Ensambo 21:8 - Baibuli Ekibono kya Katonda 2014

⁸ Abantu ababi baba bakuyikuyi, aye abalungi bakola ebituufu.

Ensambo 21:8 Iomraidhean Croise

Amainhama 6:12

Katonda yaalingirira ensi, yaabona ng'eidhwire obubi, kuba obulamu obw'abantu boonaboona bwali bwidhwire kukola bibi byereere.

Ensambo 15:26

Musengwa Katonda yeenhinhata ebidhuubo ebibi, aye asangaalira ebibono ebirungi.

Ensambo 2:15

Bagodobanu mu ngeri dhaibwe, era tibeesigika.

Ensambo 21:9

Omuntu amala gasula ghaigulu ku ndhu, atasuze mu ndhu ndala na mukazi asoolasoola.

Ensambo 30:12

Ghaligho abeerowooza okuba abalongoofu, aye nga baidhwire bibi.

Omulangirizi 7:29

Era bona n'ekindi kye nazuula: Katonda yakola abantu nga balungi, aye beene baaja nga beeyonoona.

Omulangirizi 9:3

Ekibi ekiri mu byonabyona ebikolebwa ku nsi, kiri nti enkomerero yaabyo byonabyona eri ndala. Mu myoyo gy'abantu abalamu mwidhwire bibi na iralu, era ekisembayo kuba kufa bufe.

Isaia 26:7

Musengwa Katonda atereeza engira ey'abeesimbu; yaagyerula baabita nga ghazira kibatetegania.

Isaia 59:8

Timwidhi kyetebwa miraala, era bye mukola tibijiira ku mazima. Mutambulira mu ngira engodegode, era kiisi adhibitamu taba na miraala naire.

Danieli 12:10

Abantu kamaala balinaazibwa, baatukuzibwa era baizibwa buyaaka. Aye ababi balyeyongera bwa kukola bibi, era ezira waire omulala ati ku babi abo alitegeera. Aye abagezi balitegeera.

Matayo 12:33

“Omuti mugwete mukalamu nga n'ekibala kyagwo kikalamu oba omuti mugwete mubi nga n'ekibala kyagwo kibi kuba omuti gumanhirwa ku kibala kyagwo.

Matayo 5:8

Ba nkabi ab'omwoyo omulungi, kuba balibona Katonda.

Ebikolwa by'Abatume 15:9

Tiyataagho ndhawulo ghagati waife nabo, kuba yayamula emyoyo gyaibwe na kwikiriza.

1 Ab'e Korintho 3:3

kuba mukaali ba nsi. Kuba oba mu imwe mukaalimu ensaalwa n'okusoolasoola, kino tikyoleka nga mukaali ba nsi era ng'abantu abandi bwe bali?

Tito 1:15

Eri abantu abaamufu, ebintu byonabyona biba byamufu. Aye eri abo abatali baamufu era abataikiriza, tighaba kyamufu. Kuba ebirowoozo byaibwe, n'emyoyo gyaibwe, byayonooneka.

Tito 2:14

Oyo n'eyeeghaayo okutununula mu bibi byaife byonabyona era n'okutufuula abantu be abaamufu abenda einho okukola ebintu ebikalamu.

Tito 3:3

kuba twena eira twali basiru era abadheemu, nga twadaaliima era nga tufugibwa okwegomba kwaife n'amasanhu aga buli nsambo. Twali ba itima era ab'ensaalwa, ng'abantu batukyagha era nga tukyagha abantu boonaboona.

Tito 3:5

twalokolwa. Nga ti lwa bikolwa byaife ebikalamu bye twakola aye lwa kusaasira kwe. Yatulokola nga tunaazibwa, twazaalibwa omukuzi ogwokubiri, era twafuuka bayaaka mu Mwoyo Mutukuvu.

1 Yoanne 2:29

Oba nga mwidhi muti oyo mutuufu, era mumanhe muti kiisi akola eby'obutuufu aba mwana we.

1 Yoanne 3:3

Oyo yeenayeena ali n'okusuubira kuno mu Kurisito yeetukuza oti ni Kurisito mwene bw'ali omutukuvu.