Hosea 10:6 - Baibuli Ekibono kya Katonda 2014

⁶ Bwenebwene ekifaananie ekyo abazigu balikitwala mu Assiria ng'ekirabo eri kyabazinga waayo omukologho. Ensoni dhirigema Abaisiraeli, baaswala olw'ekisinzibwa kyaibwe ekyo ekitali Katonda.

Hosea 10:6 Iomraidhean Croise

2 Bakyabazinga 17:3

Agho kyabazinga Shalumaneseri ow'e Assiria, yaalumba Hoshea yaamughangula mu lutalo, Era Hoshea oyo yaaghanga Shalumaneseri omusolo.

Yobu 18:7

Eyali atambula nga yeekakasa, mpegaano yeekengeera gh'aniina. Amagezi g'agha abandi mwene gamuswire.

Isaia 1:29

Ensoni dhiribagema imwe olw'emiti emikologho gye mwasinzanga, n'olw'enimiro dhe mwasengangamu emisambwa.

Isaia 30:3

Aye ni, amaani ga Misiri ge beesiga galibaviiramu kuswala, n'ekya kyabazinga waayo okubakuuma kiribaviiramu kabi keereere.

Isaia 45:16

Abo boonaboona abakola ebisinzibwa ebitali Katonda, ensoni dhiribagema era baaswazibwaswazibwa.

Yeremia 48:13

Olwo Kemoshi katonda w'Abamoabu, alitoolera okugemya Abamoabu abo ensoni, ng'oti ni Betheli ekifo Abaisiraeli kye beesiganga, bwe kyagemya Abaisiraeli abo ensoni.

Yeremia 7:24

Aye baaloba kumpulirisa waire okugondera bye ndagira. Baajiira ku ebyo emyoyo gyaibwe emikalangufu era emibi bye gyenda. Mu kifo ky'okuba abalungi, beeyongera bwa kuba babi inho.

Ezekieli 16:28

“Wayendaku ni ku Bassiria boona, olw'obutasinwa bw'oli nabwo. Bwenebwene waalaaya nabo, aye era waasigala ng'okaayenda bwende.

Ezekieli 36:31

Agho muliidhukira empisa dhaimwe edhaali embi n'ebikolwa byaimwe ebyali ebibi. Olwo mwekyagha olw'ebibi byaimwe n'olw'ebikolwa ebyenhinhalwa bye mwakola.

Danieli 11:8

Alinhaga ebifaananie bya bakatonda baibwe eby'ekyuma ekisaanuusiibwa, yairayo nabyo e Misiri ghalala n'ebintu bye bakozesa mu isinzizo eby'omughendo, ebya feeza ni zaabu. Alibisaagho emyaka nga talumba kyabazinga wa Siria.

Hosea 4:19

Empewo eribawungula yaaja nabo, era ensoni dhiribagema olw'emisengo gye baghaayo mu kusinza ebitali Katonda.”

Hosea 4:7

Imwe bakabona ye mukoma okweyongera okuba abangi, ye mukoma n'okweyongera okwonoona ye ndi. Kale ni ndibaleetera okuswazibwa mu kifo eky'okuteebwamu ekinhagansi.

Hosea 5:13

Isiraeli bwe yabona obulwaire bwayo, ni Buyudaaya n'ebona ebibwa byayo, Isiraeli eyo yaatumisa kyabazinga omukologho ow'e Assiria aidhe agiyambe. Aye nga tasobola kuwonia bulwaire obwo waire ebibwa ebyo.

Hosea 8:6

Omuisiraeli omugheesi n'eyakola ekifaananie ekyo, aye nga ekifaananie ekyo ti Katonda. Kale ni kirimenhebwamenhebwa kyasigala bukutukutu.

Mika 6:16

Ebyo bija kuba bityo lwa kuba mwasalagho okugema empisa embi edha kyabazinga Omiri ni mutabane Ahabu n'ab'endhu y'Ahabu oyo. Era timulekerangaku kujiira ku ngeri dhaibwe, kale nja kubazikiriza era abantu boonaboona babalingengaku nga babeesiimooza era nga bwe babasekerera.”