Filemoni 1:9 - Baibuli Ekibono kya Katonda 2014

⁹ Aye olw'okuba tugonzania, nkweghemba bweghembe, waire nga ninze Paulo omukwenda wa Kurisito Yesu, era omusibe ku lwa Kurisito oyo.

Filemoni 1:9 Iomraidhean Croise

Zabbuli 71:18

Wo Katonda wange, ni bwendikairigha ni mmera envu, otandekuliranga agho, okutuusa nga nkobeire abantu amaani go n'obukumu bwo, ense dhoonadhoona edhija okwiragho.

Zabbuli 71:9

Ni bwendikairigha otansuula ere; otandekulira agho ng'ate amaani gampweire.

Ensambo 16:31

Envu edh'obukaire dhiri ng'oti n'engule ey'ekitiisa, dhifunibwa abo abeebisiisa mu bulamu obutuufu.

Isaia 46:4

Ni bwe mulikula ni mukairigha ni mumera n'envu, era ndidha kubalabiriranga. Ninze eyabatonda, era ndidha kubakuumanga mbayambe mbalokole.

Ab'e Roma 12:1

Kale ni aboluganda mbeeghemba olw'ekisa kya Katonda, mwegheeyo ng'omusengo omulamu omutukuvu era ogwikirizibwa Katonda. Okwo n'okumusinza okw'amazima.

2 Ab'e Korintho 5:20

Kale tuli bakwenda ba Kurisito, Katonda b'abitamu okubeeta. Tubeeghembye mu liina lya Kurisito muganhe Katonda abaghe okwisania naye.

2 Ab'e Korintho 6:1

Nga tukolera ghalala ni Katonda, tubeeghembye ekisa Katonda kye yabagemerwa mutakireka kufa busa.

Ab'e Galatia 3:26

Kuba mu Kurisito Yesu, mwenamwena muli buti baana bakulu aba Katonda olw'okwikiriza.

Ab'Efeso 3:1

Ekyo kindeetera nze Paulo, omusibe olwa Kurisito Yesu ku lwaimwe abamaghanga agandi, okubasabira eri Katonda.

Ab'Efeso 4:1

Kale nze eyasibwa olw'okugheereza Musengwa, mbeeghemba mwebise mu nsambo egwanira obulamu bwe mwayeterwa.

Ab'Efeso 6:20

Ndi mukwenda wa Mawulire ago Amalungi waire ndi mu ikomera. Munsabire ndobe kutya mu kugamanhisa abantu nga bwe kigwaniire.

1 Timotheo 1:12

Neeyanza Kurisito Yesu musengwa waife, eyampa amaani okukola omulimo guno, era n'abona nga ngwaniire, n'anonda okumugheereza.

Tito 2:2

Kubirizanga abasaadha abakulu beefugenga, babenga bantu bakalamu. Batenga amagezi mu bye bakola, babenga baidhuvu mu kwikiriza, mu kugonza ni mu kuguminkiriza.

Abaheburayi 13:19

Era mbeeghemba okunsabiranga einho nsobole okwira amangu ye muli.

1 Petero 2:11

Aboluganda, nga bwe muli ababise era abanoonia obubudamo mu nsi muno, mbeeghembye mulobere irala kujiira ku mubiri bye gwegomba ebirwanisa omwoyo.

Abalamuzi 21:22

Baiseibwe oba baanhinaibwe bwe baliidha ye muli okubavunaana, mulibakoba muti, ‘Tubeeghembye mubatulekere, kuba titwababanhagaaku bunhage mu lutalo okubafuula bakazi baife. Ate, nga bwe mutaabatugha bughe, muziraku musango gubavunaanibwa lwa kumenha kirayiro kye mwalayira.’ ”