Hosea 11:3 - Baibuli Ekibono kya Katonda 2014

³ Ate nga ninze eyayegeresa Abaisiraeli okusiirula ekigere okutambula, era nga mbalera mu ngalo dhange. Aye baaloba kumanha nga ninze eyabalabiriranga.

Hosea 11:3 Iomraidhean Croise

Zabbuli 107:20

Yaalagira bulagire baawona, yaabatoola mu maino ga walumbe.

Okuvaayo 15:26

Musengwa Katonda yaabakoba ati: “Bwe muliba abawulize obulungi bwene, nga mukola ebyo ebituufu ye ndi, era nga mugondera amateeka gange n'ebiragiro, tija kubabonereza na bulwaire ku obwo bwe nasindikira Abamisiri. Kuba ninze Musengwa Katonda abawonia endwaire.”

Okuvaayo 19:4

‘Mwabona bye nakola Abamisiri, era mwabona bwe nabaleeta okubatuusa ghano ghe ndi, nga mbaginze ng'oti n'enkookooma bw'eginga omwana waayo ku maghagha.

Okuvaayo 23:25

Nze Musengwa Katonda wo, ninze y'obenga osinze, era nze ndidha kukughanga enkabi mu mere ni mu maadhi, era ntoolegho obulwaire obubadaaza.

Isaia 1:2

“Iwe eigulu wulira n'iwe ensi tega kutu, muwulirise bye nkoba. Abaana be nalera ni nkuza, bandheemeire.

Isaia 30:26

Ku lunaku Musengwa Katonda lw'alinhigiraku ebinuubule n'ebibwa by'abantu be, n'abawonia enguma dhe yabataaku, omwezi gulyaka ng'oti ndhuba. Ate okwaka kw'endhuba kulyeyongeramu amaani emikuzi musanvu ng'okwaka okw'omu lunaku olulala kuli ng'oti kwa nnaku musanvu.

Isaia 46:3

Mumpulirise imwe ab'endhu ya Yakobo, imwe mwenamwena Abaisiraeli abaawonagho. Bukyanga muzaalibwa, ninze mbalabirira okuviira irala mu nda dha bainhaimwe.

Isaia 63:9

Yaabalumirwa mu kudaazibwadaazibwa kwaibwe kwonakwona, era yaabawonia mwene, se ti malaika we. Era olw'okugonza kwe n'okusaasira kwe by'ali nabyo, yaabanunula era yaabalabiriranga okuva eira n'eira.

Yeremia 30:17

Ndibalongoosa mwairagho bukalamu nga bwe mwali, era naawonia amabwa gaimwe waire ng'abazigu baimwe bakoba bati, ‘Sioni kiri ng'oti n'omuntu ye baabinga adaagiradaagira eyo atyo. Ghazira akifaaku naire.’ Nze Musengwa Katonda, ninze nkobye.”

Yeremia 8:22

Mu Gileadi tekaaliyo bulezi? Tekaaliyo bayigha? Kiki ekirobeire abantu bange okuwona?

Hosea 14:4

Musengwa Katonda akoba ati: “Ndiiza abantu bange ye ndi, naabagonzanga n'omwoyo gwange gwonagwona; kuba ndekeire okubasungughalira.

Hosea 2:8

Tiyayatulaku naire ati ninze eyamughanga engaano, n'omwenge ogw'emizabbibu, n'omuzigo ogw'ebibala eby'emiti emyoliva. Waire okwatulaku ati ninze eyamudoomooleranga feeza ni zaabu bye yaghangayo mu kusinza omusambwa Baali.

Hosea 7:1

“Buli lwe ngezaaku okuwonia abantu bange Abaisiraeli, nga nhenda ebintu biiremu okubajiira obukalamu, neeyongera bwa kubona obwonoonefu bwaibwe n'ebikolwa ebibi bye bakola: Baguyaguya abantu, baamenha endhu dh'abantu baibamu, era baanhagulula abantu ku ngira.

Hosea 7:15

Waire nga ninze eyabagundhula ni mbaleetera okuba ab'amaani, aye era bayiiya bwa kukola bibi ye ndi.

Ebikolwa by'Abatume 13:18

Yaabaguminkiriza mu irungu okumala emyaka nga makumi ana (40).

Amateeka Agokubiri 1:31

ni mu irungu. Mu lugendo lwonalwona lwe mwatambula nga muli eyo mu irungu okutuusa lwe mwatuuka mu kifo kino, mwabona Musengwa Katonda waimwe nga bweyababbeeda, ng'oti n'omuntu bw'abbeeda omwana we.’

Amateeka Agokubiri 33:27

Katonda ow'ebyanda n'ebyanda, n'omukuumi waimwe. Emikono gye egy'olubeerera n'egibagemerera. Aidha kubinganga abazigu baimwe mu nsi, nga muli kumpi okutuukayo. Olwo aidha kubakobanga ati, ‘Mubasaaniegho boonaboona.’

Amateeka Agokubiri 8:2

Era muteerabiranga nga Musengwa Katonda waimwe bweyabakulemberamu mu lugendo lwonalwona, emyaka gino amakumi ana mu irungu, ng'agendereramu okubafuula abawulize. Era yaabaleba, asobole okumanha ekiri mu myoyo gyaimwe, abone oba nga munaakuumanga ebiragiro bye.