Ensambo 20:3 - Baibuli Ekibono kya Katonda 2014

³ Kiba kya kitiisa okwesamba aghali okusoola; aye abasiru buli kiseera baba mu kusoola.

Ensambo 20:3 Iomraidhean Croise

Amainhama 13:7

Kale ghaabangagho okusoola ghagati gh'abaayi ab'ente dha Aburamu n'abo abaayayanga edha Loti. Mu biseera ebyo Abakanaani n'Abaperizzi nga n'abali mu nsi eyo.

Amainhama 13:8

Agho Aburamu yaakoba Loti ati: “Nze n'iwe tuli baaluganda. Ka tulobe kusoola, oba waire abaayi abange okusoola n'ababo.

2 Bakyabazinga 14:9

Ate kyabazinga Yehoashi owa Isiraeli yaagheereza kyabazinga Amazia owa Buyudaaya obukwenda ng'akoba ati: “Olukandwa olwali ku lusozi Lebanoni lwagheereza obukwenda eri omuvule ogwali ku lusozi olwo Lebanoni, nga lukoba luti: ‘Gha mutabane wange mughala wo amubayize.’ Agho ensolo ey'omu nsiko ey'oku lusozi Lebanoni bweyali ebita, yaatyankirira olukandwa olwo.

Ensambo 14:17

Omuntu asungughala amangu akola eby'ekisiru, aye omwegendereza aba muguminkiriza.

Ensambo 14:29

Omuntu alwagho okusungughala aba mutegeevu mu by'akola, aye ole asungughala amangu akola eby'ekisiru.

Ensambo 16:32

Omuntu alwagho okusungughala aba muzira okuwula omulwani ow'amaani, n'ole eyeefuga mu mwoyo gwe awula ole aghangula ekibuga ekiramba.

Ensambo 17:14

Okusoola kutoolereza mpola ng'oti n'okutoonherera okw'amaadhi, kale ekiwula n'okumalagho entaka nga mukaali kukoodhana.

Ensambo 18:6

Omusiru by'ayogera bireeta kusoola, era byamuleetera okukubwa.

Ensambo 19:11

Okutegeera kuleetera omuntu okulwagho okusungughala, era kiba kya kitiisa omuntu okusonigha abasobya.

Ensambo 21:24

Omuntu eyeekuluntaza era eyeebona yenka, ayetebwa munhoomi, omuntu oyo aba mwekudumbaze era nga yeerowoozaaku yenka.

Ensambo 26:17

Omuntu eyengiza mu kusoola okutamugemaku, aba ng'oti n'omuntu agema ku matu g'embwa y'ataidhi.

Ab'Efeso 4:32

Aye mubenga ba kisa, buli muntu alumirwenga mwine, era musonighaganenga nga Katonda bwe yabasonigha mu Kurisito.

Yakobo 3:14

Aye oba nga mu myoyo gyaimwe mwidhwire ensaalwa enkambwe, n'okweyendeza mwenka, muteesuutanga biziramu muti mbu muli n'amazima.

Yakobo 4:1

Biki ebibaleetera okulwanalwana n'okusoolasoola? N'okwegomba okw'emibiri gyaimwe okulwanira mu imwe?