyali ng'agheza emyaka eikumi n'omukaaga egy'obukulu, baamufuula kyabazinga okusikira lata we Amazia.

2 Ebyomubyanda 26:22

Ebindi byonabyona Uzzia bye yakola mu mainhama okutuuka ku nkomerero, byaghandiikibwa Isaia omulanzi, mutabane wa Amozi.

2 Ebyomubyanda 27:1

Yothamu yafuuka kyabazinga ng'agheza emyaka amakumi abiri n'etaanu egy'obukulu, era yaafugira entangama ya myaka ikumi na mukaaga mu Yerusalemu. Inhina yali nga ni Yerusha mughala wa Zadoki.

2 Ebyomubyanda 28:1

Ahazi yaafuuka kyabazinga ng'agheza emyaka amakumi abiri egy'obukulu, era yaafugira entangama ya myaka ikumi na mukaaga mu Yerusalemu. Tiyajiiranga ku mpisa nungi edha dhaadha we Daudi, eyakolanga ebituufu Musengwa Katonda we by'asiima.

2 Ebyomubyanda 29:33

Ebindi bye baaleeta okughaayo bibe ebya Musengwa Katonda, byali ente enume lukaaga (600), n'entaama enkumi isatu (3,000).

Zabbuli 89:19

Wabonekera abagheereza bo abeesigwa mu biseera eby'eira, waabakoba oti: “Ntaire omukono gwange ku mulwani ow'amaani okumubeera; ngulumiiza oyo ye nalonda mu bantu.

Isaia 13:1

Buno n'obukwenda obugema ku Babiloni, Isaia mutabane wa Amozi bwe yafuna mu kubonekerwa.

Isaia 2:1

Buno n'obukwenda obugema ku Buyudaaya ni Yerusalemu, Katonda bwe yagha Isaia mutabane wa Amozi.

Isaia 20:2

Mu kiseera kyene ekyo Musengwa Katonda yaakoba Isaia mutabane wa Amozi ati: “Ja otoolemu ekutiya y'ovaire, otoolemu n'engaito mu bigere.” Isaia yaakola atyo, yaatambula ng'ali madu era ng'azira ngaito mu bigere.

Isaia 21:2

Mbonekeirwa akabi akaja okugwagho; mboine anhagulula ng'ali kunhagulula, naabona azikiriza ng'ali kuzikiriza. Iwe eigye ly'omu Elamu, ja olumbe, n'iwe eigye ly'e Media, ja ozingize omuzigu. Katonda aidha kumalagho okudaazibwadaazibwa kwonakwona Babiloni kw'aleeta.

Isaia 37:2

Yaatuma Eliakimu eyalabiriranga ekisaagaati kya kyabazinga, ni Shebuna omughandiisi, n'abakulira bakabona, baaja eri Isaia omulanzi mutabane wa Amozi nga bavaire kutiya olw'enaku.

Isaia 38:1

Agho mu biseera ebyo, Hezekia yaalwala inho kumpi afe. Omulanzi Isaia mutabane wa Amozi yaajaayo okumubona, yaamukoba ati: “Musengwa Katonda akoba ati, ‘Tegeka eby'omu ndhu yo bukalamu, kuba oja kufa, toidha kuwona.’ ”

Isaia 40:9

Iwe aleetera Sioni amawulire amalungi, niina ghaigulu ku lusozi oluleeyi. Iwe aleetera Yerusalemu amawulire amalungi, kangula ku mamiro, oyogere n'amaani. Okobe ab'omu bibuga by'e Buyudaaya, oti: “Mubone, Katonda waimwe wuuyo aidha!”

Isaia 6:1

Mu mwaka kyabazinga Uzzia gwe yafiiramu, nabona Musengwa Katonda ng'atyaime ku kityamo kye eky'obwakyabazinga, ekigungumavu era nga kya kitiisa. Era ng'ekivaalo kye eky'oku ngulu kyeyandhulwiza okubuna eisinzizo.

Isaia 7:1

Mu biseera Ahazi mutabane wa Yothamu era mwidhukulu wa Uzzia bye yafugiramu Buyudaaya, Rezini kyabazinga wa Siria, ni Peka mutabane wa Remalia era kyabazinga wa Isiraeli, baalumba Yerusalemu aye kyabalema okughangula.

Yeremia 23:16

“Agho Musengwa Katonda Afuga Amagye yaakoba abantu b'e Yerusalemu ati: ‘Mutawulirisa balanzi bye babakoba, nga babasuubiza ebizirayo. Ebyo bye babakobera babiyiiya buyiiye mu myoyo gyaibwe, se ti ebyo nze bye mbakoba.

Ezekieli 1:1

Ku lunaku olwokutaanu mu mwezi ogwokuna, mu mwaka ogwamakumi asatu (30), nze Ezekieli kabona mutabane wa Buzi, mu biseera ebyo nali mba ghalala ni banhage banange agho kumpi n'omwiga ogwetebwa Kebari mu Babilonia. Agho eigulu lyaghembuka era naabonekerwa Katonda.

Hosea 1:1

Buno n'obukwenda Musengwa Katonda bwe yatuma Hosea mutabane wa Beeri, mu biseera bakyabazinga bano bye baafugiramu Buyudaaya: Uzzia, Yothamu, Ahazi, ni Hezekia. Era ni mu biseera kyabazinga Yeroboamu mutabane wa Yehoashi bye yafugiramu Isiraeli.

Amosi 1:1

Bino n'ebibono bya Amosi, eyali omwayi ow'oku kyalo Tekoa, ng'ekaabulayo emyaka ebiri musisi abite. Mu kiseera ekyo Uzzia yali nga ni kyabazinga ow'e Buyudaaya, ate Yeroboamu mutabane wa Yehoashi, yaaba nga n'owa Isiraeli. Katonda yayoleka Amosi ebintu bino byonabyona ebyali bija okuba ku Isiraeli.

Amosi 4:5

Era mugheeyo emigaati egizimbulukusiibwa ng'omusengo ogw'okwebaza Katonda. Era mulangirire ebigheebwayo byaimwe eby'ekyeyendere okumanhisa buli muntu kuba ekyo mukyenda inho!

Mika 1:1

Mu biseera bya Yothamu, n'ebya Ahazi, n'ebya Hezekia, abaali ba kyabazinga ba Buyudaaya, Musengwa Katonda yayoleka Mika ow'omu kyalo Moreshetha ebintu bino ebigema ku Samaria ni ku Yerusalemu.

Nahumu 1:1

Buno n'obukwenda obwava ye Katonda nga bugema ku kibuga Nineve. Nahumu ow'oku kyalo Elikoshi yafuna okwolekebwa, era bye yabona mu kwolekebwa ni bino ebyaghandiikibwa mu kitabo kino.

Habakkuku 2:2

Agho Musengwa Katonda yandhiramu ati: “Ghandiika bino bye ndi kukwoleka. Obisengeke bukalamu ku kipande nga byangu okubisoma.

Okubala 12:6

Yaakoba ati: “Muwulire kye nkoba, bweghabaagho omulanzi mu imwe, nze Musengwa Katonda mwene mmweyoleka mu kubonekerwa, era naayogera naye mu kirooto.

Okubala 24:16

Bino n'ebibono by'oyo awulira Katonda by'ayogera, n'amanha amagezi g'oyo Ali Ghaigulu Yeene, era atenduka aye n'asigala ng'amoga, n'abona okubonekerwa kw'oyo Aghanga Ebintu Byonabyona.

Okubala 24:4

Bino n'ebibono by'oyo awulira Katonda by'ayogera, ebibono by'oyo atenduka aye n'asigala ng'amoga, n'abona okubonekerwa kw'oyo Aghanga Ebintu Byonabyona.

Matayo 17:9

Bwe baali baikirira ku lusozi Yesu yaabasikirira, yaakoba ati: “Ghatabaagho ye mukobera ku kye muboine okutuusa ng'Omwana w'Omuntu amaze okuzuukira mu bafu.”

Ebikolwa by'Abatume 10:17

Agho Petero yaaba agho ng'akaasobeirwa nga yeewuunhia ky'aboine. Mu kiseera ekyo, abasaadha Korunelio be yatuma baali bamaze okubuuliriza enhumba ya Simoni ghe yali era baali beemereire ku mulyango.

Ebikolwa by'Abatume 26:19

“Kale kyabazinga Agurippa, tyadheemera kubonekerwa okwava mu igulu.

2 Ab'e Korintho 12:1

Nteekwa okwesaaka, waire ng'okwesaaka kuziramu muganhulo. Aye mperaano ka ndhogere ku kubonekerwa n'okwolekebwa Musengwa.

2 Petero 1:21

kuba ghazira mulanzi yalangaku ku bubwe yenka. Abalanzi baayogeranga ebiva ye Katonda nga Mwoyo Mutukuvu n'aboogeza.