Hosea 2:3 - Baibuli Ekibono kya Katonda 2014

³ Bw'ataalekere ndidha kumwambulamu ebivaalo asigale madu ng'oti ni bwe yali ku lunaku lwe baamuzaaliraku. Ndidha kumufuula ng'oti irungu, abe ng'oti itaka ikalu ery'olubbalangu, era mmuleetere okufa endiwo.

Hosea 2:3 Iomraidhean Croise

Okuvaayo 17:3

Aye abantu olw'okuba baali ndiwo, nga bazira maadhi ga kunhwa, baaja mu maiso n'okwemuluguunhiza Musa nga baamukoba bati: “Lwaki watutoola e Misiri okutwisa endiwo, ife n'abaana baife, n'ensolo dhaife?”

Isaia 33:9

Abantu tibakaalima, eitaka liri bw'agho. Ebibira by'e Lebanoni biri kuwaagho. Ekiiko ky'e Sharoni kiri ng'oti irungu. Ate mu kiketezo ky'e Bashani ni ku lusozi Karumeli, emiti giwaawiiza amakaba.

Isaia 47:3

Abantu balikubona ng'oli madu, nga bakuswaziiza n'ensoni dhaakugema. Nja kwesasuuza era ezira muntu ye ndisaasira naire.”

Isaia 64:10

Ebibuga byo ebitukuvu byafuuka ng'oti irungu: olusozi Sioni luli ng'oti irungu, ekibuga Yerusalemu kyafuuka ng'oti kifulukwa.

Yeremia 12:10

Abafuzi kamaala boonoine eisamba, eisamba lyange eryo ery'emizabbibu, baatyankirira obulime bwange. Ensi yange enungi bagirese bw'agho etyo, ng'eri bwa bifulukwa byereere omutaba bantu.

Yeremia 13:22

Bwe weebuuza mule lwaki ebyo byonabyona bikutuuseeku, ni bakukanulaku ebivaalo byo, ni bakugema eby'entaka era ni bakukaka okuba niiwe? Okwiramu kuli nti, lwa kuba ebibi byo binene inho.

Yeremia 13:26

Musengwa Katonda mwene aja kubatoolamu ebivaalo byaimwe, mube madu muswale.

Yeremia 14:3

Abakungu batuma abagheereza baibwe banone amaadhi. Abagheereza baaja baatuuka ku bidiba aye baayagaana nga muziramu maadhi; baira n'ensugha dhaibwe nga nkaya. Ensoni dhaabagema, beeghemba mu maiso nga baswaire.

Yeremia 17:6

Omuntu oyo aba ng'oti muti oguli mu irungu, ogukulira eyo enkalu ku itaka ery'oluunhu, ezira kintu kindi kisobola kukulirayo. Omuntu oyo azira kikalamu ky'afuna naire.

Yeremia 2:31

Imwe Abaisiraeli muwulire nze Musengwa Katonda kye nkoba. Nabeefuukirakuuku naababeera ng'oti irungu, era ng'oti n'ensi egemye enzikiiza eri bedimudimu? Kale imwe bantu bange kiki ekiboogeza muti, ‘Tuli ba idembe, titukaira y'oli?’

Yeremia 2:6

Baaloba okwebuuzaaku naire bati, ‘Musengwa Katonda ali gha? Oyo n'eyatutoola mu nsi Misiri, yaatubisa mu irungu, mu nsi enkalu eidhwire ebiina, eziramu maadhi era ey'akabi, eziramu muntu agibitamu, era etabaamu bantu.’

Yeremia 22:6

Musengwa Katonda ati bw'akoba ku kisaagaati kya kyabazinga wa Buyudaaya: “Ekisaagaati kya kyabazinga wa Buyudaaya kiboneka bulungi ng'oti n'ensi Gileadi, era ng'oti n'ensozi edh'e Lebanoni. Aye nja kukifuula ekifo ekisigaire obwagho kityo, era ekibuga ekiziramu muntu akibaamu naire.

Yeremia 4:26

Naalingirira nti, naabona ng'ensi eyali engimu efuuse irungu; nga n'ebibuga byamu babizikiriiza byafuuka bifulukwa byereere. Kuba Musengwa Katonda yabasungughalira ekibitiriire.

Yeremia 51:43

Ebibuga byakyo bifuuse bifo ebitiisa einho. Biri ng'oti irungu omuzira maadhi, era omuzira bantu babibaamu waire ababibitamu obubite.

Yeremia 51:5

kuba nze Musengwa Katonda, Katonda Afuga Amagye, tirekuliire agho Baisiraeli na Bayudaaya, waire nga beene baiza omusango ye ndi, nze Omutukuvu wa Isiraeli.

Ezekieli 16:22

Mu ebyo byonabyona ebyenhinhalwa n'obwamalaaya bye wakola, tiwaidhukiraku na bya mu buto bwo, nga bwe wali amadu geene, era ng'oli kusambagalira mu musaayi gwo.”

Ezekieli 19:13

Buti baagusimba mu irungu, mu itaka eikalu ery'olubbalangu.

Hosea 13:15

Abaisiraeli ni bwe baliba nga n'abali obulungi mu baganda baibwe, nze Musengwa Katonda ndisindika empewo yange ey'e buvandhuba eva mu irungu, yaidha yaakaza ensulo dhaibwe n'emiiga gyaibwe. Era erikokoobya ebintu byaibwe eby'omughendo byonabyona bye baatereka.

Hosea 2:10

Ndimutoolamu ebivaalo yaaba madu mu maiso g'abagonzi be, ghaabulagho amutoola mu buyinza bwange.

Okwolekebwa 17:16

Ate amayiga g'oboine, balyeyimba n'ekisolo baafuuka bazigu ba malaaya. Baja kumweya bamuleke kidu, bamulye emamba era bamwokere irala omuliro

Abalamuzi 15:18

Agho endiwo yaagema Samusoni, yaayeta Musengwa Katonda ati: “Ompaire obughanguzi buno obw'amaani. Aye obwo mpegaano nfe endiwo, era abo abatali bakekete bangeme?”