Hosea 13:2 - Baibuli Ekibono kya Katonda 2014

² Ni ye buli eno bakaaja mu maiso n'okukola ebibi, nga bakola ebifaananie mu kyuma ekisaanuusiibwa. Ebifaananie ebyo babikola n'obukugu mu feeza waibwe nga bigheesebwa bantu buntu. Agho baakoba abantu bati: “Mugheeyo emisengo eri ebifaananie ebyo.” Aye abantu basobola batya okunhwegera ebifaananie ebyo eby'ente ento bye bakola obukole?

Hosea 13:2 Iomraidhean Croise

1 Bakyabazinga 19:18

“Aye ndirekagho abantu kasanvu (7,000) mu Isiraeli, abo boonaboona abataakubiranga Baali makiryaivu era abataamunhwegeranga.”

2 Ebyomubyanda 28:13

Baakoba abo abaali bali kwira okuva mu lutalo, bati: “Timwidha kuleeta ghano basibe abo. Ife twakola ebibi twasungughaza Musengwa Katonda mu Isiraeli, era tuli n'omusango munene. Aye ate imwe muli kwenda kwongereza ku bibi bye twakola, ni ku musango gwe tuli nagwo.”

2 Ebyomubyanda 33:23

Yaaloba kugonderanga Musengwa Katonda nga lata we Manasse bwe yakolanga, aye yeeyongeranga bweyongere kukola bibi.

Zabbuli 2:12

mumukubire amakiryaivu nga mutengera, tiikulwa nga asungughala, mwazikirira; kuba asungughala mangu. Ba nkabi abo boonaboona Musengwa Katonda b'akuuma.

Isaia 1:5

Iwe Buyudaaya, lwaki oyongera okuba omudheemu otyo? Oyenda bongere okukubonereza? Omutwe gwo gwonagwona gwidhwire bibwa byereere, n'omwoyo gwo gwazirika.

Isaia 30:1

Musengwa Katonda akoba ati: “Bakagwireku abakulembeze abo abadheemu, abajiira ku ntegeka nze dhe ntakoze, era ni bakola endagaano edh'enkolagana n'amaghanga agandi; kuba agho baba bongera kibi ku kibi.

Isaia 44:11

Buli alikisinza ensoni dhirimugema, kuba abakola ebifaananie ebyo bantu buntu. Bagwaine boonaboona babaleete babeemereze ghalala, bawozesebwe. Memale olwo batye era baswazibweswazibwe.

Isaia 45:20

Musengwa Katonda akoba ati: “Mwidhe mwesolokeze ghalala, museete imwe abaawonagho mu maghanga. Abantu abo abaja nga bagemereire ebisinzibwa ebitali Katonda ebyakolebwa mu biti obuti, era ni basaba katonda atasobola kubalokola, baziramu magezi naire.

Isaia 46:6

Abantu baja baafukumula mu nsawo dhaibwe zaabu, baapima ni feeza ku minzaani. Olwo baasasula omugheesi era baalagira ebintu ebyo abigheeseemu ekifaananie eky'omusambwa, era baamala baakikubira amakiryaivu baakisinza.

Isaia 46:8

Imwe abakozi b'ebibi, mwidhukire ekintu ekyo era mukirowoozeeku.

Yeremia 10:4

Abantu baakinhiriza ni feeza ni zaabu, era baakikomereramu emisumaali n'enhundo, kirobe kugwa.

Yeremia 10:8

Abo boonaboona basiru era baziramu kategeera, kuba bazira kye basobola kwegera ku bifaananie ebyo eby'ekiti obuti.

Yeremia 8:5

Memale lwaki imwe abantu bange mwadaaliima ni munvaaku obutenda kwira naire? Mwekalangula ku by'obuguya mwaloba okwira ye ndi.

Hosea 10:1

Abaisiraeli bali ng'oti n'omuzabbibu ogubala emizabbibu kamaala. Ye baakoma okweyongera obungi, ye baakoma n'okuzimba alutaari enhingi. Era ensi yaibwe ye yakoma okweyongera okuba enungi, ye baakoma n'okulungiya empango dh'amabaale dhe baasinzanga.

Hosea 10:5

Abatyamye ab'omu Samaria balidhugumira olw'okuviibwaku ekifaananie eky'ente ento eky'e Bethaveni. Abantu abakisinza balikiririra amaziga, ni bakabona abagheereza ekisinzibwa ekyo ekitali Katonda, baliwowoola, nga kitooleibwaku ekitiibwa kyakyo.

Hosea 11:2

Aye Abaisiraeli abo ye nakoma okubeeta, boona ye baakoma okunvaaku. Baaghangayo emisengo eri omusambwa Baali; baaniokezanga ebisinzibwa ebitali Katonda obubbaani.

Hosea 11:6

Abazigu balirumba ebibuga byaibwe, baamenhamenha endhigi dhaabyo. Era balibazikiriza olw'okukola ebyo beene bye baayendanga.

Hosea 14:3

Ensi Assiria tesobola kutuwonia, n'embalaasi edh'omu lutalo tidhiidha kutuyamba. Era tituliirayo kabiri kweta ebintu bye twekolera n'engalo dhaife, tuti, ‘Katonda waife’; kuba iwe ogemerwa ekisa abo abaziraku babayamba.”

Hosea 2:8

Tiyayatulaku naire ati ninze eyamughanga engaano, n'omwenge ogw'emizabbibu, n'omuzigo ogw'ebibala eby'emiti emyoliva. Waire okwatulaku ati ninze eyamudoomooleranga feeza ni zaabu bye yaghangayo mu kusinza omusambwa Baali.

Hosea 4:17

Ebisinzibwa ebitali Katonda bipaaziiza Abaisiraeli. Kale ka basigale batyo.

Hosea 8:4

Baataagho bakyabazinga nga tibambuuziiza naku, era baataagho abakulembeze nga tibankobeire naku. Baatoola feeza waibwe ni zaabu waibwe, baamukolamu ebisinzibwa ebitali Katonda, ebija okubaleetera beene okuzikirira.

Hosea 8:5

Nze nakyagha ekifaananie eky'ente ento eya zaabu, abantu b'omu Samaria kye basinza. Obusungu bwange buja kubatumbukiraku ng'oti muliro. Balirekera li okusinza ebitali Katonda, ni bafuuka abalungi?

Hosea 8:6

Omuisiraeli omugheesi n'eyakola ekifaananie ekyo, aye nga ekifaananie ekyo ti Katonda. Kale ni kirimenhebwamenhebwa kyasigala bukutukutu.

Okubala 32:14

Mperaano bona, niimwe mwize mu kifo kya badhaadha baimwe abo, mube oluse olw'abakozi ab'ebibi, era mwongere okuleetera Musengwa Katonda okusungughalira Abaisiraeli ekibitiriire.

Ab'e Roma 11:4

Aye Katonda yamwiramu atya? Yamwiramu ati: “Neekuumiiregho abasaadha kasanvu (7,000) abatakubirangaku Baali makiryaivu.”

Ab'e Roma 2:5

Aye nga bw'oli n'omwoyo omukalangufu ogutenda kwenenia, weereeteire mwene omusango n'obukambwe ku lunaku Katonda lw'aliragiraku obusungu bwe, nga asala omusango aghazira kusaliriza.

2 Timotheo 3:13

eno ng'abakozi b'ebibi n'abaguya bwe beeyongera okuba ababi, nga baguya ate nga beene boona babaguya.

1 Samueli 10:1

Agho Samueli yaatoola akadoome k'omuzigo ogw'ebibala eby'emiti emyoliva, yaafuka omuzigo ku mutwe gwa Saulo, era yaamugwa mu kifuba ng'akoba ati: “Musengwa Katonda akufuseeku omuzigo ogwo obe omukulembeze ow'abantu be Abaisiraeli. Oidha kufuganga abantu ba Musengwa Katonda, era oidha kubawonianga abazigu baibwe ababeezungulwire. Era kano n'akamanhiso akakakasa nga Musengwa Katonda akusiize omuzigo obe omukulembeze w'abantu be.