Filemoni 1:17 - Baibuli Ekibono kya Katonda 2014

¹⁷ Mbeeni oba nga nze ndi mwino, Onesimo musangaalire oti ni bwe wandisangaaliire nze.

Filemoni 1:17 Iomraidhean Croise

Matayo 10:40

“Asangaalira imwe, aba asangaaliire nze ate asangaalira nze aba asangaaliire ole eyantuma.

Matayo 18:5

Ate buli asangaalira omuto oti n'ono mu liina lyange, aba asangaalira nze.

Matayo 25:40

“Agho Kyabazinga alibairamu ati, ‘Bwenebwene ka mbakobere buli kye mwakolera omulala ati ku baganda bange bano abato, mwakikolera nze.’

Ebikolwa by'Abatume 16:15

Ono n'ab'omu ndhu ye bwe baamala okubatizibwa, yaatusaba ng'akoba ati: “Oba nga muboine nga ndhikiriza Musengwa bwenebwene, mwidhe mube ewange.” Yaatwikirizisa twaja.

2 Ab'e Korintho 8:23

Tito oyo, ni mukozi munange bwetubagheereza, ate aboluganda bale, bakwenda ba Bikunsu eby'Abaikiriza mu Kurisito, olw'okugheesa Kurisito ekitiisa.

Ab'Efeso 3:6

Ekyama ni kino: olw'Amawulire Amalungi, abamaghanga agandi boona baagabana ku birungi ebyo Katonda by'agha Abayudaaya. Baafuuka omuntu mulala mu Kurisito Yesu, era baagabana ku ebyo Katonda bye yabasuubiza mu Kurisito oyo.

Ab'e Filippi 1:7

Ndi mutuufu okubalowoozaaku ntyo mwenamwena kuba mundi ku mwoyo, ate era kuba mugabanira ghalala ninze ku kisa kya Katonda, ka kibe mu busibe bwange mu ikomera, oba mu kulwanirira n'okukakasa Amawulire Amalungi.

1 Timotheo 6:2

Abairu abo abali ni basengwa baibwe nga Bakuristo, batabeemanhirizanga olw'okuba baganda baibwe. Beeyongerenga bweyongere okubagheereza obukalamu, kuba abo be bagheereza Bakuristo era bagonzi. Ebyo by'obe obeegeresenga era obakubirizenga okukola.

Filemoni 1:10

Ndi kukweghemba ku lw'omwana wange Onesimo eyafuuka omwana wange nga ndi musibe.

Filemoni 1:12

Ndi kumutuma aire y'oli, aye nga mmugonza inho.

Filemoni 1:18

Oba nga ghaligho ekibi kye yakukola oba ekintu ky'omubandha, kibale ku nze.

Abaheburayi 3:1

Kale ni aboluganda abatukuvu, nga mwena bwemwayetebwa n'okwetebwa okuva mu igulu, mulowooze ku Yesu omutume era Omukulu wa Bakabona mu kwikiriza kwaife.

Abaheburayi 3:14

Kiri nti tuba tuli kwisa kirala mu Kurisito, kasita tukalangula obwesige bwaife bwe twatoolera nabwo, ni tubutuukiza irala ku nkomerero.

Yakobo 2:5

Aboluganda abagonzi, muwulire kino: Katonda yalonda abaavu ab'oku nsi kuno okuba abakombe mu kwikiriza, era n'okuba mu Bwakyabazinga bwe yasuubiza abo abamugonza.

1 Petero 5:1

Nhenda okukubiriza abo abakulembeze b'abaikiriza abali mu imwe. Zeena nga bwendi mukulembeze munaibwe eyaboneraku irala okudaazibwadaazibwa kwa Kurisito, era aja okugabana ku kitiisa ekija okwolekebwa, mbakubiriza

1 Yoanne 1:3

Ekyo kye twabona era kye twawulira mwena kye tubakobera, musobole okutweyimbaku mu kwisania. Okwisania kwene kwe tuli nakwo ni Lata era n'Omwana we Yesu Kurisito.