Hosea 9:3 - Baibuli Ekibono kya Katonda 2014

³ Imwe Abaisiraeli, timulisigala mu nsi yange nze Musengwa Katonda. Aye muliirayo kabiri mu nsi Misiri, mwaja ni mu nsi Assiria, ye muliriiranga emere etali nongoofu.

Hosea 9:3 Iomraidhean Croise

1 Bakyabazinga 9:7

olwo nditoola Abaisiraeli mu nsi ye mbaghaire, era naalekulira agho eisinzizo lino lye ntukwiza okunsinzizangamu. Isiraeli erifuuka eky'okwogeraku era yaafuuka enseko dh'abalamu mu maghanga goonagoona.

2 Bakyabazinga 17:6

Mu mwaka ogwomwenda nga kyabazinga Hoshea n'afuga Isiraeli, kyabazinga w'e Assiria yaagema ekibuga Samaria, era yaakukumba abantu ab'omu Isiraeli yaabatwala mu Assiria nga banhage. Abandi yaabata mu kibuga Hala, abandi kumpi n'omwiga Habori mu kiketezo ky'e Gozani, ate abandi mu bibuga eby'Abamedia.

Yeremia 16:18

Nja kubabonereza nga mbeesasuulizaaku emikuzi ebiri olw'okwonoona kwaibwe n'ebibi byaibwe kuba baayonoona ensi yange baagireetamu ebisinzibwa byaibwe ebitali Katonda ebyenhinhalwa ebiri ng'oti bwa mirambo, era bagiidhuza emisambwa.”

Yeremia 2:7

Nabaleeta mu nsi erimu ebirungi kamaala, muwoomerwe ebibala byamu n'ebintu byamu ebirungi. Aye imwe bwe mwagituukamu, mwagyonoona bwonoone, omugabo nze gwe nabagha mwagufuula ekyenhinhalwa.

Okulira 5:6

Twakakibwa okusabiriza emere okuva e Misiri ni mu Assiria, tulobe kulambuka ndhala.

Ezekieli 4:13

Agho Musengwa Katonda yaakoba ati: “Batyo Abaisiraeli bwe banaalyanga emere etali nongoofu, bwe baliba nga bali eyo mu maghanga ye ndibasansaaniza.”

Danieli 1:8

Aye Danieli yaasalagho obutalya ku mere kyabazinga mwene ye yalyangaku, waire okunhwa ku mwenge ogw'emizabbibu gwe yanhwangaku, olwo alobe kwereetera kuba atali mulongoofu. Kale yaasaba Ashipenazi eyali akulira bagheereza baine abalaawe amuyambe.

Hosea 11:11

Baliidha nga baziinhuuka ng'oti nhonhi nga bava mu Misiri, nga baziinhuuka ng'oti ighemba nga bava mu Assiria. Era ndibaizaayo mu maka gaibwe. Nze Musengwa Katonda, ninze nkobye.”

Hosea 11:5

Baliirayo e Misiri, kyabazinga w'e Assiria yaabafuga, kuba baaloba okwira ye nze.

Hosea 7:11

Abaisiraeli bali ng'oti ighemba eisiru eriziramu magezi. Baasooka baayeta ensi Misiri eidhe ebayambe, baamala kabiri baaja baayeta ni Assiria.

Hosea 7:16

Banvaaku baasinza omusambwa Baali, bali ng'oti kalaso akagodobanu akateesigika kuteeba. Abakulembeze baibwe balifiira mu ntalo olw'okwogera nga beesuuta. Era balisekererwa mu nsi Misiri.”

Hosea 8:13

Benda inho okumpa emisengo, baaleeta emamba ng'omusengo era baamala baagirya. Aye nze Musengwa Katonda tibasiima, waire okwerabira ebibi byaibwe. Ndibabonereza olw'ebibi ebyo, nabasindika okubaizaayo kabiri e Misiri.

Hosea 9:6

Okuzikirira bwe kulituuka ni kubasansaania, Abamisiri balibasoloza imwe baabaziika e Menfisi. Aghaali eby'obukombe byaimwe ebya feeza ghalimeragho bisaka, n'aghaali weema dhaimwe ghaameregho amawa.

Abalevi 18:28

mulobe kubingibwa mu nsi eno ng'oti n'abantu abamaghanga abaabasooka okugibaamu bwe baagireetera obutaba nongoofu ni babingibwamu.

Abalevi 20:22

“Mugemenga amateeka gange n'ebiragiro byange byonabyona, olwo mulobe kubingibwa mu nsi Kanaani ye nja okubaingizaamu okubangamu.

Abalevi 25:23

“Eitaka tiriitundibwenga butaizibwa, kuba ninze mwene lyo. Imwe muli basenze busenze ku itaka eryo.

Amosi 7:17

Musengwa Katonda ali kukukoba iwe Amazia ati, ‘Mukazi wo aidha kuba malaaya mu kibuga, ate batabane bo ni baghala bo babaitire mu lutalo. Eitaka lyo baidha kulipima n'omugugha baligabane, n'iwe mwene baidha kukutwala mu nsi etali nongoofu y'olifiira. Era Abaisiraeli bateekwa okutwalibwa mu bunhage bave mu nsi yaibwe.’ ”

Mika 2:10

Musituke muje, ghano tighakaali miraala. Ekifo kino kija kuzikirizibwa olw'ebibi byaimwe.

Ebikolwa by'Abatume 10:14

Aye Petero yairamu ati: “Busa, Musengwa. Nze tiryangaku kintu kya muziro waire ekitali kirongoofu.”

Amateeka Agokubiri 28:63

Nga Musengwa Katonda bwe yasanhuka okubakolera ebirungi n'okubafuula abangi, atyo bw'aidha n'okubasaaniagho abamalegho mu nsi ye muli kuja okutwala.

Amateeka Agokubiri 28:68

Musengwa Katonda alibaizaayo n'amaato e Misiri, ye yabakoba ati timuliirayo kabiri. Nga muli eyo mwidha kweghangayo y'abazigu baimwe nga mwenda babagule mube bairu, aye tighaabenga abagula.”

Amateeka Agokubiri 4:26

Ndayira olwaleero eri eigulu n'ensi, babe abadhulizi bange ababalumiriza, nti bwe muligeza ni mwekolera ebisinzibwa ebitali Katonda, mulizikirira mangu, mwasaanagho mu nsi ye muli kumpi okwingiramu okutwala, ere nga musomoike omwiga Yorudani. Timuligibaamu ntangama ndeeyi, aye mulizikirira mwasaanagho.

Yoshua 23:15

Aye ng'ebirungi byonabyona bye yabasuubiza bwe yabituukiriza, n'ebibi byonabyona bye yeesoomera okubakola, atyo bw'alibituukiriza, okutuusa lw'alibazikiriza ni muwa ku nsi eno enungi ye yabagha.