Hosea 4:5 - Baibuli Ekibono kya Katonda 2014

⁵ Imwe bakabona mugwa mu nsobi omusana n'obwire, n'abalanzi boona baakola n'ekirala ng'oti niimwe. Kale ni ndizikiriza Isiraeli inhaimwe.

Hosea 4:5 Iomraidhean Croise

Isaia 50:1

Musengwa Katonda era akoba ati: “Imwe abantu bange mulowooza muti nababinga, ng'oti n'omusaadha bw'abinga mukazi we? Bwe kiba kityo, memale embaluwa ey'okubabinga eri gha? Oba, mulowooza muti nabatunda mube bairu ng'oti n'omuntu bw'atunda abaana be? Aye naani eyali ammandha memale mmubaguze? Busa naire, mwatwalibwa mu bwiru lwa bibi byaimwe, era ebyonoono byaimwe n'ebyababinza.

Yeremia 15:8

Ensi yaimwe nagyongeramu banamwandu bangi, okusinga n'omusenho oguba ku mbali kw'enhandha. Naitira abaisuka baimwe mu maani ghagati, bainhaibwe enaku yaabaluma. Nabasindikira obulumi n'okutya nga tibabyetegekeire naire.

Yeremia 23:9

Omwoyo gumpoiremu, zeenazeena ndi kudhugumira budhugumire, ku lwa Musengwa Katonda, ni ku lw'ebibono bye ebitukuvu. Ndi ng'oti n'omuntu atamiire, omuntu abitiriiza okunhwa omwenge.

Yeremia 50:12

Aye ekibuga kyaimwe ekyabalabirira obukalamu ng'oti ni maama eyabazaala, abazigu balikinhoomoola era baakiswazaswaza. Eighanga lyaimwe n'eririsembayo mu maghanga goonagoona. Era ensi yaimwe eyo erifuuka irungu omuzira maadhi.

Ezekieli 14:3

“Iwe omuntu, abantu abo baghaireyo emyoyo gyaibwe okusinza ebitali nze Katonda, era ebyo bye bajiiraku byabaleetera okukola ebibi. Kale nsobola ntya okubaganha baneebuuzeeku?

Hosea 2:2

Baana bange, mukobe ku inhaimwe, waire nga takaali mukazi wange, era nga zeena tikaali iba. Mumukobeku alekere okukola obwenzi n'obwamalaaya.

Hosea 2:5

Inhaibwe yakola obwamalaaya, oyo eyabazaala yeebisa mu nsambo eswaza ng'akoba ati: “Ndidha kuja y'abagonzi bange, bampe emere, n'amaadhi, n'engoye empegheevu, n'edho edhaakolebwa mu buviiri bw'entaama, n'omuzigo ogw'ebibala eby'emiti emyoliva, n'eby'okunhwa.”

Hosea 5:5

Abaisiraeli abo okwekuluntaza kwaibwe kubabonekera ni ku maiso. Ebibi byaibwe biribaleetera okugwa, n'Abayudaaya boona baagwa ghalala nabo.

Zekaria 11:8

Ghaabaagho abaayi basatu abankyagha ni bandeetera okubeesinwa. Kale naababinga mu mwezi mulala guti.

Zekaria 13:2

Nditoola mu nsi Isiraeli ebisinzibwa ebitali Katonda, ghalobe kubaagho muntu abiidhukira waire okwidhukira amaina gaabyo. Nditoolagho n'abo boonaboona abeeyeta abalanzi, era naatoola ni mu bantu omwoyo ogwenda okusinza ebitali Katonda.

Ab'e Galatia 4:26

Aye Yerusalemu eky'omu igulu kiziramu bwiru era ni inhaife.