Hosea 1:7 - Baibuli Ekibono kya Katonda 2014

⁷ Aye ndisaasira ab'omu Buyudaaya naabawonia abazigu baibwe, nze Musengwa Katonda waibwe, nga tikozeisa lutalo: tirikozesa bulaso, oba empiima, oba embalaasi, oba abalwanira ku mbalaasi.”

Hosea 1:7 Iomraidhean Croise

2 Bakyabazinga 19:29

Agho Isaia yaakoba kyabazinga Hezekia ati: “Kano n'akanaaba akamanhiso akakwoleka ebinaabaagho: Mu mwaka guno ni mu mwaka ogwidha, muja kulya emere ng'emeze yeene. Aye mu mwaka oguliiraku mulisiga emere yaimwe mwagikungula. Mulisimba amasamba g'emizabbibu, mwalya n'ebibala byamu.

2 Bakyabazinga 19:34

Ndidha kulwanirira ekibuga kino, nkikuume olw'ekitiibwa kyange, ni ku olw'omugheereza wange Daudi.’ ”

2 Bakyabazinga 19:35

Agho obwire obwo, malaika wa Musengwa Katonda yaaja mu kifo Abassiria ghe baasimba weema dhaibwe, yaita abantu emitwalo ikumi na munaana n'enkumi itaanu (185,000). Abantu bwe baazuuka ku nkyo, baaja okulinga bati ng'abo boonaboona mirambo!

2 Bakyabazinga 6:18

Abasiria bwe baidha okulumba Elisha, Elisha oyo yaasaba Musengwa Katonda ati: “Wo Musengwa Katonda, nkweghemba oleetere amaiso g'abantu bano okutulughala.” Musengwa Katonda yaaleetera amaiso gaibwe okutulughala ng'Elisha bwe yasaba.

Zabbuli 33:16

Kyabazinga okuba n'eigye ery'amaani ti n'ekimuwonia okughangulwa, ate omulwani okuba n'amaani kamaala ti n'ekimuleetera okughangula.

Zabbuli 44:7

Aye niiwe owatuwonia abazigu baife, era waaswaza abo boonaboona abatukyagha.

Okuvaayo 14:13

Aye Musa yaabairamu ati: “Mutatya, imwe mube bube bagumu, mwidha kubona Musengwa Katonda ky'anaakola okubawonia Abamisiri abo olwaleero luno. Kuba Abamisiri abo be muli kubona olwaleero timuja kwirayo kubabona kabiri.

Okuvaayo 14:30

Atyo Musengwa Katonda bweyawonia Abaisiraeli ng'abatoola mu buyinza bw'Abamisiri, era Abaisiraeli baabona emirambo gy'Abamisiri nga giri agho ku mbali okw'enhandha.

Isaia 12:2

Bona, Musengwa Katonda n'omulokozi wange; ndidha kumwesiganga nga ghazira kye ntya. Musengwa Katonda oyo n'amaani gange, oyo n'olwembo lwange, era n'omulokozi wange.

Isaia 30:18

Aye ate Musengwa Katonda ali agho ateegereire ng'ayenda abagemerwe ekivunika. Yeetegeike okubasaasira, kuba by'akola byonabyona bituufu nga tiyeekubira. Ba nkabi abo boonaboona abamwesiga.

Isaia 49:6

Musengwa Katonda oyo yankoba ati: “Iwe eky'okuba omugheereza wange n'okola ogw'okwizaagho ekitiisa ky'ebika bya Yakobo, n'okwiza Abaisiraeli abaawonagho, tikimala. Ku ebyo ndyongerezaaku okukufuula eitaala eri amaghanga, olwo ensi yoonayoona erokolebwe.”

Isaia 7:14

Kale ni Musengwa Katonda mwene ku lulwe alibagha akamanhiso, era ni kano: Omughala omwegha alitoola enda, yaazaala omwana omulenzi yaamutuuma eriina Emmanueli

Yeremia 25:5

abaabakobanga bati, ‘Buli muntu alekere okukola ebibi era akyuse empisa dhe embi. Memale olwo musigale nga muli mu nsi Musengwa Katonda ye yabagha, imwe ni badhaadha baimwe, ebenga yaimwe ku bwaimwe.

Yeremia 25:6

Mutasinzanga waire okugheerezanga bakatonda abandi. Era mutasoononkerezanga Musengwa Katonda ni mumuleetera kusungughala nga musinza ebintu obuntu imwe beene bye mwekolera. Bwe muligondera Musengwa Katonda oyo, talibakolaku kabi koonakoona.’

Yeremia 33:26

Kale ni ng'endagaano eyo bw'etasobola kumenhebwagho, zeena ntyo bwe ntalisobola kulekulira agho baidhukulu ba Yakobo n'aba Daudi omugheereza wange, ni ntalonda owundi ku baidhukulu be afugenga baidhukulu ba Aburahamu, n'aba Isaaka, n'aba Yakobo. Bwenebwene ndigemerwa abantu bange ekisa, naabaleetera ebintu byairamu okubajiiranga obukalamu.”

Hosea 1:8

Gomeri bwe yamala okukuza mughala we Tasaasirwa n'ava ku mabeere, yaatoola enda kabiri era yaazaala omwana mulenzi.

Hosea 11:12

Musengwa Katonda akoba ati: “Abaisiraeli bandidhwizaaku obuguya bwaibwe okuneezunguluza. Aye ab'omu Buyudaaya, nze Katonda mbaidhi, era beesigwa eri Nze Omutukuvu.”

Zekaria 4:6

Agho malaika oyo yankoba okutwalira Zerubbabeli obukwenda bwa Musengwa Katonda obukoba buti: “Olighangula ti lwa kuba wa maani, waire okuba ow'obuyinza, aye lwa Musengwa Katonda Afuga Amagye okukugha omwoyo gwe.

1 Samueli 17:47

Era olwo abantu bano boonaboona abeesoloiza ghano bamanhe nga Musengwa Katonda talokola na mpiima waire na ifumo kuba Musengwa Katonda ni mwene lutalo luno, era imwe aidha kubata mu ngalo dhaife tubaghangule.”