Ensambo 3:6 - Baibuli Ekibono kya Katonda 2014

⁶ Idhukiranga nga Musengwa Katonda ali emberi wo okukugalagira mu byonabyona by'okola, era aidha kukutereekezanga by'okola byonabyona.

Ensambo 3:6 Iomraidhean Croise

1 Ebyomubyanda 28:9

Agho yaakoba Solomoni ati: “Era iwe mwana wange Solomoni, manhanga Katonda wange nze lata wo, omugheerezenga n'omwoyo mulala aghazira kusagansagana, kuba Musengwa Katonda oyo ayagaaza yaazuula ebiri mu myoyo gy'abantu era yaategeera bye bategeike okukola byonabyona. Bw'onaamunoonianga, oidha kumuzuulanga. Aye bw'onaamuvangaku, aidhanga kukulekulira agho ebyanda n'ebyanda.

Ezera 7:27

Agho Ezera yaakoba ati: “Tusaake Musengwa Katonda, Katonda wa badhaadha baife, eyata ekidhuubo ekyo mu mwoyo gwa kyabazinga okulungiya eisinzizo lya Musengwa Katonda oyo, eriri mu Yerusalemu.

Nehemia 1:11

Wo Musengwa Katonda, tega kutu wo owulire nze omugheereza wo bye nkusaba, owulire n'eby'abagheereza bo abandi, abasanhukira einho okutya eriina lyo. Nze omugheereza wo nkusaba ompe obughanguzi olwaleero luno, oleetere omusaadha ono okunsaasira.” Mu kiseera ekyo, ninze nagheerezanga kyabazinga eby'okunhwa.

Nehemia 2:4

Kyabazinga yambuuza ati: “Buti oli kunsaba nkukolere ki?” Agho naasooka naasaba Katonda ow'eigulu,

Nehemia 7:5

Katonda yanta mu mwoyo ekirowoozo, nkobe abakungu n'abakulembeze b'abantu, n'abantu abandi boonaboona, beesoloze beeghandiise ng'obuzaale bwaibwe bwe bwali. Era naazuula ekitabo kye baaghandiikamu obuzaale bw'abo abaasooka okuva mu bunhage nga kirimu bino:

Zabbuli 32:8

Musengwa Katonda ankoba ati: “Ndidha kukugalagiranga era nkwegerese ensambo ey'okwebisaamu, era ndidha kukulagiriranga nga nkulabirira.

Ensambo 11:5

Obwesigwa obw'omuntu omwesimbu butereeza obulamu bwe, aye obubi obw'omuntu omubi n'obumugwisa bwene.

Ensambo 16:3

By'okolanga byonabyona bigemye Musengwa Katonda, olwo entegeka dho dhiidha kutuukiriranga.

Ensambo 16:9

Omuntu asobola okutegeka by'anaakola, aye Musengwa Katonda n'abituukiriza.

Ensambo 23:17

Oteegombanga boonooni naire, aye sigalanga ng'otya Musengwa Katonda ekiseera kyonakyona.

Isaia 26:7

Musengwa Katonda atereeza engira ey'abeesimbu; yaagyerula baabita nga ghazira kibatetegania.

Isaia 30:21

Bwe munaadaalimiranga ku luuyi olw'omukono omusaadha oba ku lw'omugooda, ni muva ku ngira, mwidha kuwuliranga amamiro ge emugongo waimwe nga gabakoba gati: “Eno n'engira ye mube mutambuliremu.”

Isaia 45:13

Ninze nasiikuula Kuro naamuleetera okuja okutereeza ebyali byonooneike. Era ndidha kuleeteranga by'akola byonabyona okuja obukalamu. Alizimba buyaaka ekibuga kyange Yerusalemu, era yaaleetera abantu bange okuva mu bunhage. Ekyo alikikola aghazira muntu kumugulirira waire okumugha empeera.” Musengwa Katonda Afuga Amagye, n'akobye.

Isaia 48:17

Iwe Isiraeli, Musengwa Katonda Omununuzi wo era Omutukuvu, akoba ati: Ninze Musengwa Katonda wo akwegeresa ebikuganhula, era akukulemberamu mu ngira y'ogwaine okubitamu.

Yeremia 10:23

Wo Musengwa Katonda, ndidhi nti ghazira muntu ali na buyinza ku bulamu bwe, waire okuba n'obusobozi obubukuuma.

Yeremia 42:3

Tusabire eri Musengwa Katonda waife atwoleke engira yetube tugeme, era atukobere kyetube tukole.”

Okubala 9:20

Ku mikuzi egindi ekire ekyo kyaghembanga ku Weema eyo okumala enaku ntono, aye era nga bagondera ekiragiro kya Musengwa Katonda, basigala agho ghe baasimba weema dhaibwe. Olumaliira Musengwa Katonda bweyalagiranga, nga basimbuka baaja.

1 Ab'e Korintho 10:31

Kale buli kye mukolanga, oba kulya oba kunhwa, mukikolenga olw'okugheesa Katonda ekitiisa.

2 Ab'e Korintho 8:16

Katonda yeekaza, eyagha Tito omwoyo ogubalumirwa ng'ogwaife.

Ab'e Filippi 4:6

Muteeraliikiriranga olw'ekintu kyonakyona, aye buli lwe musabanga mumanhise Katonda ebyetaago byaimwe byonabyona, era buli kiseera mumusabenga n'emyoyo egisiima.

Ab'e Kolosai 3:17

Era kiisi kye mukolanga, ka kibe mu bibono oba mu bikolwa, mu kikole mu liina lya Musengwa Yesu, era nga mubita mu oyo okweyanza Katonda Lata nga musiimye.

Ab'e Kolosai 3:23

Kiisi kye mukola mukikole n'omwoyo gwaimwe gwonagwona ng'abakolera Musengwa, ti ng'abakolera abantu,

Yakobo 1:5

Oba nga ghaligho ku imwe azira magezi, asabe Katonda aidha ku gamugha kuba oyo agabira abantu boonaboona n'omwoyo mulala.

1 Samueli 30:8

Daudi yeebuuzaaku ku Musengwa Katonda ati: “Mingirire abanhazi abo? Nnaabagema?” Musengwa Katonda yaamwiramu ati: “Babingirire, kuba bwenebwene oidha kubagema era onunule abanhage.”