Ensambo 3:9 - Baibuli Ekibono kya Katonda 2014

⁹ Oghanga Musengwa Katonda ekitiisa ng'omugha ebisinga bulungi ku by'ofuna byonabyona, era ng'omugha ku byonabyona ebisooka okukungulwa eby'omu misiri gyo.

Ensambo 3:9 Iomraidhean Croise

Amainhama 28:22

Eibaale lino lye nsimbye okuba ekiidhukizo, liriba ndhu yo, iwe Katonda, era ndikugha ekintu kirala ku buli bintu ikumi ku byonabyona by'olimpa.”

2 Ebyomubyanda 31:10

Agho Azaria Kabona Omukulu, mwidhukulu wa Zadoki, yaakoba ati: “Okuva abantu lwe baatoolera okuleeta ebintu mu isinzizo, tulya emere twaiguta twalekerera n'okulekerera, yaasigalagho nhingi inho kuba Musengwa Katonda aghaire abantu be enkabi.”

2 Ebyomubyanda 31:21

Ebintu byamujiiranga bukalamu, kuba buli mulimo ogw'okusinza Katonda we mu isinzizo yagukolanga na mwoyo mulala, ng'ajiira ku mateeka n'ebiragiro.

Zabbuli 144:13

Ebyagi byaife bigwananga byaidhula emere eya buli nsambo, n'entaama dhaife dhaazaalagana mitwalo na mitwalo,

Okuvaayo 22:29

“Oidha kundeeteranga ebigheebwayo ku birime by'osooka okukungula, ni ku muzigo ogw'emiti emyoliva gy'okamula, ni ku mwenge gw'emizabbibu gw'okunha. Era oidha kumpanga omwana omulenzi anaasookanga okuzaalibwa.

Okuvaayo 23:16

“Ekibinuko eky'Amakungula n'ekyokubiri, ekibaagho nga muli kukungula bye mwasiga mu misiri gyaimwe ebisooka. “Ku nkomerero ey'omwaka munaakolanga ekibinuko ekyokusatu eky'okusololeza ebirime mu byagi, ekyetebwa Ekibinuko eky'Entindi.

Okuvaayo 23:19

“Emere ye musookanga okukungula mu misiri gyaimwe mugireetanga mu ndhu yange nze Musengwa Katonda waimwe, mwagighaayo. “Mutafumbiranga mamba ya mbuzi nto oba ya ntaama nto, mu mata ga inhaayo.”

Okuvaayo 34:26

“Emere ye musookanga okukungula mu misiri gyaimwe, mugireetanga mu ndhu yange nze Musengwa Katonda waimwe, mwagighaayo. “Mutafumbiranga mamba ya mbuzi nto, oba ya ntaama nto mu mata ga inhaayo.”

Ensambo 11:25

Omuntu omugabi aidha kugheebwanga obukombe, era ole agha abandi amaadhi ag'okunhwa, yeena aidha kugheebwanga amaadhi anhwe.

Ensambo 14:31

Omuntu atuntuza omwavu aba ali kuvuma Katonda eyamutonda, aye ole agemerwa omuntu ali mu bwetaavu ekivunika aba atya Katonda.

Isaia 43:23

Timwandeetera ntaama dhaimwe ng'ebigheebwayo ebyokebwa, waire okuntaamu ekitiisa nga mumpa emisengo. Nze tibakaluubirizangaku nga mbasaba ebigheebwayo, waire okubakooya nga mbapikiriza okumpa obubbaani obw'okuuniokeza.

Abalevi 19:25

Aye mu mwaka ogwokutaanu, muliba ba idembe okulya ku bibala byagyo. Ebyo byonabyona bwe mulibituukiriza, emiti gyaimwe giribala inho. Ninze Musengwa Katonda waimwe.

Okubala 15:20

Ku ngaano ye musookanga okukanda, mufumbangaku omugaati omutono mugugheeyo ng'ekigheebwayo, nga bwe mughaayo ekigheebwayo olw'ekifo aghakubirwa engaano.

Matayo 25:17

N'eyafuna talanta eibiri yeena atyo, yaaja yaazaazaamu edhindi ibiri.

1 Ab'e Korintho 16:2

Buli lunaku olusooka mu wiiki, buli muntu ku imwe abengaku ni ky'abiika ng'ajiira ku by'afunie, mulobe kwesondanga nga ndidhie.

Amateeka Agokubiri 14:29

Olwo Abalevi abazira mugabo gwa itaka lya nsikirano nga imwe bwe muli nagwo, n'abasenze, ni bamulekwa, ni banamwandu abali mu bibuga byaimwe, banaidhanga baafuna ku mere eyo, baalya baiguta olwo Musengwa Katonda waimwe aghange okubagha imwe enkabi mu byonabyona bye munaakolanga.”