Ensambo 3:4 - Baibuli Ekibono kya Katonda 2014

⁴ Agho Katonda aidha kukusiimanga era n'abantu batyo, olwo oyetebwe ow'empisa enungi.

Ensambo 3:4 Iomraidhean Croise

Amainhama 39:21

Aye Musengwa Katonda yaabanga ni Yosefu oyo, yaamwoleka nga bw'amugonza obutalekera, yaaleetera omukuumi w'eikomera okumugemerwanga ekivunika.

Zabbuli 111:10

Mu kutya Musengwa Katonda n'omusookera amagezi; abo abagondera ebiragiro bye abagha okutegeera. Musengwa Katonda asaakibwenga ebyanda n'ebyanda.

Ensambo 12:2

Omuntu omulungi asiimibwa Musengwa Katonda, aye ole ali n'entegeka edh'okukola ebibi amusalira omusango gwamusinga.

Ensambo 13:15

Omuntu ali n'okutetenkania, abantu bamwenda, aye ole ateesigika azikirira.

Ensambo 8:35

Abo abandhagala ni banzuula bafuna obulamu, era Musengwa Katonda abasanhukira.

Danieli 1:9

Agho Katonda yaaleetera Ashipenazi okugonza Danieli n'okumugemerwa ekivunika.

Luka 2:52

Yesu yeeyongera mu magezi n'okukula era n'okugonzebwa Katonda n'abantu.

Ebikolwa by'Abatume 2:47

nga basaaka Katonda, era abantu boonaboona nga babenda. Buli lunaku, Musengwa yaaja ng'abongeraku abaalokolwanga.

Ab'e Roma 14:18

Kiisi agheereza Kurisito atyo, asanhusa ni Katonda, era n'abantu bamusiima.

2 Ab'e Korintho 8:21

Ekiruubirirwa kyaife n'okukola ekituufu, ti mu maiso ga Katonda gonka aye ni mu maiso g'abantu.

1 Samueli 2:21

Musengwa Katonda yaayongera okugha Hanna enkabi, yaazaala abaana abandi abalenzi basatu n'abaghala babiri. Omulenzi Samueli yaayongera okukula ng'agheereza Musengwa Katonda.

1 Samueli 2:26

Agho omulenzi Samueli yeeyongera okukula n'okugonzebwa Musengwa Katonda n'abantu.