Hosea 2:8 - Baibuli Ekibono kya Katonda 2014

⁸ Tiyayatulaku naire ati ninze eyamughanga engaano, n'omwenge ogw'emizabbibu, n'omuzigo ogw'ebibala eby'emiti emyoliva. Waire okwatulaku ati ninze eyamudoomooleranga feeza ni zaabu bye yaghangayo mu kusinza omusambwa Baali.

Hosea 2:8 Iomraidhean Croise

1 Ebyomubyanda 29:16

Wo Musengwa Katonda waife, ebintu bino byonabyona bye tutairegho okuzimbisa eisinzizo erinaagheesanga eriina lyo eitukuvu ekitiisa, niiwe owabitugha era byonabyona bibyo.

Yobu 19:8

Katonda asembye engira yange, nzira bwe mbitagho; ansibiire mu nzikiiza, tikaabona ye nja.

Isaia 1:3

Ente emanha mwene yo, n'endogoyi yaamanha ekintu musengwa waayo mw'agigheera eby'okulya; aye abantu bange Abaisiraeli okumanha okwaibwe tikutuuka agho, era abantu bange abo baziramu kategeera naire.”

Isaia 46:6

Abantu baja baafukumula mu nsawo dhaibwe zaabu, baapima ni feeza ku minzaani. Olwo baasasula omugheesi era baalagira ebintu ebyo abigheeseemu ekifaananie eky'omusambwa, era baamala baakikubira amakiryaivu baakisinza.

Yeremia 7:18

Abaana bagherera enku, baiseibwe baakuma omuliro, bainhaibwe baakanda engaano okufumba emigaati. Nga bafumbira omusambwa gwe beeta Kyabazinga Omukazi ow'Eigulu. Baafukira emisambwa egindi ebigheebwayo eby'okunhwa, bansoononkereza bandeetera okusungughala.

Ezekieli 23:41

Agho baatyama ku buliri obw'ekitiibwa, ng'emberi ghaabwo ghaligho emeeza kwe bataire obubbaani n'omuzigo ogw'ebibala eby'emiti emyoliva bye nabagha.

Danieli 3:1

Kyabazinga Nebukadinezzari yaalagira baakola ekiwumbe ekya zaabu, nga mu buleeyi kigheza mita amakumi abiri na musanvu, ate mu bugazi kyagheza mita isatu. Era yaalagira baakita ku museetwe ogw'e Dura, mu kiketezo eky'e Babiloni.

Danieli 5:23

Weekuluntaliiza ku Musengwa ow'eigulu. Waalagira baaleeta ebikopo ebyatoolebwa mu isinzizo lye, olwo iwe mwene n'abakungu bo, ni bakazi bo ab'omu ndhu n'ab'embali, mwabinhweramu omwenge ogw'emizabbibu. Era mwasaaka ebisinzibwa ebitali Katonda, ebitabona, waire okuwulira, oba okutegeera, bye baakola obw'omu zaabu, ni mu feeza, ni mu kyuma eky'ekikomo, ni mu kyuma ekigumu einho, ni mu miti, ni mu mabaale. Aye mwaloba kuta kitiisa mu Katonda oyo agemereire obulamu bwaimwe era abalabirira mu buli nsambo.

Hosea 10:1

Abaisiraeli bali ng'oti n'omuzabbibu ogubala emizabbibu kamaala. Ye baakoma okweyongera obungi, ye baakoma n'okuzimba alutaari enhingi. Era ensi yaibwe ye yakoma okweyongera okuba enungi, ye baakoma n'okulungiya empango dh'amabaale dhe baasinzanga.

Hosea 13:1

Mu biseera ebyabita, ab'ekika kya Efuraimu bwe baayogeranga, ng'ab'ebika ebindi mu Isiraeli badhugumira. Abaefuraimu abo baateebwangamu ekinhagansi. Aye nga bwe beereetera omusango olw'okusinza omusambwa Baali, bali n'okufa.

Hosea 13:2

Ni ye buli eno bakaaja mu maiso n'okukola ebibi, nga bakola ebifaananie mu kyuma ekisaanuusiibwa. Ebifaananie ebyo babikola n'obukugu mu feeza waibwe nga bigheesebwa bantu buntu. Agho baakoba abantu bati: “Mugheeyo emisengo eri ebifaananie ebyo.” Aye abantu basobola batya okunhwegera ebifaananie ebyo eby'ente ento bye bakola obukole?

Hosea 2:5

Inhaibwe yakola obwamalaaya, oyo eyabazaala yeebisa mu nsambo eswaza ng'akoba ati: “Ndidha kuja y'abagonzi bange, bampe emere, n'amaadhi, n'engoye empegheevu, n'edho edhaakolebwa mu buviiri bw'entaama, n'omuzigo ogw'ebibala eby'emiti emyoliva, n'eby'okunhwa.”

Hosea 4:11

Musengwa Katonda akoba ati: “Omwenge omusu n'oguwoze, gumala mu bantu bange okutegeera.

Hosea 8:4

Baataagho bakyabazinga nga tibambuuziiza naku, era baataagho abakulembeze nga tibankobeire naku. Baatoola feeza waibwe ni zaabu waibwe, baamukolamu ebisinzibwa ebitali Katonda, ebija okubaleetera beene okuzikirira.

Habakkuku 1:16

Era baaghaayo n'emisengo eri obutimba bwaibwe obutono, baaniokeza obutimba bwaibwe obunene obubbaani; kuba ebyo n'ebibafunisa ebirungi mu bulamu era ni balya emere esinga bulungi.

Luka 15:13

Ghaabita enaku ntono omulenzi oyo yaasoloza ebibye byonabyona yaaja eyo mu nsi ey'eghala, yaadiibuulira eyo ebibye nga yeebisa nga bw'abona.

Ab'e Roma 1:28

Olw'okuba baaloba okumanha Katonda, kyova Katonda yabaleka ni badankaana mu myoyo, ni bakola ebitasaana.

Amateeka Agokubiri 8:18

Aye Mwidhukirenga muti Musengwa Katonda waimwe, n'abagha amagezi okukombaghala, ng'atuukiriza endagaano ye yakola ni badhaadha baimwe ni ye buli eno.

Abalamuzi 9:27

baaja mu masamba gaibwe ag'emizabbibu, baanoga emizabbibu baagikunhamu omwenge. Era baakola ekibinuko, baingira mu isabo ly'omusambwa gwaibwe, baalya, baanhwa, era baavumirira Abimeleki.