Ensambo 24:9 - Baibuli Ekibono kya Katonda 2014

⁹ Omusiru by'ategeka okukola byonabyona, bivaamu bibi byereere, era abantu bakyayira irala omuntu omunhoomi.

Ensambo 24:9 Iomraidhean Croise

Amainhama 6:5

Musengwa Katonda yaabona ng'omuntu ku nsi afuuse mubi inho era ng'ebidhuubo bye bibi ekiseera kyonakyona.

Amainhama 8:21

Musengwa Katonda yaawunhiza akawoowo, yaasangaala, yaakoba mule ati: “Tikairayo kukolima nsi kabiri olw'omuntu by'akola, kuba omwoyo gwe gwidhwire bubi bwereere okuva mu buto bwe. Tikairayo kabiri kuzikiriza bintu biramu byonabyona nga bwe nkoze.

Zabbuli 119:113

Nkyagha abantu abayuugayuuga ni batagema mateeka na mwoyo mulala, aye nze ngonza inho amateeka go.

Ensambo 21:24

Omuntu eyeekuluntaza era eyeebona yenka, ayetebwa munhoomi, omuntu oyo aba mwekudumbaze era nga yeerowoozaaku yenka.

Ensambo 22:10

Bw'obingagho omunhoomerezi, olwo oba obinzeegho n'entalo, era okusoolasoola n'okuvumagana agho ghe bikoma.

Ensambo 23:7

Kuba, nga bw'alowooza munda, ni ku ngulu bw'ali. Akukoba ati: “Lya era onhwe,” aye ng'omwoyo gwe gukuziraku.

Ensambo 24:8

Omuntu ategeka okukola akabi buli kiseera, balimweta, “mwene kubidooma”.

Ensambo 29:8

Abantu abatalumirwa banaibwe basiikuula abantu ab'omu kibuga baatabukatabuka, aye abategeevu baikaikania obusungu bw'abantu.

Ensambo 9:7

Ole bw'alamba omuntu eyeekuluntaza yeereetera mwene ebivumo, ole anenia omukozi ow'ebibi yeerumiriza mwene.

Isaia 55:7

Ababi balekeyo empisa dhaibwe embi; aboonooni bave mu ndowooza yaibwe embi. Baire eri Musengwa Katonda, aidha kubagemerwa ekivunika; Katonda waife oyo aidha kubasoniyira irala na mwoyo mulala.

Yeremia 4:14

Imwe ab'e Yerusalemu, munaaze emyoyo gyaimwe mugimalemu ebibi, memale mulokolebwe. Mulituusa li okubanga n'ebirowoozo ebibi mu myoyo gyaimwe?

Matayo 15:19

kuba ku mwoyo n'okuva ebidhuubo ebibi, obutemo, okwenda, okwemadula, obwibi, okughaayiriza, n'okuvuma Katonda.

Matayo 5:28

Aye nze mbakoba nti, buli alingirira omukazi olw'okumwegomba, aba amwenzeeku mule mu mwoyo.

Matayo 9:4

Aye Yesu yategeera ebidhuubo byaibwe, yaakoba ati: “Lwaki muba n'ebidhuubo ebibi bityo?

Ebikolwa by'Abatume 8:22

Kale ni weenenie ekirowoozo kyo ekyo ekibi, weeghembe Katonda tomanha bw'akusonigha ekidhuubo ekyo ekiri mu mwoyo gwo.

2 Ab'e Korintho 10:5

Tuzikiriza buli kutakana kwonakwona, n'ebitimuguunha ebyekudumbaza mu ngira okulobera Katonda okumanhibwa, era twakyusa buli ndowooza ey'ekidheemu yaagondera Kurisito.