Hosea 4:2 - Baibuli Ekibono kya Katonda 2014

² Balayira bye bataatuukirize, balimba, batemula, baiba, era baakola obwenzi. Okwiza emisango kweyongera bweyongere, era obutemo bubaagho buli kiseera.

Hosea 4:2 Iomraidhean Croise

Amainhama 4:8

Kaini yaakoba muganda we Abeli ati: “Tuje tubbaalebbaaleku.” Era bwebaali nga bali eyo, Kaini yeefuulira muganda we yaamwita.

Isaia 24:5

Abantu boonoine ensi nga bava ku mateeka ga Musengwa Katonda, baadheemera ebiragiro bye, era baamenha endagaano ye etawaagho.

Isaia 48:1

Imwe ab'endhu ya Yakobo muwulire kino: Mwetebwa Baisiraeli abasimuka mu Yuda. Mulayira mu liina lya Musengwa Katonda, era mwayatula nga Katonda wa Isiraeli oyo, ni Katonda waimwe, aye nga bya ku munwa bunwa, ebiziramu mazima waire obwesimbu.

Yeremia 51:5

kuba nze Musengwa Katonda, Katonda Afuga Amagye, tirekuliire agho Baisiraeli na Bayudaaya, waire nga beene baiza omusango ye ndi, nze Omutukuvu wa Isiraeli.

Yeremia 6:7

Ng'ensulo bw'etawaamu maadhi malungi, n'ekibuga ekyo kityo bwe kitalekera kukola bibi byakyo. Bikolwa bya bukambwe na kuzikiriza bye nkiwuliraku byonka, era nkibonamu ndwaire na kulumizibwa buli kaakyeire.

Okulira 4:13

Aye ekyo kyabaagho olw'ebibi eby'abalanzi baamu, n'olw'okwonoona okwa bakabona baamu, abaakiitirangamu abantu abatuufu.

Ezekieli 7:23

era baalireka nga liri bifulukwafulukwa. “Olw'okuba ensi yaimwe eidhwire ebikolwa eby'obutemo n'ekibuga kyaidhula ebikolwa eby'obukambwe,

Hosea 10:13

Aye ate mwasiga kukola bibi, mwakungulamu obutakola mazima, era mwalya ebibala ebiva mu buguyaguya; kuba mwesiga ebigaali byaimwe eby'omu lutalo, n'abalwani baimwe olukunkumuli.

Hosea 10:4

Boogera bibono bubono aye nga biziramu makulu naire. Balayira ebiziramu era baakola endagaano edhitagasa. Kale ni ensala y'omusango ebeefuukiire, yaaba ng'oti n'eisubi ery'obutwa erimeze mu bigufulugufulu eby'enimiro ye balimiisa embago y'ente.

Hosea 11:12

Musengwa Katonda akoba ati: “Abaisiraeli bandidhwizaaku obuguya bwaibwe okuneezunguluza. Aye ab'omu Buyudaaya, nze Katonda mbaidhi, era beesigwa eri Nze Omutukuvu.”

Hosea 12:14

Abaisiraeli baasonsoonia Musengwa Katonda, baamuleetera okubasungughalira einho. Kale Musengwa Katonda talibasonigha olw'emisango gy'obutemo gye baiza. Alibabonereza olw'okumuleetera okuvumirirwa.

Hosea 5:2

era e Shittimu mwatiisa abantu ng'oti kiina ekireeyi. Aye ndibabonereza imwe mwenamwena.

Hosea 6:8

Gileadi kibuga kya bakozi ba bibi, era kiidhwire bitaba bya musaayi ogw'abantu be baise.

Hosea 6:9

Ng'ekikuukuulu ky'abanhazi bwe kyeteega omuntu, ni bakabona boona batyo beeyimba, baatemula abantu ku ngira eja mu kifo ekitukuvu e Shekemu. Bwenebwene bakola ebibi ebyo nga bagendereire.

Hosea 7:1

“Buli lwe ngezaaku okuwonia abantu bange Abaisiraeli, nga nhenda ebintu biiremu okubajiira obukalamu, neeyongera bwa kubona obwonoonefu bwaibwe n'ebikolwa ebibi bye bakola: Baguyaguya abantu, baamenha endhu dh'abantu baibamu, era baanhagulula abantu ku ngira.

Hosea 7:3

Musengwa Katonda akoba ati: “Abantu beefuula okuba ng'abasanhusa kyabazinga, aye nga baguya buguye, era beefuula okuba ng'abasanhusa abafuzi baibwe, aye nga balimba bulimbe.

Hosea 7:4

Boonaboona ba nkwe era tibeesigika. Bali n'enzigu embitirivu ng'oti n'omuliro ogwaka einho mu ziiko ey'omufumbi w'emigaati, nga tigwetaagisa kuseesaamu okuva gh'akandira engaano okutuusa ng'emaze okuzimbuluka.

Mika 3:2

Aye kabiri niimwe abatenda kukola bulungi, mwagonza okukola obubi. Bye mukola, muli ng'ababaaga abantu bange ni mubatoolaku oluwutu, era ni mughalagata emamba ku magumba gaibwe.

Mika 3:9

Imwe abakulu ab'ebikunsu mu Isiraeli muwulire bino: mukyagha okukola ebituufu, era ebikolwa ebyandibaire ebirungi mwabifuulania byaba bibi.

Mika 6:10

Mu ndhu edh'abakozi ab'ebibi mwidhwire eby'obukombe bye baafuna mu magira agatali malungi. Bakozesa ebipimo ebikyamu ekikolwa ekyo nkivumirira inho.

Mika 7:2

Mu Isiraeli muzira muntu mwesimbu akaasigairemu. Timukaali atya Katonda! Buli muntu aguniriire kakisa ka kutemula, era olw'ekyo buli muntu atega mwine olutuula.

Zefania 3:1

Ekibuga Yerusalemu kikagwireku. Kiidhwire abantu abadheemu, n'aboonooni, n'abatuntuza banaibwe.

Zekaria 5:3

Agho yankoba ati: “Mu nzingo y'ekitabo eyo mwaghandiikibwamu ekikolimo ekija okugema ensi yoonayoona. Olwo kibe nti omuntu yeenayeena anaibanga baidha kumutoolanga mu nsi eno, n'omuntu yeenayeena anaalayiranga eby'okusubagha, yeena bamutoolenga mu nsi eno.

Zekaria 7:9

“Nze Musengwa Katonda Afuga Amagye nagha ira abantu bange ebiragiro bino nti, ‘Musalenga emisango mu butuufu, buli muntu agemerwenga mwine ekivunika era amusaasirenga.

Matayo 23:35

Agho ni mulibaaku omusango olw'omusaayi ogw'abatuufu ogwayuyibwa mu nsi, okuva ku musaayi gwa Abeli ataali na musango okutuuka ku musaayi gwa Zekaria omwana wa Berakia ye mwaitira ghagati gh'eisinzizo n'alutaari.

Ebikolwa by'Abatume 7:52

Mulanzi ki badhaadha baimwe ye bataakiriga? Baita abo abaalanga okwidha kw'omugheereza we omutuufu, imwe ye mwalyamu olukwe ni mumwita.

Amateeka Agokubiri 5:11

“ ‘Mutakozesanga liina lyange nze Musengwa Katonda mu bya matamatama, kuba nze Musengwa Katonda waimwe tija kuloba kubonereza oyo yeenayeena akozesa eriina lyange obubi.

Amateeka Agokubiri 5:18

“ ‘Mutayendanga.

Amateeka Agokubiri 5:19

“ ‘Mutaibanga.

1 Ab'e Thessalonika 2:15

Abayudaaya abo n'abaita Musengwa Yesu n'abalanzi, era n'ife baatubingira ku luya. Baleetera Katonda okudhuunia era bazigu ba buli muntu,

Okwolekebwa 17:6

Naabona ng'omukazi atamiire omusaayi gw'abatuukirivu, n'ogw'abo abaitibwa olw'okudhulira Yesu. Bwe namubona, neewuunhia inho!