Haggai 2:9 - Baibuli Ekibono kya Katonda 2014

⁹ Eisinzizo eiyaaka liriba lya kitiisa okusinga lire eryasooka. Era mu eryo mwe ndireetera abantu bange ebintu okubajiiranga obukalamu nga bali mu miraala. Nze Musengwa Katonda Afuga Amagye, ninze nkobye.”

Haggai 2:9 Iomraidhean Croise

Isaia 60:7

Abantu balikuleetera entaama dhoonadhoona edh'e Kedari n'edh'e Nebaiothi, baadhighaayo ng'omusengo. Balidhireetanga ku alutaari, Musengwa Katonda yaadhisiima. Era Musengwa Katonda oyo alyongeranga okufuula eisinzizo lye okuba ery'ekitiisa.

Isaia 66:12

Musengwa Katonda akoba ati: “Bona, ndireetera ebirungi okuba mu Yerusalemu ebingi einho, nga bikuuluula bukuuluule ng'oti mwiga. Obukombe obw'amaghanga buliyoolookera omwo ng'oti n'omwiga ogwidhwire ni gubanda n'okubanda. Era imwe mulirabirirwa ng'oti mwana mughere inhina y'ayonsa, n'amulera era n'amutenga ku mubiri.

Ezekieli 43:5

Era omwoyo gwa Musengwa Katonda oyo gwambeeda gwantwala mu luya olw'omunda. Okuja okulinga nti nga mbona okumesunkana okw'ekitiisa kya Musengwa Katonda kubunie eisinzizo.

Mika 5:5

Kino kija kuleetagho emiraala. Ab'e Assiria bwe balitulumba, ni baghagula ebifo byaife ebigumu bye twesiga, tuja kusindika abakulembeze ab'amaani babalwanise.

Haggai 1:8

Mpegaano ni muje mu nsozi muleete emiti, mwiremu okuzimba buyaaka eisinzizo, memale nsiime. Olwo ekitiisa kyange kyeyoleke. Nze Musengwa Katonda, ninze nkobye.

Haggai 2:3

“Naani ku imwe abakaasigairegho, eyabona eisinzizo lino mu kitiisa kyalyo ekyasooka? Mperaano libabonekera litya? Liteekwa kuba nga lyaweeramu irala ekitiisa!

Zekaria 2:5

Musengwa Katonda akoba ati mwene n'aliba ekimante eky'omuliro okwezungulula ekibuga ng'akikuuma, era ati mwene n'aliba ekitiibwa ky'ekibuga ekyo.”

Luka 2:14

“Ekitiisa kibe ye Katonda eyo ghaigulu yeene, n'emiraala gibe ku nsi ku bantu be b'agonza.”

Yoanne 1:14

Kibono yaafuuka omuntu yaaba mu ife ng'aidhwire ekisa n'amazima. Twabona ekitiisa kye, ekitiisa ng'eky'Omwana wa Lata omulala bedengedenge.

Yoanne 14:27

“Mbalekeire emiraala, emiraala gyange gyene gye mbaghaire ate tigibaghaire ng'ensi bw'egigaba. Muteeraliikirira mu myoyo gyaimwe waire okutya.

Ebikolwa by'Abatume 10:36

Katonda yagha abantu ba Isiraeli ekibono ng'abakobera Amawulire Amalungi agaleeta emiraala ng'abita mu Yesu Kurisito. Oyo ni Musengwa ow'abantu boonaboona.

1 Timotheo 3:16

Bwenebwene ekyama eky'endhikiriza yaife kikologho: “Yaboneka nga muntu mwene, yaakakasibwa Mwoyo, yabonebwa bamalaika. Yaalangirirwa mu maghanga, yaikirizibwa mu nsi yoonayoona, era yaatwalibwa mu igulu mu kitiisa.”

Yakobo 2:1

Aboluganda, nga bwe mwikiriza mu Musengwa waife Yesu Kurisito, oyo Musengwa ow'ekitiisa, mulekere kuboolanga bantu abatababonekera bukalamu.