Haggai 1:9 - Baibuli Ekibono kya Katonda 2014

⁹ “Mwasuubira okukungula ebirime kamaala, aye wo, mwafunayo bitono. Era n'ebitono ebyo bwe mwabituusa eka, naabyonoona. Lwaki nabyonoona? Lwa kuba eisinzizo lyange liri bifulukwa byereere, aye nga imwe buli muntu yeefubiriire ku kulabirira ndhu ye.

Haggai 1:9 Iomraidhean Croise

2 Samueli 21:1

Agho mu kiseera Daudi kye yafugiramu Isiraeli endhala yaagwa, yaalumira emyaka esatu egiiraganwaku. Daudi yaaja yeebuuza ku Musengwa Katonda. Musengwa Katonda yaamukoba ati: “Saulo n'ab'endhu ye baliku omusango ogw'obutemo, kuba Saulo yaita Abagibeoni.”

2 Samueli 22:16

Musengwa Katonda bwe yabakaabukira, n'empiriito ey'omuuka ogw'omu nhindo dhe n'ewulirwa, emisingi egy'ensi gyayerulwa, n'entobo y'enhandha yaaboneka.

2 Bakyabazinga 19:7

Bona eno, ndidha kumutaamu ekidhuubo, mmuleetere okujiira ku lubono lw'awulira nga lwogerwa mu bantu, aireyo mu nsi ye. Era mmuleetere okwitibwa ng'ali eyo.’ ”

Yobu 10:2

Ndidha kukoba Katonda nti otansalira bwa musango kunsinga, aye mmanhisa ky'onvunaana.

Ensambo 11:24

Ghaligho omuntu aba omugabi einho aye yeeyongera bweyongere kugaigaghala, ate owundi yaaba mukodo ekibitiriire aye yeeyongera bweyongere kwavughala.

Ensambo 27:20

Ng'amagombe bwe gatalekera kumira bafu, n'amaiso g'omuntu goona gatyo bwe gataiguta kubona.

Omulangirizi 1:8

Ebintu byonabyona bikooya, byaleetera omuntu okwesinwa ebitaloodheka. Amaiso tigalingirira ni gaiguta bye gabona, waire amatu okuwulira ni gaiguta bye gawulira.

Isaia 40:7

Musengwa Katonda bw'agheera obugheere ati omuuka, eisubi liniala n'ekimuli kyamagala. Bwenebwene abantu bali ng'oti isubi, tibaghangaala naire.

Isaia 5:10

Eisamba ery'emizabbibu ery'eyiika eikumi, liidha kuvangamu bwa lita munaana edh'omwenge ogw'emizabbibu. Ate omusiri ogusigibwamu ekiibo ekiramba eky'ensigo, gwidha kukungulwangamu kaibo bwibo.”

Yeremia 12:13

Abantu bange baasiga engaano, aye baakungula mawa. Baafaabiikana inho, aye baaloba kufunamu muganhulo. Baaswala olw'obutabaagho ke bafunamu, kuba obusungu bwange obubitirivu bwabalemeesa.”

Ezekieli 21:31

Ndibamaliraku obusungu bwange, ekiruyi kyange kyabatumbukiraku ng'oti muliro, era naabaghaayo mu ngalo edh'abantu abakambwe ng'oti nsolo, abali n'obumanhirivu mu kuzikiriza.

Abalevi 19:25

Aye mu mwaka ogwokutaanu, muliba ba idembe okulya ku bibala byagyo. Ebyo byonabyona bwe mulibituukiriza, emiti gyaimwe giribala inho. Ninze Musengwa Katonda waimwe.

Haggai 1:4

“Lwaki imwe beene musula mu mayumba amayooyoote, aye ng'eisinzizo lyange liri bifulukwa byereere?

Haggai 1:6

Mwasiga bingi aye mwakungula bitono. Muli n'emere ey'okulya aye tebamala kubaigusa. Muli n'omwenge ogw'okunhwa aye tigubamala ndiwo! Muli n'engoye edh'okuvaala aye tidhibamala kusuugha. Abakozi empeera ye bafuna tebamala mu byetaago byaibwe.

Malaki 2:2

Muli n'okuntaamu ekitiisa. Aye ekyo bwe munaaloba okukitaaku omwoyo, ndibasindikira ekikolimo, n'edhandibaire enkabi dhoona naadhireetera okufuuka ebikolimo. Mu butuufu ekyo namala ira n'okukikola, kuba ekiragiro kyange timukitaaku mwoyo.

Amateeka Agokubiri 28:38

“Mwidha kusiganga ensigo kamaala mu nimiro, aye mwidha kukungulanga kitono, kuba enzige dhiidha kulyanga ebirime byaimwe.

Okwolekebwa 2:4

Aye kye ntasiima ni kino: Okugonza kwe wali nakwo mu mainhama wakuvaaku.

Okwolekebwa 3:19

“Nze abo be ngonza mbanenia era mbakangaivula. Kale fuba weenenie.