Hosea 1:5 - Baibuli Ekibono kya Katonda 2014

⁵ Era mu kiseera ekyo, ndisaaniagho eby'okulwanisa bya Isiraeli mu kyetebwa Ekiiko ky'e Yezireeli.”

Hosea 1:5 Iomraidhean Croise

2 Bakyabazinga 15:29

Mu biseera Peka bye yafugiramu Isiraeli, ghaabaagho kyabazinga Tigulathi Pileseri ow'e Assiria yaidha yaagema ebibuga Iyoni, ni Abeli Bethi Maaka, ni Yanoa, ni Kedeshi, ni Hazori, n'ebiketezo eby'e Gileadi, n'eby'e Galilaaya, n'eby'e Nafutali. Era yaatwala n'abantu mu Assiria nga banhage.

Zabbuli 37:15

Aye empiima dhaibwe dhirifumita myoyo gyaibwe beene, n'obulaso bwaibwe bulimenhekamu.

Zabbuli 46:9

Alekeza okulwana entalo mu nsi yoonayoona; yaakutulakutula mu bulaso, era yamenhamenha amafumo, n'engabo yaadhikumaku omuliro.

Yeremia 51:56

Amagye agazikiriza ago gaidhiire Babiloni, gakiidhiire okukizikiriza. Abaisirukale baakyo babagemye, n'obulaso bwaibwe baabumenhamenha; kuba nze ndi Katonda abonereza, era ndyesasuliza ku Babiloni nga bwekigwaine.

Ezekieli 39:3

Agho ndikuba akalaso ko, kaakuva mu mukono omugooda, era naaleetera obusaale bwo bw'ogemye mu mukono omusaadha okugwa.

Hosea 2:18

Mu biseera ebyo ndikola endagaano n'ensolo edh'omu nsiko, n'enhonhi edhiguluka, n'ebyo ebyeghaluliza ku itaka, bibe nga tibikola kabi ku bantu bange. Era nditoolagho obulaso, n'empiima, n'eby'okulwanisa ebindi byonabyona mu nsi, olwo abantu bange babenga mu miraala.

Yoshua 17:16

Baamukoba bati: “Bwenebwene ekiketezo eky'ensozi kitono inho tikitumala, aye Abakanaani ababa mu biketezo eby'oku museetwe e Bethi Shani n'ebyalo byakyo ebikyezungulwire n'abo ababa mu Kiiko ky'e Yezireeli, bali n'ebigaali eby'omu lutalo ebyakolebwa mu byuma.”

Abalamuzi 6:33

Agho Abamidia boonaboona, n'Abamaleki, n'abatyamye ab'e buvandhuba, beesoloza. Baasomoka omwiga Yorudani, baasimba weema dhaibwe mu kyetebwa Ekiiko ky'e Yezireeli.