Haggai 1:8 - Baibuli Ekibono kya Katonda 2014

⁸ Mpegaano ni muje mu nsozi muleete emiti, mwiremu okuzimba buyaaka eisinzizo, memale nsiime. Olwo ekitiisa kyange kyeyoleke. Nze Musengwa Katonda, ninze nkobye.

Haggai 1:8 Iomraidhean Croise

1 Bakyabazinga 6:1

Mu mwaka ogwebikumi ebina n'ekinaana (480) ng'Abaisiraeli bamaze okuva mu nsi Misiri, mu mwaka ogwokuna okuva Solomoni lwe yatoolera okufuga Isiraeli, mu mwezi ogwetebwa Zivu, ogwo nga n'omwezi ogwokubiri mu mwaka, Solomoni oyo yainhama okuzimba eisinzizo lya Musengwa Katonda.

1 Bakyabazinga 9:3

Yaamukoba ati: “Mpuliire by'onsabye ng'oneeghemba agho mu maiso gange. Ntukwiza eisinzizo lino ly'onzimbiire, libe ery'okunsinzizangamu enaku dhoonadhoona. Ndidha kulikuumanga obutatemya enaku dhoonadhoona.

1 Ebyomubyanda 22:19

Kale ni, mperaano mugheerezenga Musengwa Katonda waimwe n'omutima gwaimwe era n'omwoyo gwaimwe gwonagwona. Musitukiremu, mutoolere okuzimba eisinzizo, musobole okutaamu Esanduuku y'Endagaano ya Musengwa Katonda, n'ebintu ebindi byonabyona ebitukuvu eby'okukozesa, bibenga mu isinzizo lyemuja okuzimba okumugheesa ekitiisa.”

2 Ebyomubyanda 7:16

kuba mpegaano ntukwiza eisinzizo lino, libe ery'okunsinzizangamu enaku dhoonadhoona. Ndidha kulikuumanga obutatemya enaku dhoonadhoona.

Ezera 3:7

Kale baaghaayo empiiya okusasulira abazimbisa amabaale n'ababaadhi. Baagha ab'e Sidoni n'ab'e Tiro emere n'eby'okunhwa, n'omuzigo ogw'ebibala eby'emiti emyoliva, batoole emiti emivule e Lebanoni nga bagiseeyeeyeza ku maadhi bagireete e Yoppa, nga kyabazinga Kuro ow'e Perusia bweyali amaze okubaikiriza.

Ezera 6:4

Ekisenge bakizimbe n'enhiriri isatu edh'amabaale amabaadhe amanene, ku ngulu kwago bateeku olunhiriri lw'embaawo lulala. Endyanga ey'obwakyabazinga n'ebe esasulire omulimo ogwo gwonagwona.

Okuvaayo 29:43

Mu kifo ekyo mwe ndidha okwagaanananga n'Abaisiraeli boonaboona, era ekitiisa kyange kiidha kukifuulanga kitukuvu.

Isaia 60:13

Abantu balireeta emiti egiva e Lebanoni, emisipuressi, emipulane, n'emyalumugi, baagizimbisa buyaaka eisinzizo lyange okuliwoomya, n'okugheesa ekibuga kyange ekitiisa.

Isaia 60:7

Abantu balikuleetera entaama dhoonadhoona edh'e Kedari n'edh'e Nebaiothi, baadhighaayo ng'omusengo. Balidhireetanga ku alutaari, Musengwa Katonda yaadhisiima. Era Musengwa Katonda oyo alyongeranga okufuula eisinzizo lye okuba ery'ekitiisa.

Isaia 66:11

musobole okwonka mwigute amabeere ge agaidhwire, era mugabane ku kitiisa kye ekiswikiriire.”

Haggai 1:7

Aye kale ni, muboine ebibatuuseeku?

Haggai 2:7

Nja kutengeesa amaghanga goonagoona, eby'obukombe byago byonabyona bireetebwe ghano, olwo ndidhuze eisinzizo lino eby'obukombe.

Haggai 2:9

Eisinzizo eiyaaka liriba lya kitiisa okusinga lire eryasooka. Era mu eryo mwe ndireetera abantu bange ebintu okubajiiranga obukalamu nga bali mu miraala. Nze Musengwa Katonda Afuga Amagye, ninze nkobye.”