Ensambo 3:3 - Baibuli Ekibono kya Katonda 2014

³ Otavanga ku buwulize na ku bwesigwa; bivaalenga ng'oti kinhere kya mu nkoto, era leka bikubenga ku mwoyo ng'oti bighandiike byaku.

Ensambo 3:3 Iomraidhean Croise

2 Samueli 15:20

Waakaidha bwidhe muno, kale lwaki mperaano nkutambuzatambuza eyo ntyo nga tiidhi ni ye nja? Busa, irayo otwale ni Bagitti baino. Nsaba Musengwa Katonda abagonzenga obutalekera era abenga mwesigwa ye muli.”

Zabbuli 119:11

By'onkoba mbita ku mwoyo buliidho, ndobe kwonoona y'oli.

Zabbuli 25:10

Okugonza kwa Musengwa Katonda okungi n'obwesigwa bwe, byeyolekera mu nsambo y'atwalamu abo abakuuma endagaano ye era ni bagondera ebiragiro bye.

Zabbuli 85:10

Okugonza okutakoma kwidha kwagaanana n'obwesigwa; ate obutuufu bunhwegeragane n'emiraala.

Okuvaayo 13:9

Era lwidha kubabeereranga kamanhiso ng'oti n'omuntu k'ata ku mukono, era lubabeerenga ekiidhukizo ng'oti n'omuntu ky'asiba mu bweni, olwo amateeka ga Musengwa Katonda galobenga kubava ku minwa; kuba Musengwa Katonda yabatoola mu Misiri ng'akozesa amaani ge agataloodheka.

Okuvaayo 34:6

Musengwa Katonda yaabita mu maiso ga Musa era yaalangirira ati: “Nze Musengwa Katonda, ninze Katonda asaasira era agemerwa abantu ekivunika, alwagho okusungughala, agonza abantu obutalekera era omwesigwa einho.

Ensambo 1:9

kuba biwoomya empisa dho, ng'oti n'ekitambaala ekidholige eky'oku mutwe n'ebinhere eby'omu nkoto, bwe biwoomya abivaire.

Ensambo 14:22

Abo abategeka okukola ebibi baba badaaliimye mu ndowooza yaibwe, aye abategeka okukola obukalamu beesigibwa era baateebwamu ekinhagansi.

Ensambo 16:6

Musengwa Katonda atoola ebibi ku muntu omuwulize era omwesigwa, era yaawonia omuntu amutya, okukola ebibi.

Ensambo 20:28

Kyabazinga ow'ekivunika era akolera ku mazima aghangaalira ku bufuzi, era olw'okugonza kwe asigala ng'akaali ku kityamo kye eky'obwakyabazinga.

Ensambo 6:21

Bitenga ku mwoyo gwo buliidho, era obivaalenga ng'oti kinhere kya mu nkoto.

Ensambo 7:3

Banga nabyo ekiseera kyonakyona ng'oti mpeta ku ngalo, era bitenga ku mwoyo gwo ng'oti bighandiike byaku.

Yeremia 17:1

Musengwa Katonda yakoba ati: “Imwe abantu b'omu Buyudaaya, ebibi byaimwe tibibavaaku naire. Biri ng'oti byaghandiikibwa ku myoyo gyaimwe ni ku bintu ebiri ng'oti mayiga ga nsolo ebiri ku nsonda eina edh'alutaari dhaimwe. Ebibi byaimwe biri ng'omuntu bweyandibighandiise ku bipande n'ekalaamu ey'ekyuma ekigumu einho eri n'omunwa ogw'eibaale ery'omughendo eryetebwa diamondi.

Hosea 4:1

Imwe Abaisiraeli muwulire Musengwa Katonda by'akoba. Ghaligho omusango gw'ali kulumiriza abantu ababa mu nsi eno, kuba abantu b'omu nsi eno ti beesigwa era ti ba kisa, waire okutya Katonda.

Malaki 2:6

Baasomesanga bituufu byereere nga muzira kisobu. Baabanga ghalala ninze mu miraala ni mu bwesimbu. Era baaleeteranga abantu kamaala okulekera okukola ebibi,

Matayo 23:23

“Mukagwireku Abanamateeka n'Abafarisaayo, abakuusa imwe, kuba mughaayo ekitundu kirala kirala ku buli bitundu ikumi eky'obuwoowo obuwoomesa eiva, nga buno: eduosimo, anetho, ni kumino. Aye mwaleka ebisinga obukulu ebiri mu Mateeka, bino: Okukolera banaimwe ebibagwaniire, ekisa, n'okwikiriza. Ebyo mugwaine okubikola ate ni bire obutabireka.

2 Ab'e Korintho 3:3

Kyeyoleka nga muli oti mbaluwa eva ye Kurisito, ife ye twaleeta, etaaghandiikibwa na bwino aye eyaghandiikibwa ni Mwoyo wa Katonda omulamu. Era etaaghandiikibwa ku bipande bya mabaale, aye eyaghandiikibwa ku bipande eby'emyoyo gy'abantu.

Ab'Efeso 5:9

omuva ebirungi byonabyona, obutuufu n'amazima.

Amateeka Agokubiri 6:8

Mubyesibenga ku mikono gyaimwe, era mubyetimbenga mu byeni byaimwe ng'akamanhiso.

Abaheburayi 10:16

“Eno n'endagaano ye ndikola nabo mu nnaku edhiidha,” Musengwa atyo bw'akoba. “Ndita amateeka gange mu myoyo gyaibwe, era ndigaghandiika mu bidhuubo byaibwe.”