Ensambo 5:12 - Baibuli Ekibono kya Katonda 2014

¹² Olirira ng'okoba oti: “Kale lwaki nalobanga okugalagirwa? Era lwaki nanhoomereranga okunenezebwa?

Ensambo 5:12 Iomraidhean Croise

Amainhama 19:9

Aye baakoba bati: “Vaayo!” Era bati: “Ono omusaadha eyaidha kuno okusenga obusenge, mpegaano n'ayenda okutusaliragho eky'okukola! Kale twidha kukubisa bubi inho okusinga ni bale.” Agho baasindiikiriza Loti ekyeinhumainhuma, era baaseeta okumenha olwigi.

2 Ebyomubyanda 25:16

Aye yali akaayogera, kyabazinga yaamukoba ati: “Twakulonda li okuba omuwi ow'amagezi wa kyabazinga? Sirika, okutoolaku ng'oli kunoonia kukwita!” Omulanzi yaasirika, aye era ng'amaze okumukoba ati: “Ndidhi nga Katonda mumalirivu okukuzikiriza, kuba okoze ekyo era waaloba kuwulirisa magezi ge nkughaire.”

2 Ebyomubyanda 36:16

Aye baayeeyereza abakwenda ba Katonda baanhooma bye yabakoba, era baasekerera abalanzi be, okutuusa lwe baaleetera Musengwa Katonda oyo okubasungughalira ekibitiriire, nga tibakaasobola kuwona.

Zabbuli 50:17

Timwenda kugalagirwa, era bye mbakoba mubisuula bw'ere.

Zabbuli 73:22

Nali musiru era nga nzira kye ndidhi, nga y'oli neebisa ng'oti ndi nsolo busolo.

Ensambo 1:22

“Imwe abazira kye mwidhi, mulirekera li okugonza okubanga obwagho nga muzira kye mwidhi? Imwe abanhoomi, mulirekera li okusangaalira obunhoomi bwaimwe obwo? Era imwe abasiru mulirekera li okukyagha okumanha?

Ensambo 1:25

Amagezi ge mbagha timugatwala ng'ekikulu, era timwenda ni mbanenia.

Ensambo 1:7

Omuntu okuba n'obumanhi, asooka na kutya Musengwa Katonda. Abasiru banhooma amagezi era tibenda kugalagirwa.

Ensambo 10:17

Ole awulira bye bamugalagira akuuma obulamu bwe, aye aloba okunenezebwa adaaliima.

Ensambo 12:1

Oyo asangaalira okugalagirwa aba ayenda okumanha, aye akyagha okunenezebwa aba ng'oti nsolo busolo.

Ensambo 13:18

Omuntu atafaayo ku bye bamugalagira, ayavughala era yaanhoomebwa, aye ole awulirisa bye bamunenia agheebwa ekitiisa.

Ensambo 15:5

Omusiru anhooma abazaire be bye bamugalagira, aye ole aganha okunenezebwa aba mutegeevu.

Ensambo 5:11

Ku nkomerero ey'obulamu bwo oliririra ku ndiri ng'omubiri gwo gwonagwona guli kuseenena guwaagho.

Ensambo 6:23

Kuba ebyo bye bakulagira biri ng'oti itaala eryaka mu nzikiiza, n'ebyo bye bakwegeresa byaba ng'oti butangaavu, ate ebyo bye bakuneniamu byakutuusa ku bulamu.

Ensambo 8:36

Aye oyo akola ebibi yeerumiriza mwene, era oyo ankyagha aba ayenda kufa.”

Yeremia 44:4

Ate nga natumanga ye muli abagheereza bange abalanzi aghazira kukoogha naire, babakobe bati, ‘Mutakola bintu ebyo ebyenhinhalwa bye nkyagha!’