Hosea 3:2 - Baibuli Ekibono kya Katonda 2014

² Kale naasasula omwandu gwa bitundu ikumi na bitaanu ebya feeza, ni kilo kikumi n'ataanu edha sayiri.

Hosea 3:2 Iomraidhean Croise

Amainhama 31:41

Mu myaka egyo amakumi abiri gye mbaire mu maka go, nakukolera emyaka ikumi n'ena okufuna baghala bo bombi. Era naakukolera mu byayo byo emyaka mukaaga, aye iwe waakyusakyusa empeera yange emikuzi ikumi.

Amainhama 34:12

Omwandu n'ebirabo bye munansalira ni bwe binaayaga gha obungi, ndidha kubibagha, kasita mumpa omughala okumubayiza.”

Okuvaayo 22:17

Aye ise ow'omughala bw'anaaloberanga omusaadha oyo okubayiza mughala we, era omusaadha oyo anaabanga n'okutoola omwandu ogusasulirwa omughala omwegha, yaagugha ise w'omughala oyo.

Isaia 5:10

Eisamba ery'emizabbibu ery'eyiika eikumi, liidha kuvangamu bwa lita munaana edh'omwenge ogw'emizabbibu. Ate omusiri ogusigibwamu ekiibo ekiramba eky'ensigo, gwidha kukungulwangamu kaibo bwibo.”

Ezekieli 45:11

“Ekipimo ekyetebwa efa kye bapimisa ebintu ebikalu, kibenga nga kyagayaga n'ekipimo ekyetebwa bathi kye bapimisa ebintu ebiyuyika ng'oti maadhi. Olwo ekipimo ekyetebwa homeri kibenga nga n'ekiyimba ebyo byombi aghalala. Homeri ekyo kibengamu efa ikumi era kibengamu ni bathi dhoona ikumi. Ekikoba nti efa ni bathi dhibenga nga dhaagayaga.

Hosea 3:3

Naamukoba nti: “Oteekwa okumala ekiseera ekireeyi ng'oli wange. Otakola bwamalaaya waire okwenda omusaadha owundi, era zeena ntyo bwendidha okwebisa y'oli.”

Abalevi 27:16

“Omuntu bw'anaaghangayo ekitundu ky'eitaka lye yasikira, libe erya Musengwa Katonda, omughendo gwalyo gunaabalwanga nga babonera ku bungi bw'ensigo edhimala okusiga mu itaka eryo. Eitaka erimalagho kilo amakumi abiri edh'ensigo ya sayiri linaabalirirwangamu ebitundu bya feeza bitaanu.

Ruthi 4:10

Okwo kwe nhongereza okutwala Ruthi Omumoabu namwandu wa Mahaloni nga mukazi wange. Olwo, ebintu ebyo tibiidha kuva mu maina ga bafu, era n'amaina gaibwe tigaidha kwerabirwa mu bantu ab'omu kibuga, nti lwa kubulwa musika. Imwe muli badhulizi b'ebyo olwaleero luno.”

1 Samueli 18:25

Agho Saulo yaabakoba ati: “Muje mukobe Daudi muti, ‘Kyabazinga taidha kusala mwandu ku mugole, okutoolaku obuwutu kikumi obukeketeibwa ku Bafilisiti. Olwo kyabazinga abe nga yeesasuuliiza ku bazigu be abo.’ ” Saulo yalowooza ati Abafilisiti baidha kwita Daudi.