Ensambo 3:2 - Baibuli Ekibono kya Katonda 2014

² Kuba bija kukuleetera okughangaala emyaka kamaala, era ebintu bikujiirenga bukalamu.

Ensambo 3:2 Iomraidhean Croise

1 Bakyabazinga 3:14

Era bw'onaabanga omuwulize ye ndi, n'ogemanga amateeka gange n'ebiragiro byange byonabyona, nga lata wo Daudi bwe yakolanga, ndikugha obughanguzi.”

Yobu 5:26

Olifa waateebwa mu magombe ng'omaze okughangaala waawola, ng'oti n'engaano ye bakungwire mu biseera byayo ebituufu, n'ereetebwa ekubwe.

Zabbuli 119:165

Abagonza amateeka go bawulira miraala myereere, ghazira kisobola kubasuula.

Zabbuli 128:6

Oghangaale obone ni ku baidhukulu. Emiraala gibe mu Isiraeli.

Zabbuli 21:4

Yakusaba obulamu waabumugha, waamugha obughangaazi obw'ebyanda n'ebyanda.

Zabbuli 91:16

Ndidha kumughangaaza inho era mmulokole.”

Ensambo 10:27

Okutya Musengwa Katonda kuleetera omuntu okughangaala, aye emyaka egy'ababi gisalibwaku.

Ensambo 16:31

Envu edh'obukaire dhiri ng'oti n'engule ey'ekitiisa, dhifunibwa abo abeebisiisa mu bulamu obutuufu.

Ensambo 4:10

Mwana wange, gemanga bye nkoba era obitwalenga ng'ekikulu, olwo oidha kughangaala emyaka kamaala.

Ensambo 4:4

omuzaire wange yandhegeresanga ati: “Idhukiranga bye nkukoba, era otabyerabiranga. Bw'onaagemanga bye nkulagira oidha kubanga mulamu.

Ensambo 9:11

Nze amagezi ndidha kukughangaaza enaku kamaala, era nhongere emyaka ku bulamu bwo.

Isaia 32:17

Era olw'abantu okukola ebituufu kirireetera ensi eno okubaamu emiraala, era kyagiviiramu okuba n'obutebenkevu, n'obwesige, ebyanda n'ebyanda.

Ab'e Roma 14:17

kuba Obwakyabazinga bwa Katonda tibuva mu kulya na kunhwa, aye buva mu butuufu, mu miraala na mu kusangaala, Mwoyo Mutukuvu by'atugha.

Ab'e Roma 15:13

Katonda, ensimuko ey'okusuubira, abaidhuze eisanhu n'emiraala olw'okumwikiriza, mughange okweyongeranga okuba n'eisuubi olw'amaani ga Mwoyo Mutukuvu.

Ab'e Roma 5:1

Kale oba nga mu maiso ga Katonda tubalibwa okuba abatuukirivu lwa kwikiriza, tuba n'emiraala ku lwa Musengwa waife Yesu Kurisito.

Amateeka Agokubiri 11:21

Olwo imwe n'abaana baimwe, mughange okughangaalira mu nsi Musengwa Katonda ye yasuubiza okugha badhaadha baimwe. Era mugibeemu ekiseera kyonakyona eigulu kye lirimala nga liri ghaigulu gh'ensi.

Amateeka Agokubiri 5:32

Musa yaayongera okukoba ati: “Mwegenderezenga nga mukola nga Musengwa Katonda waimwe bweyabalagira, aghazira kudaaliimira eno oba ere.

1 Timotheo 4:8

Kuba okumanhiriza omubiri eby'okukola kuganhula katono, aye okutya Katonda kuganhula mu buli nsambo. Kuba kuleeta eisuubi ery'omu bulamu buno, n'ery'obwo obuliidha.