Ensambo 7:12 - Baibuli Ekibono kya Katonda 2014

¹² Olundi ng'aba ku luguudo, olundi yaaba mu mpya edh'ekibuga, era kiisi ghali ikoona ng'aba agho yeeteega.

Ensambo 7:12 Iomraidhean Croise

Ensambo 23:28

Yeeteega abantu ng'oti munhazi, era yaayongera ku mughendo ogw'abasaadha abatali beesigwa.

Ensambo 7:8

Yali ali kutambulatambula mu nguudo, mu ikoona aghali endhu ey'omukazi, era ng'ali kuja ku ndhu eyo.

Ensambo 9:14

Atyama ku mulyango ogw'endhu ye, oba yaatyama mu bifo ebigulumivu mu kibuga.

Yeremia 2:20

Musengwa Katonda akoba ati: “Imwe Abaisiraeli, mwava ira nga muloba nze okubafuga, mwandheemera, mwakoba muti, ‘Titwidha kumusinzanga.’ Era mwasinzizanga emisambwa ku buli lusozi olugulumivu, na buli ghansi mu kinsense eky'omuti omuzibirivu.

Yeremia 2:33

Nga mwidhi inho okukiiya abantu mubafuule abagonzi baimwe! Kyaba nti n'abakazi ab'empisa embi, basobola okwegera ku imwe.

Yeremia 2:36

Lwaki mukyukakyuka ni mujiira ku misambwa gy'abamaghanga agandi? Kale ni Misiri eidha kubaleka mu ibbanga, ng'oti ni Assiria bwe yakola.

Yeremia 3:2

Mulingirire ghaigulu ku nsozi edhiziraku kantu, mubone oba nga ghaligho waire olulala ku nsozi edho, lwe mutaakoleraku bwamalaaya. Mubwama ku mbali kw'enguudo, mwateega be munaayenda nabo, ng'oti n'abanhazi b'omu irungu bwe beeteega abantu. Mwonoine ensi n'obwamalaaya bwaimwe obutakobeka.

Ezekieli 16:31

ni weezimbira mu buli maagaanana ga luguudo amasabo okukoleramu obwamalaaya, ni mu buli luya lwa kibuga n'ozimbamu ebifo ebigulumivu eby'okusinzizaamu ebintu ebyo ebitali nze Katonda. Aye ate waaba nga toli kunoonia mpiiya ng'oti ni malaaya eyeetunda!

Okwolekebwa 18:23

Okumulika okw'entaala tikuliirayo kabiri kuboneka mu iwe, waire amamiro ag'oyo abayiiza omugole oba ag'omugole mwene, okwirayo okuwulirwa mu iwe. Abaasuubuliranga mu iwe abaali abakologho ku nsi wabaguya, n'amaghanga goonagoona wagaguyanga n'obulogo bwo.”

Okwolekebwa 18:3

Kuba amaghanga goonagoona gaatamiira omwenge ogw'obwenzi bwe. Bakyabazinga ab'oku nsi baayenda naye, n'abasuubuzi ab'oku nsi bakombaghalira ku kwedhalabya kwe okungi.”