Hosea 11:2 - Baibuli Ekibono kya Katonda 2014

² Aye Abaisiraeli abo ye nakoma okubeeta, boona ye baakoma okunvaaku. Baaghangayo emisengo eri omusambwa Baali; baaniokezanga ebisinzibwa ebitali Katonda obubbaani.

Hosea 11:2 Iomraidhean Croise

1 Bakyabazinga 12:33

Ku lunaku olweikumi n'eitaanu olw'omwezi ogwomunaana, omwezi mwene gwe yalonda ku lulwe, yaaja ku alutaari ye yazimba e Betheli. Yaateeragho Abaisiraeli ekibinuko, yaaja ku alutaari yaaniokeza obubbaani.

1 Bakyabazinga 18:19

Mpegaano ni, soloza Abaisiraeli boonaboona, baidhe twagaanane ku lusozi Karumeli, ghalala n'abalanzi ba Baali ebikumi ebina n'ataanu (450) era n'abalanzi ebikumi ebina (400) ab'omusambwa omukazi Ashera, abalya ku kiiwulo kya Yezebeli.”

Nehemia 9:30

Waabaguminkiriza emyaka kamaala, era waata omwoyo gwo mu balanzi bo baje babalabule, aye nga basembye amatu gaibwe. Kyewava n'obaghaayo mu ngalo edh'abamaghanga agandi.

Isaia 65:7

olw'ebibi byaibwe ghalala n'ebya badhaadha baibwe kuba baaniokezanga obubbaani ku nsozi enene, era banvumiranga ku busozi obutono. Kale ni ndibabonereza, naabeesasuulizaaku nga njiira ku bye baakola. Nze Musengwa Katonda, ninze nkobye.”

Yeremia 18:15

Aye abantu bange baaneeyawulaku, baaniokeza obubbaani ebisinzibwa ebitali Katonda. Baajanga bwe beekontola mu nguudo dhe baatambulirangamu okuva eira, baalekerera enguudo enene; baatambulira mu bugira obw'omu nsiko.

Yeremia 35:13

“Yeremia, Nze Musengwa Katonda Afuga Amagye, Katonda wa Isiraeli nkulagiire oje obuuze abantu b'omu Buyudaaya n'ab'omu Yerusalemu ensonga lwaki baloba okuwulira bye mbalagira ni bye mbagalagira.

Yeremia 44:5

Aye nga imwe timuwulira waire okufaayo. Mukyuke muve mu kibi kyaimwe eky'okuniokezanga bakatonda abandi obubbaani.

Hosea 11:7

Ng'abantu bange abo bwe bamaliriire okunvaaku, balirira olw'ekikoligo ekibaliku, aye nga ghazira akibatoolaku.

Hosea 2:13

Ndimubonereza olw'okukuzanga ebibinuko by'omusambwa Baali era n'aguniokezanga obubbaani. Era ndimubonereza olw'okuvaala empeta n'ebyamadholobera, n'aja n'abagonzi be, olwo nze n'aneerabira. Musengwa Katonda n'akobye.

Hosea 4:13

Baghaayo emisengo ku ngulu okw'ensozi enene, baaghaayo ebigheebwayo ku busozi obutono, ni ghansi gh'emiti emikologho emizibirivu, kuba ebinsense byagyo birungi. Baghala baibwe kyebava ni bakola obwamalaaya, ni bakazi baibwe ni bakola obwenzi.

Hosea 4:17

Ebisinzibwa ebitali Katonda bipaaziiza Abaisiraeli. Kale ka basigale batyo.

Zekaria 1:4

Mutaba ng'oti ni badhaadha baimwe, abalanzi ab'eira be baakoberanga obukwenda bwange nze Musengwa Katonda Afuga Amagye. Abalanzi baakobanga badhaadha baimwe okuva mu mpisa dhaibwe embi ni mu bikolwa byaibwe ebibi. Aye badhaadha baimwe baaloba kuwulira nze Musengwa Katonda bye mbakoba, waire okufaayo okukola bye mbalagira.

Zekaria 7:11

“Aye abantu bange baakola bwa mpwitu, baaloba kuwulira waire okufaayo.

Luka 13:34

“Yerusalemu, Yerusalemu iwe oita abalanzi n'abakwenda abakugheerezebwa n'obakuba amabaale! Ng'emikuzi kamaala neegomba okusoloza abaana bo aghalala ng'enkoko bw'ekola, aye nga toganha!

Yoanne 3:19

Guno n'omusango: Ekimuliikirira kyaidha mu nsi, aye abantu baagonza enzikiiza mu kifo ky'okugonza ekimuliikirira olw'okuba ebikolwa byaibwe bibi.

Ebikolwa by'Abatume 7:51

“Imwe ab'empwitu, ab'emyoyo emikalangufu era abaloba okuwulira ekibono kya Katonda! Buliidho mutakania Mwoyo Mutukuvu. Nga badhaadha baimwe bwe baali, mwena bwe muli.

Abalamuzi 10:6

Agho Abaisiraeli kabiri baakola ebibi ye Musengwa Katonda, nga basinza emisambwa, Baali ni Ashitarothi. Era baasinza bakatonda b'Abasiria, n'ab'Abasidoni, n'ab'Abamoabu, n'ab'Abammoni, n'ab'Abafilisiti. Abaisiraeli abo, baava ku Musengwa Katonda, baalekera agho okumusinza.

Abalamuzi 2:13

Baava ku Musengwa Katonda, baagheereza emisambwa egyetebwa Baali ni Ashitarothi.

Abalamuzi 3:7

Agho Abaisiraeli beerabira Musengwa Katonda waibwe. Baayonoona y'ali, nga basinza emisambwa Baali ni Ashera.