Hosea 4:10 - Baibuli Ekibono kya Katonda 2014

¹⁰ Baliryanga era baalyanga aye nga tibaiguta. Era balikolanga obwamalaaya obw'omu masabo aye nga tibazaalagana naire; kuba banvaaku nze Musengwa Katonda baira ku kusinza bakatonda abandi.”

Hosea 4:10 Iomraidhean Croise

2 Ebyomubyanda 24:17

Yehoiada bwe yamala okufa, abakungu mu Buyudaaya baaja baakubira kyabazinga amakiryaivu era baakutama n'ebyeni byatuuka ku itaka. Agho kyabazinga yaawulirisa bye baamukoba.

Zabbuli 125:5

Aye abo abaleka ebiragiro byo ni badaaliima, babonereze ghalala n'abakozi ab'ebibi. Emiraala gibe mu Isiraeli.

Zabbuli 36:3

Byonabyona by'ayogera byoleka itima na buguya; by'akola tibikaali bya magezi waire okuba ebirungi.

Ensambo 13:25

Abatuufu baba n'emere ebamala, aye ababi baba bayala buli kiseera.

Yeremia 34:15

Ghano dhuuzi imwe mwakola ekyansanhusa, mwakyusa ekirowoozo, mwalangirira okulekula Baisiraeli banaimwe abairu babe ba idembe, era mwakola endagaano mu maiso gange mu isinzizo lino eryange lyene.

Yeremia 9:12

Nze naabuuza Musengwa Katonda nti: “Wo Musengwa Katonda, lwaki ensi eyonooneike n'eba nkalu ng'oti irungu, era ni ghabula omuntu agibitamu? Naani omugezi asobola okutegeera kino? Naani ye wakiinhonhola asobola okukobera abandi?”

Ezekieli 18:24

“Aye omuntu omutuufu bw'akyuka n'alekera okukola ebituufu, naakola ebibi, era n'akola ebyenhinhalwa byonabyona abantu ababi bye bakola, mulowooza muti aliba mulamu? Busa naire! Ghazira naire ekirala ku bikolwa bye eby'obutuufu bye yakola, kiriidhukirwa. Era alifa olw'obutaba mwesigwa, n'olw'ebibi by'akola.

Ezekieli 22:9

Mu iwe mulimu abantu abaghaayiriza banaibwe olw'okwenda okubaitisa, mwabaamu abalya ku misengo gye bagheerayo mu masabo ku nsozi, mwabaamu n'abeesanhusa n'okukola obwenzi.

Hosea 4:14

Tiribonereza baghala baimwe nga bakoze obwamalaaya, waire okubonereza bakazi baimwe nga bakoze obwenzi; kuba n'imwe abasaadha beene muja n'abakazi bamalaaya ab'omu isabo, era mwabeeyimbaku mwaghaayo emisengo. Kale ni abantu abatategeera balizikirira.

Hosea 7:4

Boonaboona ba nkwe era tibeesigika. Bali n'enzigu embitirivu ng'oti n'omuliro ogwaka einho mu ziiko ey'omufumbi w'emigaati, nga tigwetaagisa kuseesaamu okuva gh'akandira engaano okutuusa ng'emaze okuzimbuluka.

Abalevi 26:26

Ndidha kubasindikiranga endhala, emere yaimwe ekendeere, abakazi eikumi babe nga beetaaga bwa ziiko ndala yonka okufumbiramu emigaati egirigho. Banaagibapimiranga bupimire mwagirya gyonagyona, aye ate mwaloba kwiguta.

Mika 6:14

Mwidha kulyanga aye nga timwiguta; mwidha kusigalanga nga muli bayala ng'oti timuliire naku. Ebintu bye munaawoniangagho timuja kughanga kubitereka, era bye munaagezangaku okutereka ndidha kubizikirizanga.

Zefania 1:6

Era nja kuzikiriza abo boonaboona abatakaidha ye ndi waire okunsaba okubabeera.”

Haggai 1:6

Mwasiga bingi aye mwakungula bitono. Muli n'emere ey'okulya aye tebamala kubaigusa. Muli n'omwenge ogw'okunhwa aye tigubamala ndiwo! Muli n'engoye edh'okuvaala aye tidhibamala kusuugha. Abakozi empeera ye bafuna tebamala mu byetaago byaibwe.