Hosea 12:1 - Baibuli Ekibono kya Katonda 2014

¹ “Abaisiraeli bye bakola biziramu muganhulo. Kuli ng'oti n'okwaya empewo eva e buvandhuba, n'ogibingirira olunaku lwonalwona. Beeyongera bweyongere kuguya na kukola bikolwa bya bukambwe. Bakola endagaano ni Assiria, era baasuubulagana ni Misiri.”

Hosea 12:1 Iomraidhean Croise

Hosea 11:12

Musengwa Katonda akoba ati: “Abaisiraeli bandidhwizaaku obuguya bwaibwe okuneezunguluza. Aye ab'omu Buyudaaya, nze Katonda mbaidhi, era beesigwa eri Nze Omutukuvu.”

Hosea 8:7

Nga bwe baasiga empewo era balikungula kiwunga ow'amaani. Engaano nga tetaireeku bifaaganda, terivaamu mere naire. Aye ni bweyanditaireku ebifaaganda n'ebala, era abagwira n'abandigiriire.

Hosea 5:13

Isiraeli bwe yabona obulwaire bwayo, ni Buyudaaya n'ebona ebibwa byayo, Isiraeli eyo yaatumisa kyabazinga omukologho ow'e Assiria aidhe agiyambe. Aye nga tasobola kuwonia bulwaire obwo waire ebibwa ebyo.

Ezekieli 17:10

Bona eno, omuzabbibu ogwo bwe bagusimba gulibaagho gwakula? Tigulikala bukale ng'empewo eva e buvandhuba egufuuyiriire, nga guli mu kifo ghe baagusimba?”

Yeremia 22:22

Abakulembeze baimwe boonaboona balitwalibwa ng'oti n'ebikaba empewo bw'ebifuuwa ere. Abo be mwakolagananga nabo balitwalibwa mu bunhage. Olwo ensoni dhaabagema mwaswala olw'ebibi byonabyona bye mwakola.

Yobu 15:2

“Ow'amagezi tairamu na bibono biziramu makulu; tayogera bibono biri ng'oti mpewo buwewo.

2 Bakyabazinga 15:19

Agho Puli kyabazinga w'e Siria, yaalumba Isiraeli. Menahemu yaagha Puli oyo kilo emitwalo amakumi asatu n'ena (340,000) edha feeza, olwo Puli oyo aghange okuyamba Menahemu okukakata ku bwakyabazinga.

Amainhama 41:6

Olwamala okubona ebyo, obufaaganda obw'engaano musanvu bwavaayo nga butono era nga bubabwirwa empewo eva mu irungu.

Yeremia 2:36

Lwaki mukyukakyuka ni mujiira ku misambwa gy'abamaghanga agandi? Kale ni Misiri eidha kubaleka mu ibbanga, ng'oti ni Assiria bwe yakola.

Yeremia 7:15

Era imwe ndidha kubabinga munve mu maiso, nga bwenabinga baganda baimwe abasimuka mu Efuraimu boonaboona. Nze Musengwa Katonda, ninze nkobye.”

Okulira 5:6

Twakakibwa okusabiriza emere okuva e Misiri ni mu Assiria, tulobe kulambuka ndhala.

Hosea 4:19

Empewo eribawungula yaaja nabo, era ensoni dhiribagema olw'emisengo gye baghaayo mu kusinza ebitali Katonda.”

Hosea 7:11

Abaisiraeli bali ng'oti ighemba eisiru eriziramu magezi. Baasooka baayeta ensi Misiri eidhe ebayambe, baamala kabiri baaja baayeta ni Assiria.

2 Ebyomubyanda 21:11

Ate n'ekindi, yazimba ebifo ebigulumivu eby'okusinzizaamu ku biketezo bya Buyudaaya eby'oku nsozi, yaaleetera abantu ab'omu Yerusalemu n'ab'omu Buyudaaya boonaboona, okwonoona eri Musengwa Katonda.

Zabbuli 78:36

Aye ebibono byaibwe byali bya kumusuutiriza busuutirize na munwa, nga bye boogera buguya bwereere.

Hosea 4:15

Waire nga imwe Abaisiraeli timuli beesigwa ye ndi, Abayudaaya bagwananga baaloba kugwa mu nsobi eyo. Mutajanga kusinziza mu Giligali waire okusinziza mu Bethaveni. Era mutalayiranga muti, ‘Nga Musengwa Katonda bw'ali omulamu.’

Hosea 7:1

“Buli lwe ngezaaku okuwonia abantu bange Abaisiraeli, nga nhenda ebintu biiremu okubajiira obukalamu, neeyongera bwa kubona obwonoonefu bwaibwe n'ebikolwa ebibi bye bakola: Baguyaguya abantu, baamenha endhu dh'abantu baibamu, era baanhagulula abantu ku ngira.

Hosea 11:9

Tiribamaliraku busungu bwange obubitirivu, tiriirayo kabiri kubazikiriza; kuba nze ndi Katonda, se ti muntu buntu. Ninze Omutukuvu ali mu imwe, era tiribazikiriza.