Hosea 1:11 - Baibuli Ekibono kya Katonda 2014

¹¹ Abantu ab'omu Buyudaaya n'ab'omu Isiraeli baliiramu okuba aghalala, beerondera omukulembeze mulala. Era ebintu biriiramu okubajiira obukalamu mu nsi yaibwe. Bwenebwene olunaku lw'e Yezireeli luliba lukologho inho.

Hosea 1:11 Iomraidhean Croise

Zabbuli 110:3

Ku lunaku lw'olija n'eigye lyo okulwana, abantu bo baja kweghaayo kyeyendere aghazira kukakibwa. Abavubuka bo baja kwidha y'oli ku nsozi entukuvu ng'oti musulo gwa nkyo.

Yeremia 30:21

Mu ighanga lyaibwe lyene n'omuliva alibafuga; kyabazinga waibwe aliva mu beene. Ndimala kumweta memale yaaseeta ye ndi. Ghaligho akana n'aseeta ye ndi ku bubwe yenka? Nze Musengwa Katonda, ninze nkobye.”

Yeremia 30:3

kuba bona eno, ekiseera kiri kwidha lwe ndireetera abantu bange Abaisiraeli n'Abayudaaya ebintu okwiramu okubajiiranga obukalamu. Ndibaiza mu nsi ye nagha badhaadha baibwe, era bairamu okugitwala yaaba yaibwe ku bwaibwe. Nze Musengwa Katonda, ninze nkobye.”

Yeremia 30:7

Tukagwireku! Olunaku olutiisa einho luli kwidha, era ezira lundi lw'olugerangeraniaku. Luliba lwa bulumi ku bantu bange, aye balirubitamu baabaagho.”

Yeremia 31:33

Ekiseera ekyo bwe kirituuka, eno n'endagaano ye ndikola n'Abaisiraeli: Ndibataamu amateeka gange, naagaghandiika ku myoyo gyaibwe. Nze ndiba Katonda waibwe, beene baaba bantu bange.

Yeremia 32:37

Bona, ndidha kusoloza abantu bange okuva mu nsi dhoonadhoona ye nabasansaaniza nga mbasungughaliire ebitaloodheka, mbaize mu kifo kino era mbaleetere okukibaamu mu miraala.

Yeremia 50:19

Ndiizaayo Abaisiraeli mu nsi yaibwe, baalya emere erimwa ku lusozi Karumeli, ni mu kiketezo ky'e Bashani. Era balirya nga bwe benda, ku bibala ebirimwa mu kiketezo kya Efuraimu ni mu kya Gileadi.

Ezekieli 39:25

Agho ni, Musengwa Katonda kyava ali kukoba ati: “Aye mpegaano nja kuleetera baidhukulu ba Yakobo ebintu okwiramu okubajiiranga obukalamu, ngemerwe ekivunika eighanga lyonalyona Isiraeli, era nkuume n'ekitiisa ky'eriina lyange eitukuvu.

Hosea 2:1

Kale mukobere Baisiraeli banaimwe, bamanhe bati “Bantu ba Katonda” era bati “Bagonzi ba Musengwa Katonda.”

Hosea 3:5

Aye mu biseera eby'oluvainhuma abantu bange Abaisiraeli balikyuka, kabiri baira eri Musengwa Katonda waibwe n'eri Daudi kyabazinga waibwe. Baliiramu okutya Musengwa Katonda oyo, era baafunanga ebirungi ebiva y'ali.

Ab'e Roma 11:15

kuba oba nga ekya Katonda okubalekulira agho kyaleetera ensi okwizaagho omukago ni Katonda, memale okwizibwa kwaibwe tikulireeta bulamu okuva mu kufa!