Ensambo 27:3 - Baibuli Ekibono kya Katonda 2014

³ Waire amabaale n'omusenho bizitogha, aye ebizibu omusiru by'aleeta bizitogha okuwula ebyo byombi.

Ensambo 27:3 Iomraidhean Croise

Amainhama 49:7

Obusungu bwaibwe bukolimirwe, kuba bwa kikambwe; n'ekiruyi kyaibwe kikolimirwe, kuba kikambwe. Ndibagabaniagabania mu Yakobo, ndibasansaaniza mu Isiraeli.

Yobu 5:2

Bwenebwene okweraliikirira kwita omusiru, n'ensaalwa eita azira magezi.

Ensambo 12:16

Omusiru bw'asungughala kimanhikiragho, aye omugezi amanha okughemba ku busungu.

Ensambo 17:12

Omuntu amala gaagaanana na nsolo nkambwe enhagiibwaku abaana baayo, atayagaanaine na musiru ng'ali kukola obusiru bwe.

Ensambo 27:2

Lekanga abantu abandi n'ababe bakusaake ni bwe baba nga bagwira, se ti iwe mwene kwesaaka.

Ensambo 27:4

Waire ng'omuntu aliku ekiruyi n'obusungu aba mukambwe era wa kabi, aye tatuuka ku wa nsaalwa.

Danieli 3:19

Agho Nebukadinezzari yaasungughala ekibitiriire, yaatungulira Shaduraka, ni Meshaki, ni Abedinego, amaiso. Yaalagira bakume ekikoomi kigeigere emikuzi musanvu okusinga bwe kigeigeranga buliidho.

Okubala 22:27

Endogoyi bweyabona malaika wa Musengwa Katonda, yaalambaala ghansi gha Balaamu. Balaamu yaasungughala inho era yaagikuba n'omwigo gwe.

1 Yoanne 3:12

Tulobe kuba oti ni Kaini eyali owa Sitaani n'atemula muganda we. Ye lwaki yamutemula? Lwa kuba mwene bye yakolanga byalinga bibi ate nga ebya muganda we byali bituufu.