Ensambo 7:10 - Baibuli Ekibono kya Katonda 2014

¹⁰ Naja okubona, nga baagaanana n'omukazi oyo, eyali avaire nga malaaya era ng'ategeike ky'aja okukola.

Ensambo 7:10 Iomraidhean Croise

Amainhama 3:1

Omusota gwali gwa lugezigezi okusinga ensolo edh'omu nsiko edhindi dhoonadhoona Musengwa Katonda dhe yakola. Agho gwabuuza omukazi guti: “Obwo bwenebwene Katonda yakoba ati mutalyanga kibala kya ku muti gwa mu nimiro waire omulala guti?”

2 Bakyabazinga 9:22

Yoramu bwe yabona Yehu, yaamubuuza ati: “Yehu, oidhie lwa miraala?” Yehu yairamu ati: “Miraala ki egisobola okubaagho, ng'okusinza ebitali Katonda n'obulogo ebya inhoko Yezebeli bikaaligho ebingi bityo?”

2 Bakyabazinga 9:30

Agho Yehu yatuuka mu Yezireeli. Yezebeli yaategeera ebibairegho, yeetonatona amaiso era yaawoomya enviiri ku mutwe gwe, yaalingirira kuliya ng'ali mu idinisa.

Ensambo 23:28

Yeeteega abantu ng'oti munhazi, era yaayongera ku mughendo ogw'abasaadha abatali beesigwa.

Isaia 23:16

“Iwe malaaya ye beerabira, gema entongooli, oje ng'otambulatambula mu kibuga. Ogikube bukalamu nga bw'oyemba olwembo olunhuma, memale olwo bakwidhukire.”

Yeremia 4:30

Iwe Yerusalemu ye balekuliire obwagho, obwo bwene okuvaala ebivaalo eby'ebitiibwa ebya kasaayisaayi oba otegeeza ki, era n'okuvaala amadholobera aga zaabu oba otegeeza ki? Lwaki osiiga amaiso go langi okugalungiya? Weewoomeza bwereere! Abo be weegonzanga nabo buti bakunhooma bunhoome, era benda na kukwita.

1 Timotheo 2:9

Era nhenda abakazi bavaalenga ebivaalo ebigwaniire, balobe kwemalira ku misono gya nviiri, na ku kwewoomya nga bavaala ebya zaabu oba amabaale ag'omughendo, oba ebivaalo eby'omughendo einho.