Ensambo 8:5 - Baibuli Ekibono kya Katonda 2014

⁵ Imwe abazira kye mwidhi, mwege okumanha ekigwaine okukolebwa; imwe abasiru, mwege okutegeera.

Ensambo 8:5 Iomraidhean Croise

Zabbuli 19:7

Musengwa Katonda yataagho amateeka ge na bwegendereza; gaiza obulamu mu mwoyo oguziriike. Kiisi Musengwa Katonda ky'akoba kyesigika, kifuula azira magezi okuba omugezi.

Zabbuli 94:8

Mulitegeera li imwe abadoofu abasembayo? Mulibaamuuku li ku magezi imwe abasiru?

Ensambo 1:22

“Imwe abazira kye mwidhi, mulirekera li okugonza okubanga obwagho nga muzira kye mwidhi? Imwe abanhoomi, mulirekera li okusangaalira obunhoomi bwaimwe obwo? Era imwe abasiru mulirekera li okukyagha okumanha?

Ensambo 1:32

Abazira kye baidhi bafa lwa butenda kugalagirwa, abasiru baazikirira lwa butafaayo.

Ensambo 1:4

Dhireetera omuntu azira ky'aidhi okufuna amagezi, n'omwisuka okumanha ekigwaine okukolebwa.

Ensambo 3:35

Abagezi baligheebwa ekitiisa, aye abasiru balyeyongera kunhoomebwa.

Ensambo 8:12

“Ninze Magezi, mba ghalala ni Kutegeera, era nkozesa okumanha naasalagho ekigwaine okukolebwa.

Ensambo 8:4

“Ndi kukoba imwe mwenamwena, buli muntu ali ku nsi yeenayeena awulire.

Ensambo 9:4

“Buli muntu yeenayeena azira ky'aidhi, aidhe mu ndhu muno.” Era amagezi ago gaakoba buli muntu aziramu kategeera, gati:

Isaia 42:13

Musengwa Katonda avaayo, yaaja okulumba ng'omulwani ow'amaani. Ayoleka obukambwe ng'omwisirukale, yaakaabuka ng'ataireku n'enduulu edh'omu lutalo, yaayolesa amaani amabitirivu ag'okulwanisa abazigu be.

Ebikolwa by'Abatume 26:18

Olibazibula amaiso, bagaluke okuva mu nzikiiza baire mu butangaavu, era bave mu buyinza bwa Sitaani baire ye Katonda, basoniyibwe ebibi byaibwe era bafune omugabo n'abo abatukuzibwa olw'okundhikiriza.’

1 Ab'e Korintho 1:28

Yalonda abo ensi b'etwala nga ba ghansi, nga baziramu mugaso era abanhoomebwa, olwo ayoleke ng'abo ensi b'etwala ng'abalimu omugaso, muzira.