Hosea 12:3 - Baibuli Ekibono kya Katonda 2014

³ Dhaadha waibwe Yakobo yagemerera mu mukono gwe ekibbonge kya muganda we Esau, nga bakaali mu nda ya inhaibwe. Yakobo oyo bwe yakula yaalwana ni Katonda.

Hosea 12:3 Iomraidhean Croise

Amainhama 25:26

Owokubiri yaafuluma, ng'omukono gwe gugemereire ekibbonge kya Esau kale baamutuuma eriina Yakobo. Rebekka yaja okuzaala nga Isaaka agheziiza emyaka nkaaga (60) egy'obukulu.

2 Bakyabazinga 17:18

Agho Musengwa Katonda yaasungughalira inho Abaisiraeli, yaababinga mu maiso ge ghaaloba kusigalagho waire omulala ati, okutoolaku ab'omu Buyudaaya bonka.

2 Bakyabazinga 17:20

Musengwa Katonda yaalekulira agho baidhukulu ba Isiraeli boonaboona, yaababonereza ng'abaghaayo mu mikono gy'abazigu baibwe, okutuusa lwe yababingira irala mu maiso ge.

2 Bakyabazinga 17:23

okutuusa Musengwa Katonda lwe yababinga mu maiso ge, nga bwe yabalabula ng'abita mu bagheereza be abalanzi boonaboona. Agho ab'omu Isiraeli baabatoola mu nsi yaibwe, baabatwala mu Assiria ye bakaali ni ye buli eno.

Yeremia 2:9

“Kale ni ndidha kusigala nga nkaabalumiriza omusango gwaimwe, era nsigale nga nkaagulumiriza n'abaana baimwe n'abaidhukulu.

Ezekieli 7:3

“Imwe Abaisiraeli, enkomerero ebatuuseeku. Nja kubamaliraku obusungu bwange, mbasalire omusango nga njiira ku ebyo bye mwakola, era mbabonereze olw'ebibi byonabyona ebyenhinhalwa bye mwakola.

Ezekieli 7:8

“Buti ndi kumpi okubamaliraku ekiruyi kyange, mboolekeze obusungu bwange. Olwo mbasalire omusango nga njiira ku neebisa yaimwe, era mbabonereze olw'ebibi bye mwakola ebyenhinhalwa.

Hosea 4:1

Imwe Abaisiraeli muwulire Musengwa Katonda by'akoba. Ghaligho omusango gw'ali kulumiriza abantu ababa mu nsi eno, kuba abantu b'omu nsi eno ti beesigwa era ti ba kisa, waire okutya Katonda.

Hosea 4:9

Ekibonerezo abantu kye balifuna, mwena bakabona kye mulifuna. Ndibabonereza olw'engeri dhaimwe embi, naabeesasuulizaaku olw'ebikolwa byaimwe ebibi.

Amosi 2:4

Musengwa Katonda akoba ati: “Abantu ab'e Buyudaaya bakoze ebibi emikuzi kamaala. N'olw'ensonga eyo nteekwa buteekwe okubabonereza kuba baanhooma amateeka gange, n'ebiragiro byange baaloba kubigema. Baatwalirizibwa emisambwa badhaadha baibwe gye baasinzanga.

Mika 6:2

Imwe ensozi n'imwe emisingi egy'ensi egy'olubeerera, muwulirise omusango gwa Musengwa Katonda. Musengwa Katonda ali n'omusango gw'aghaghabira abantu be. Aja kulumiriza Abaisiraeli.

Ab'e Roma 9:11

Waire baali nga bakaali na kuzaalibwa era nga bakaali na kukolaku kibi oba kikalamu, aye olw'okutuukiriza entegeka ya Katonda ey'okulondaku omwana omulala, nga tajiira ku bikolwa aye nga ajiira ku kweta kwe mwene,