Ensambo 8:10 - Baibuli Ekibono kya Katonda 2014

¹⁰ Mwendenga bye ndhegeresa mu kifo ky'okwenda feeza, era mugonzenga okumanha mu kifo ky'okugonza zaabu omukenenule.

Ensambo 8:10 Iomraidhean Croise

Yobu 28:15

Toghaayo zaabu n'ogafuna era topima feeza n'ogagula.

Yobu 28:17

Zaabu n'ekirawuli tibisobola kwaga nago mughendo, waire ebyamadholobera ebyakolebwa mu zaabu omukenenule.

Zabbuli 119:127

Nze ngonza inho ebiragiro byo, mbigonza inho okusinga ni zaabu, zaabu ole mwene omukenenule.

Zabbuli 119:162

Nsagamba inho olw'ebyo bye wasuubiza, naaba ng'oti n'ole agwire mu by'obukombe kamaala.

Zabbuli 119:72

Amateeka ge watugha ga mughendo ye ndi okusinga emungo ya feeza ni zaabu.

Ensambo 10:20

Omuntu omutuufu by'ayogera biri ng'oti ni feeza asinga bulungi, aye ebidhuubo eby'omubi ghazira kye bigasa.

Ensambo 16:16

Okuba n'amagezi kuwula okuba ni zaabu, era ole okulondagho okuba omutegeevu kiwula okulondagho feeza.

Ensambo 20:15

Eriyo zaabu era yaabaayo n'amabaale ag'omughendo kamaala; aye omuntu ayogera eby'amagezi wa mughendo inho okuwulagho.

Ensambo 23:23

Oghangayo empiiya waagula amazima, n'amagezi, n'okugalagirwa, n'okutegeera, aye otabitundanga naire.

Ensambo 8:19

Bye ngaba biwula zaabu, ni bw'aba omulungi einho, era byawula ni feeza omukenenule.

Omulangirizi 7:11

Amagezi malungi gali ng'oti kufuna bya busika, gali n'omuganhulo eri boonaboona abali ku nsi;

Ebikolwa by'Abatume 3:6

Petero yaamukoba ati: “Feeza ni zaabu nzira aye kye ndi nakyo kye nkugha. Mu liina lya Yesu Kurisito ow'e Nazarethi situka otambule.”

2 Ab'e Korintho 6:10

Tunakughazibwa aye tuba basangaavu buliidho, tuboneka ng'abaavu ate nga tukombaghaza abantu kamaala, tutwalibwa ng'abazira kantu ate nga bwenebwene byonabyona tuli nabyo.