Ensambo 2:6 - Baibuli Ekibono kya Katonda 2014

⁶ Musengwa Katonda n'agha abantu amagezi; era mu by'akoba n'omuva okumanha n'okutegeera.

Ensambo 2:6 Iomraidhean Croise

1 Bakyabazinga 10:24

Abantu ab'omu nsi yoonayoona baayendanga okwidha aghali Solomoni oyo, okuwulira ebibono eby'amagezi ge, Katonda ge yamugha.

1 Bakyabazinga 3:12

kale ky'osabye nkikughaire. Era bona eno, nkughaire amagezi n'okutegeera, ebisinga omuntu owundi yeenayeena ku abo abaakusookayo bye yaali afunie, era ebisinga omuntu owundi yeenayeena ku abo abalikwiririra, by'alifuna.

1 Bakyabazinga 3:9

Kale ni mpa nze omugheereza wo amagezi, nsobole okufuganga abantu bo, n'okwawulangagho ekirungi n'ekibi kuba naani aghanga okufuga eighanga lyo lino eikologho liti, aghazira ekyo?”

1 Bakyabazinga 4:29

Katonda yaagha Solomoni amagezi n'okutegeera mu nsambo eswikiriire, era n'obwongo obungi ng'oti musenho gwa ku mbali kwa nhandha.

1 Ebyomubyanda 22:12

Era nsaba inho Musengwa Katonda wo akughenga amagezi n'okutegeera, oghange okufuganga Isiraeli ng'ojiira ku Mateeka ge.

Ezera 7:25

“Iwe Ezera, ng'okozesa amagezi ga Katonda wo ge yakugha, londa abafuzi n'abalamuzi abanaalamulanga abantu boonaboona abaidhi amateeka ga Katonda wo, abali mu kiketezo ekiri ere ng'osomoike omwiga Eufurate. Era oyegerese amateeka ago abo abatagaidhi.

Nehemia 7:5

Katonda yanta mu mwoyo ekirowoozo, nkobe abakungu n'abakulembeze b'abantu, n'abantu abandi boonaboona, beesoloze beeghandiise ng'obuzaale bwaibwe bwe bwali. Era naazuula ekitabo kye baaghandiikamu obuzaale bw'abo abaasooka okuva mu bunhage nga kirimu bino:

Yobu 12:13

Katonda ali n'amagezi n'obuyinza; ali n'okutetenkania n'okutegeera.

Yobu 12:16

Katonda wa maani era mughanguzi, ole ye baguya n'ole aguya, bombi bali mu buyinza bwe.

Yobu 22:22

Ikiriza by'akulagira, okuume ebibono bye mu mwoyo gwo.

Yobu 32:8

Aye omwoyo gwa Katonda oguli ku bantu, omuuka ogwo ogubateebwamu oyo Aghanga Ebintu Byonabyona, n'ogubagha okutegeera.

Zabbuli 119:104

Mu mateeka go nfunamu okutegeera, kyenva ni nkyagha empisa edh'obuguya dhoonadhoona.

Zabbuli 119:34

Ngalagira ntegeere amateeka go; ndidha kugagonderanga n'omwoyo mulala.

Zabbuli 119:98

Ebiragiro byo binfuula okuba omugezi okusinga abazigu bange, kuba buli kaseera mbyefumintirizaaku.

Zabbuli 19:7

Musengwa Katonda yataagho amateeka ge na bwegendereza; gaiza obulamu mu mwoyo oguziriike. Kiisi Musengwa Katonda ky'akoba kyesigika, kifuula azira magezi okuba omugezi.

Zabbuli 19:8

Ebiragiro bya Musengwa Katonda bituufu, bisangaaza abo ababigondera; amateeka ga Musengwa Katonda matukuvu, gazibula amaiso.

Zabbuli 51:6

Iwe oyenda okumanha amazima agali mu muntu, kale ni ndidhuza amagezi mu mwoyo gwange.

Zabbuli 94:10

Oyo akangaivula amaghanga agandi, taababonereze? Oyo ayegeresa abantu okumanha, asobola atya obutamanha?

Okuvaayo 31:3

Naamugha ku maani gange, naamugha obusobozi, n'amagezi, n'obumanhi, era naamugha okutetenkania n'okuyiiya.

Ensambo 6:23

Kuba ebyo bye bakulagira biri ng'oti itaala eryaka mu nzikiiza, n'ebyo bye bakwegeresa byaba ng'oti butangaavu, ate ebyo bye bakuneniamu byakutuusa ku bulamu.

Omulangirizi 2:26

Omuntu asiimya Katonda, Katonda amugha amagezi n'okumanha era n'eisanhu, aye omwonooni Katonda amugha gwa kusoloza nga bw'atereka obukombe, amale abughe oyo asiimya Katonda. Ekyo kyona muzira muganhulo, era kiri ng'oti kubinga mpewo ogigeme.

Isaia 54:13

Nze Musengwa Katonda mwene ninze ndyegeresa abantu bo, naabaleetera ebintu okubajiiranga obukalamu nga bali mu miraala.

Isaia 8:20

Mubairangamu muti: “Ka twekalangulire ku ebyo Musengwa Katonda bye yatusikirira ni bye yatwegeresa.” Bwenebwene abo abatajiira ku ebyo nga bwe biri, tibalikyesa bwire nga bakaali kufa.

Danieli 1:17

Katonda yaagha abaisuka abo abana okwega n'okukuguka mu mpandiika edha buli nsambo, ni mu magezi aga buli nsambo. Ate Danieli yaamwongeraku okutegeera ebibaagho mu kubonekerwa, n'okuvuunula ebirooto.

Danieli 2:21

Aleetera enaku n'ebiseera okukyukakyuka, yaataagho era yaatoolagho bakyabazinga. Aleetera abantu okuba n'amagezi, era yaabaleetera okuba n'okutegeera.

Danieli 2:23

Wo Katonda wa badhaadha bange, nze nkwebaza era naakusaaka; kuba wampa amagezi n'amaani. Era ni mpegaano omanhiisa kye tukusabye, waatwoleka eky'okukobera kyabazinga.”

Luka 21:15

Kuba ninze ndibagha engeri ey'okwogera n'amagezi, nga ku bazigu baimwe ghazira aghanga kubitakania waire kubiroba.

Yoanne 6:45

Kyaghandiikibwa mu balanzi kiti, ‘Boonaboona balyegeresebwa Katonda.’ Yeenayeena awulira ebya Lata n'ayega, aidha ye ndi.

Yakobo 1:17

Kiisi kirabo kikalamu era ekituukiriire, kiva mu igulu ye Lata eyatonda ebyaka ku igulu. Oyo tafuukafuuka, oba okuleeta enzikiiza ng'akyukakyuka.

Yakobo 1:5

Oba nga ghaligho ku imwe azira magezi, asabe Katonda aidha ku gamugha kuba oyo agabira abantu boonaboona n'omwoyo mulala.