Hosea 5:1 - Baibuli Ekibono kya Katonda 2014

¹ “Imwe bakabona muwulire kino! Imwe Abaisiraeli mufeeyo ku kye nkoba! Imwe ab'endhu ya kyabazinga mutege kutu! Omusango baligubasalira; kuba e Mizipa mwafuukira abantu ekizibu ng'oti mutego, e Tabori mweraliikiriza abantu ng'oti lutuula olutegeibwa,

Hosea 5:1 Iomraidhean Croise

Yeremia 11:7

kuba bwe natoola badhaadha baibwe mu nsi Misiri, nabalabuliragho irala okumpuliranga. Era nkaabalabula ni ye buli eno aghazira kukoogha naire.

Yeremia 13:18

Musengwa Katonda yankoba ati: “Koba kyabazinga n'inhina oti, ‘Muve ku bityamo byaimwe eby'obwakyabazinga, kuba engule dhaimwe edhiboneka obulungi dhibaviire ku mitwe gyaimwe dhaagwa.’

Yeremia 46:18

Nze Musengwa Katonda Afuga Amagye, ninze kyabazinga, era ninze Katonda omulamu. Ng'olusozi Tabori bwe lweruupiise ghaigulu okusinga ensozi edhindi dhoonadhoona, era ng'olusozi Karumeli bwe lugungumaire ku mbali kw'enhandha, n'amaani g'oyo aja okubalumba imwe gatyo bwe galisinga ag'omuntu owundi yeenayeena.

Hosea 10:15

Mwena Abaisiraeli batyo bwe balibakola olw'ebibi byaimwe ebitaloodheka. Kyabazinga wa Isiraeli aliitibwa ng'olutalo lwakatoolera.”

Hosea 13:8

Ndibatuumiraku ng'oti n'ekisolo ekikambwe kye banhazeeku obwana bwakyo, naabayuzaamu ghabiri. Ndibakankamira nga muli gheene agho ng'oti mpologoma yeene, naabayuzayuzaamu bukutukutu ng'oti nsolo ya mu nsiko.

Hosea 4:1

Imwe Abaisiraeli muwulire Musengwa Katonda by'akoba. Ghaligho omusango gw'ali kulumiriza abantu ababa mu nsi eno, kuba abantu b'omu nsi eno ti beesigwa era ti ba kisa, waire okutya Katonda.

Hosea 6:9

Ng'ekikuukuulu ky'abanhazi bwe kyeteega omuntu, ni bakabona boona batyo beeyimba, baatemula abantu ku ngira eja mu kifo ekitukuvu e Shekemu. Bwenebwene bakola ebibi ebyo nga bagendereire.

Hosea 9:8

Nze, ninze omulanzi Katonda ye yatuma, ndabule abantu be Abaisiraeli. Aye buli ghe nja bantega emitego mu ngira ng'oti nhonhi. Ni mu isinzizo lya Katonda lyene, mwona abantu baba bazigu ba mulanzi.

Yoeli 1:2

Imwe abantu abakaire, muwulire kino imwe mwenamwena ab'omu mu Buyudaaya, mutege amatu. Ekintu ng'oti ni kino kibangaghooku mu biseera byaimwe oba mu bya badhaadha baimwe?

Amosi 3:1

Imwe Abaisiraeli abantu Musengwa Katonda be yatoola mu Misiri, muwulire Musengwa Katonda oyo by'aboogeireku.

Amosi 7:9

Nja kuzikiriza ebifo ebigulumivu baidhukulu ba Isaaka mwe basinziza. Nja kusaaniagho ebifo eby'Abaisiraeli abo ebitukuvu, era nja kusindika abazigu ku kyabazinga Yeroboamu bamughangule.”

Mika 3:1

Imwe abakulu ab'ebikunsu mu Isiraeli, muwulirise bino: Niimwe abateekwa okumanha abantu bwe bagwaniire okubisibwa mu butuufu.

Mika 3:9

Imwe abakulu ab'ebikunsu mu Isiraeli muwulire bino: mukyagha okukola ebituufu, era ebikolwa ebyandibaire ebirungi mwabifuulania byaba bibi.

Mika 7:2

Mu Isiraeli muzira muntu mwesimbu akaasigairemu. Timukaali atya Katonda! Buli muntu aguniriire kakisa ka kutemula, era olw'ekyo buli muntu atega mwine olutuula.

Malaki 1:6

Musengwa Katonda Afuga Amagye akoba bakabona ati: “Imwe bakabona, omwana ata mu ise ekinhagansi, n'omugheereza yaakita mu musengwa we. Kale ni oba nze ndi lata waimwe, lwaki timuntaamu kinhagansi? Era oba ndi musengwa waimwe, lwaki timuntya? Lwaki muunhooma, aye kabiri mwamala mwambuuza muti, ‘Tukunhooma tutya?’

Malaki 2:1

Musengwa Katonda Afuga Amagye akoba ati: “Imwe bakabona, kino ekiragiro kyaimwe:

Abalamuzi 4:12

Abantu baakobera Sisera bati, Baraki aniinie ku lusozi Tabori.

Abalamuzi 4:6

Agho yaatumisa Baraki mutabane wa Abinoamu ow'omu kibuga Kadeshi eky'e Nafutali. Yaamukoba ati: “Musengwa Katonda, Katonda wa Isiraeli, akulagiire ati, ‘Twala abasaadha omutwalo mulala ku b'ekika kya Nafutali n'ekya Zebuluni, mwesolokeze ku lusozi Tabori.

1 Samueli 7:16

Buli mwaka yaajanga mu ngobo e Betheli, e Giligali, n'e Mizipa, yaalamuliranga Abaisiraeli mu bifo ebyo.

1 Samueli 7:5

Agho Samueli yaakoba ati: “Musoloze Abaisiraeli boonaboona, baje e Mizipa. Nze ndidha kubasabira ye Musengwa Katonda.”

1 Samueli 7:6

Kale beesololeza e Mizipa, baasena amaadhi baagafuka agho mu maiso ga Musengwa Katonda, ng'ekigheebwayo. Baasiiba ku lunaku olwo, era baakoba bati: “Twakola ekibi ye Musengwa Katonda.” Eyo e Mizipa, Samueli ye yalamuliranga Abaisiraeli.