Hosea 8:9 - Baibuli Ekibono kya Katonda 2014

⁹ Baaja baatuuka ni mu Assiria nga bali ng'oti ndogoyi ya mu nsiko eri kutambulatambula eyo etyo yonka. Baamala baapangisa abamaghanga agandi okubakuuma.

Hosea 8:9 Iomraidhean Croise

Yeremia 2:24

Muli ng'endogoyi enkazi eyanala okuba mu irungu, bw'eghengereza enhindo okuwunhiriza mu mpewo ng'eriku omusalo. Naani asobola okugirobera? Enume edhiginoonia tidhidaaga kwekooya; dhigyagaana mu kiseera kyayo eky'omusalo.

Hosea 7:11

Abaisiraeli bali ng'oti ighemba eisiru eriziramu magezi. Baasooka baayeta ensi Misiri eidhe ebayambe, baamala kabiri baaja baayeta ni Assiria.

Hosea 5:13

Isiraeli bwe yabona obulwaire bwayo, ni Buyudaaya n'ebona ebibwa byayo, Isiraeli eyo yaatumisa kyabazinga omukologho ow'e Assiria aidhe agiyambe. Aye nga tasobola kuwonia bulwaire obwo waire ebibwa ebyo.

2 Bakyabazinga 15:19

Agho Puli kyabazinga w'e Siria, yaalumba Isiraeli. Menahemu yaagha Puli oyo kilo emitwalo amakumi asatu n'ena (340,000) edha feeza, olwo Puli oyo aghange okuyamba Menahemu okukakata ku bwakyabazinga.

Hosea 12:1

“Abaisiraeli bye bakola biziramu muganhulo. Kuli ng'oti n'okwaya empewo eva e buvandhuba, n'ogibingirira olunaku lwonalwona. Beeyongera bweyongere kuguya na kukola bikolwa bya bukambwe. Bakola endagaano ni Assiria, era baasuubulagana ni Misiri.”

Hosea 2:10

Ndimutoolamu ebivaalo yaaba madu mu maiso g'abagonzi be, ghaabulagho amutoola mu buyinza bwange.

Isaia 30:6

Buno n'obukwenda bwa Katonda obugema ku nsolo edh'omu kiketezo ekikalukalu eky'oku luuyi olw'omukono omusaadha olw'e buvandhuba: “Abakwenda ba Buyudaaya babita mu nsi eidhwire ebizibu ebitiisa, erimu empologoma n'emisota egy'obusagwa egya buli nsambo, nga n'omuli n'egyo egiguluka ng'oti nhonhi. Batwika eby'obukombe byaibwe ku ndogoyi ni ku mabbango g'engamiya, baabitwalira abantu abatasobola kubagasa naire.

Isaia 30:2

Baasalagho baaja e Misiri okunoonia obuyambi, nga tibamaze kuneebuuzaaku. Beesiga inho amaani ag'ensi Misiri, baaja ye kyabazinga waayo, baamusaba abakuume!

Hosea 12:2

Musengwa Katonda ali n'omusango gw'avunaana Abayudaaya, era alibonereza ni Isiraeli olw'eneebisa abantu baayo ye beebisaamu. Alibeesasuulizaaku olw'ebikolwa byaibwe ebibi.