Hosea 10:4 - Baibuli Ekibono kya Katonda 2014

⁴ Boogera bibono bubono aye nga biziramu makulu naire. Balayira ebiziramu era baakola endagaano edhitagasa. Kale ni ensala y'omusango ebeefuukiire, yaaba ng'oti n'eisubi ery'obutwa erimeze mu bigufulugufulu eby'enimiro ye balimiisa embago y'ente.

Hosea 10:4 Iomraidhean Croise

Isaia 5:7

Isiraeli n'eisamba eryo ery'emizabbibu erya Musengwa Katonda Afuga Amagye; abantu b'omu Buyudaaya n'ekirime kye yasimba nga musangaavu. Yabasuubiramu okukola amazima, aye baakola bwa butemo. Yabasuubiramu okukola ebituufu, aye baakola bwa biriza bantu maziga!

Hosea 4:2

Balayira bye bataatuukirize, balimba, batemula, baiba, era baakola obwenzi. Okwiza emisango kweyongera bweyongere, era obutemo bubaagho buli kiseera.

Hosea 6:7

“Aye boona okufaananaku ni Adamu baamenha endagaano ye nakola nabo, baaloba kuba beesigwa ye ndi.

Amosi 5:7

Abantu imwe mukagwireku, kuba mufuulaniafuulania amazima, obutuufu mwabusuula ere.

Amosi 6:12

Embalaasi dhisobola okulumukira ku mabaale ag'oku nsozi? Omuntu asobola okulima mu nhandha n'embago ey'ente? Aye imwe amazima mugafiiremu butwa, n'obutuufu mwabufuulaniafuulania.

Ebikolwa by'Abatume 8:23

Kuba mbona nga oidhwire enge era oli musibe wa kibi.”

Ab'e Roma 1:31

Basirusiru, tibeesigwa, tibagonzania era bazira kusaasira.

Amateeka Agokubiri 29:18

Mwekuumenga ghalobe kubaagho musaadha oba mukazi, oba maka, oba kika, mu bali ghano olwaleero, akyusa mwoyo gwe n'ava ku Musengwa Katonda waife, n'asinza bakatonda b'amaghanga gandi. Okukola ekyo kuba ng'oti n'omuzi ogusibuka ku kimera ekikaagha era eky'obutwa.

Amateeka Agokubiri 31:16

Musengwa Katonda yaakoba Musa ati: “Bona, oli kumpi kufa oje weeyimbe ku badhaadha bo. Aye ng'omaze okufa, abantu bano baidha kulekera agho okuba abeesigwa ye ndi. Baidha kumenha endagaano ye nakola nabo, banveeku, basinze emisambwa egy'omu nsi ye bali kuja okubangamu.

Amateeka Agokubiri 31:17

Olwo ndibasungughalira, naabalekulira agho era naabeegisaaku, baazikirizibwa. Ebizibu n'okudaazibwadaazibwa okungi biribaidhira. Olwo baategeera ng'ebyo byonabyona bibatuuseeku, lwa kuba nze Katonda waibwe tikaali ghalala nabo.

2 Timotheo 3:3

abatalumirwa banaibwe, abatasaasira, abasala ku banaibwe ebibono, abatasobola kwefuga, abakambwe, abakyagha kiisi kikalamu,

Abaheburayi 12:15

Mwekuume ghalobe kubaagho afiirwa kisa kya Katonda, era ghalobe kubaagho bubi buva mu imwe ni butabulatabula era ni bwonoona bantu kamaala.