Hosea 1:2 - Baibuli Ekibono kya Katonda 2014

² Omukuzi ogwasooka Musengwa Katonda okwogerera mu Hosea, Musengwa Katonda oyo yakoba Hosea ati: “Ja ofumbirwe omukazi atali mwesigwa malaaya, ozaale naye abaana ab'obwamalaaya, kuba abantu bange banviireku nze Musengwa Katonda, tibakaali beesigwa naire.”

Hosea 1:2 Iomraidhean Croise

2 Ebyomubyanda 21:13

Aye weebisanga bubi nga bakyabazinga ba Isiraeli bwe baakolanga, waaleetera abantu b'omu Yerusalemu n'ab'omu Buyudaaya boonaboona okuva ku Musengwa Katonda, ng'oti ni Ahabu n'ab'endhu ye bwe baaleetera Abaisiraeli okuva ku Musengwa Katonda oyo. Era okwo waayongeraku n'eky'okwita baganda bo, abaana ba lata wo mwene, abaali abantu abakalamu okusinga n'iwe.

Zabbuli 106:39

Batyo beene beereetaku okuba aboonoonefu olw'ebikolwa byaibwe ebyo, era baava ku Katonda.

Zabbuli 73:27

Abo abakuvaaku baja kuzikirira, oja kumalagho abo abadaaliima.

Yeremia 2:13

Kuba abantu bange bakoze ebintu ebibi bibiri: banvaaku nze, ali ng'oti n'ensulo ey'amaadhi ag'obulamu, beesimira ebidiba ebiwomofuwomofu, ebitasobola kukuuma maadhi.

Yeremia 2:20

Musengwa Katonda akoba ati: “Imwe Abaisiraeli, mwava ira nga muloba nze okubafuga, mwandheemera, mwakoba muti, ‘Titwidha kumusinzanga.’ Era mwasinzizanga emisambwa ku buli lusozi olugulumivu, na buli ghansi mu kinsense eky'omuti omuzibirivu.

Yeremia 2:23

Musobola mutya okukoba muti, ‘Titubangaku boonoonefu, era titusinzangaku musambwa Baali?’ Mubone nga bwe mwebisa obubi mu kiiko, mutegeere bye mwakola. Muli ng'oti ngamiya ebbaamuuse n'erumukira eno n'ere.

Yeremia 3:9

baaloba kugemwa na nsoni. Olwo baaleetera ensi okwonooneka, olw'obutaba beesigwa ye ndi, ni baja basinza obw'amabaale n'emiti.

Ezekieli 6:9

baaba eyo mu bunhage. Abo balindidhukira nga bali eyo era baamanha nga bwe namenha emyoyo gyaibwe egitali myesigwa egyanvaaku, ni giira ku kusinza ebifaananie ebitali nze Katonda. Kale balituuka beene okwesinwa olw'ebibi byaibwe, n'olw'ebyenhinhalwa bye bakola.

Hosea 2:7

Alirumuukirira abagonzi be, aye talibaagaana. Alibanoonia, aye talibabona. Agho alikoba ati: “Ka nje ndhireyo ye baze wange eyasooka, kuba eyo nabanga bulungi okusinga bwendi mperaano.”

Hosea 3:1

Agho Musengwa Katonda yankoba ati: “Ja kabiri ogonze omukazi omwenzi ali n'omusaadha owundi y'ayenda. Omugonze nga nze Musengwa Katonda bwengonza Abaisiraeli, waire nga bakyuka baasinza bakatonda abandi era baasanhukira inho okughaayo emizabbibu egikaziibwa ng'ebigheebwayo eri bakatonda abo.”

Hosea 5:3

Nze ndidhi Abaisiraeli nga bwe bafaanana era tibasobola kuneegisaaku. Abaisiraeli abo tibabaire beesigwa naire, era bafuuse abatali balongoofu.”

Mariko 1:1

Entandiika y'Amawulire Amalungi aga Yesu Kurisito Omwana wa Katonda.

Amateeka Agokubiri 31:16

Musengwa Katonda yaakoba Musa ati: “Bona, oli kumpi kufa oje weeyimbe ku badhaadha bo. Aye ng'omaze okufa, abantu bano baidha kulekera agho okuba abeesigwa ye ndi. Baidha kumenha endagaano ye nakola nabo, banveeku, basinze emisambwa egy'omu nsi ye bali kuja okubangamu.

2 Petero 2:14

Bamoga bwenzi bwereere era tibasinwa kukola bibi. Basendasenda abanafu mu kwikiriza. Emyoyo gyaibwe girowooleza bwa mu kufuna. Ba kuzikirira!

Okwolekebwa 17:5

Mu kyeni kye mwali mughandiikiibwamu eriina ery'amakulu amagise liti: “Babiloni omukologho, azaala bamalaaya n'ebyenhinhalwa eby'oku nsi.”