Hosea 1:4 - Baibuli Ekibono kya Katonda 2014

⁴ Musengwa Katonda yaakoba Hosea ati: “Mutuume eriina ‘Yezireeli,’ kuba esigaireyo ekiseera kitono mbonereze kyabazinga wa Isiraeli olw'obutemo dhaadha we Yehu bwe yakolera e Yezireeli. Nja kulekeza ab'oku nda ya Yehu okufuga obwakyabazinga bwa Isiraeli.

Hosea 1:4 Iomraidhean Croise

2 Bakyabazinga 10:1

Ahabu yaliku abaana nsanvu mu kibuga Samaria. Kale Yehu yaaghandiika embaluwa, yaadhigheereza mu Samaria, eri abafuzi b'ekibuga, n'abakulembeze, n'abakuza ab'abaana n'abaidhukulu ba Ahabu, ng'akoba ati:

2 Bakyabazinga 10:17

Bwe baatuuka e Samaria, Yehu yaita ab'endhu ya Ahabu boonaboona abaali bakaasigairegho mu Samaria, nga Musengwa Katonda bwe yakoba Eliya.

2 Bakyabazinga 15:29

Mu biseera Peka bye yafugiramu Isiraeli, ghaabaagho kyabazinga Tigulathi Pileseri ow'e Assiria yaidha yaagema ebibuga Iyoni, ni Abeli Bethi Maaka, ni Yanoa, ni Kedeshi, ni Hazori, n'ebiketezo eby'e Gileadi, n'eby'e Galilaaya, n'eby'e Nafutali. Era yaatwala n'abantu mu Assiria nga banhage.

2 Bakyabazinga 15:8

Mu mwaka ogw'amakumi asatu n'omunaana (38) nga kyabazinga Uzzia n'afuga Buyudaaya, Zekaria yaafuuka kyabazinga wa Isiraeli, kyabazinga Yeroboamu owokubiri nga n'amuzaala. Yaafugira mu Samaria okumala entangama ya myezi mukaaga.

Isaia 7:14

Kale ni Musengwa Katonda mwene ku lulwe alibagha akamanhiso, era ni kano: Omughala omwegha alitoola enda, yaazaala omwana omulenzi yaamutuuma eriina Emmanueli

Isaia 8:3

Agho naaja naaba ni mukazi wange, yaatoola enda era yaazaala omwana mulenzi. Musengwa Katonda yankoba ati: “Mutuume eriina OMUNHAGO OGW'AMANGU, OKUSWANKULA BYE BANHAGULWIRE

Isaia 9:6

Kuba ife omwana atuzaaliirwa, omwana omulenzi atugheereibwa, aidha okubanga omufuzi waife. Aidha kwetebwanga “Omuwi w'Amagezi Eyeewuunhisa, Katonda ow'Obuyinza, Iseife aligho ebyanda n'ebyanda, Omulangira Aleeta Emiraala”.

Yeremia 20:3

Enkyo ku lunaku olwairirira, Pashuhuri bwe yalagira ni bansibulula mu nkoligo, nze naamukoba nti: “Musengwa Katonda takaakweta liina lyo Pashuhuri, aye aidha kukwetanga ‘Entiisa Egemye Bulighantu.’

Yeremia 23:2

Kale ni, Musengwa Katonda, Katonda wa Isiraeli bino by'akoba ebigema ku bakulembeze abalabirira abantu be, ati: “Imwe timwafaayo naire kulabirira bantu bange. Mwababinga era mwabasansaania. Aye bona eno, nze ndidha kufaayo inho okubona nga imwe mbabonereza olw'ebibi bye mwakola.

Yeremia 3:8

Baabona nga mminga Abaisiraeli abo naabagha n'embaluwa ebabinga, olw'obutaba beesigwa ng'oti n'omukazi malaaya. Aye ab'e Buyudaaya abo baganda b'Abaisiraeli, tibaatya naire. Boona baaja buje, baafuuka abatali beesigwa ng'oti n'omukazi malaaya,

Ezekieli 23:10

Abo baamutoolamu engoye dhe baamuleka madu, baagema batabane be ni baghala be, era mwene baamwita n'empiima. Bwe yamala okusalirwa atyo omusango ni gumusinga, yaafuuka kya kuyeeyereza mu bakazi.

Ezekieli 23:31

Wagema engira n'endala eyo nga muganda wo, kale ni ndikugha ekikopo eky'ekibonerezo ng'ekikye.”

Hosea 1:6

Gomeri yaatoola enda kabiri, yaazaala omwana mughala. Musengwa Katonda yaakoba Hosea ati: “Mutuume eriina ‘Tasaasirwa,’ kuba nze tikaasaasira Baisiraeli, waire okubasonigha.

Hosea 1:9

Musengwa Katonda yaakoba Hosea ati: “Mutuume eriina ‘Tiibantubange,’ kuba imwe timukaali bantu bange, era zeena tikaali Katonda waimwe.”

Hosea 2:13

Ndimubonereza olw'okukuzanga ebibinuko by'omusambwa Baali era n'aguniokezanga obubbaani. Era ndimubonereza olw'okuvaala empeta n'ebyamadholobera, n'aja n'abagonzi be, olwo nze n'aneerabira. Musengwa Katonda n'akobye.

Hosea 2:22

N'ensi eribaza engaano, n'emizabbibu, n'emyoliva.

Hosea 9:17

Katonda wange alirekulira agho abantu be, kuba baaloba okuwulira by'abakoba. Balitambulatambula eyo batyo mu maghanga agandi.

Amosi 9:8

Bona eno, nze Musengwa Katonda ntaire eriiso lyange ku bwakyabazinga bwaimwe Abaisiraeli obwonooni. Era ndidha kubuzikiriza buve ku nsi kuno. Aye tiidha kuzikiriza nda ya Yakobo kugimaliriragho.

Matayo 1:21

Aidha kuzaala omwana wa bulenzi, era oidha kumutuuma eriina lya Yesu, kuba n'oyo alirokola abantu mu bibi byaibwe.”

Luka 1:13

Aye malaika yaamukoba ati: “Zekaria otatya, kuba okusaba kwo kuwuliirwa era mukazi wo Elisabethi aidha kukuzaalira omwana omulenzi, omutuume eriina Yoanne.

Luka 1:31

Oidha kutoola enda ozaale omwana wa bulenzi, omutuume eriina Yesu.

Luka 1:63

Yaabasaba akabaawo, yaaghandiika ati eriina lye ni Yoanne. Boonaboona beewuunhia inho.

Yoanne 1:42

Yaatwala Simoni eri Yesu. Yesu bwe yamubona yaamukoba ati: “Niiwe Simoni mutabane wa Yoanne? Oidha kwetebwanga Kefasi,” amakulu gaakyo nti Petero n'olubaale.

Yoshua 19:18

Era ekiketezo kye baafuna nga kizingiramu ebibuga bino: Yezireeli, Kesullothi, Shunemu,