Ensambo 2:9 - Baibuli Ekibono kya Katonda 2014

⁹ Bw'onaagemanga bye nkoba, olwo olitegeera okukola ebisiimya Katonda, n'okusala mu butuufu n'obutasaliriza. Buli kiseera oidha kumanhanga ekituufu eky'okukola.

Ensambo 2:9 Iomraidhean Croise

Zabbuli 119:105

Ekibono kyo n'eitaala eriimuliikirira ghe mbita, ni mbona engira.

Zabbuli 119:99

Ntegeera inho okusinga abandhegeresa, kuba omwoyo gwange guli ku by'okoba buli kaseera.

Zabbuli 25:12

Omuntu oyo atya Musengwa Katonda, Musengwa Katonda alimulagirira engira entuufu okugema.

Zabbuli 32:8

Musengwa Katonda ankoba ati: “Ndidha kukugalagiranga era nkwegerese ensambo ey'okwebisaamu, era ndidha kukulagiriranga nga nkulabirira.

Ensambo 28:5

Ababi tibategeera kukola mazima kye kitegeeza, aye abasinza Musengwa Katonda bakitegeera bukalamu.

Ensambo 4:12

Ezira kiidha kukwekiikanga mberi ng'oli kutambula; era toidha kwekontolanga ng'oli kulumuka.

Ensambo 4:18

Obulamu obw'abatuufu buli ng'oti ndhuba ku nkyo, etoolereza okuvaayo yaaja nga yeeyongera okwaka, okutuuka mu kasana ghagati.

Ensambo 8:20

Ntambulira mu butuufu, naakola ebyo ebituufu.

Isaia 35:8

Ghalibaagho oluguudo olulyetebwa “Engira ey'Obutukuvu.” Buli atali mulongoofu talibita mu ngira eyo. Era abaligitambuliramu ni bwe baliba abasiru einho, tibaja kubulira mu ngira eyo.

Isaia 48:17

Iwe Isiraeli, Musengwa Katonda Omununuzi wo era Omutukuvu, akoba ati: Ninze Musengwa Katonda wo akwegeresa ebikuganhula, era akukulemberamu mu ngira y'ogwaine okubitamu.

Yeremia 6:16

Musengwa Katonda yaakoba abantu be ati: “Mwemerere mu maagaanana g'engira, mulinge eno n'ere, mubuuze babooleke aghali obugira obw'eira, n'aghali engira enungi. Mutambulire omwo, olwo mufune emiraala.” Aye beene baakoba bati: “Busa, titwidha kutambulira omwo.”

Yoanne 14:6

Yesu yaamwiramu ati: “Ninze engira, ninze amazima, era ninze obulamu. Ezira atuuka ye Lata okutoolaku ng'abise mu nze.