Ensambo 2:4 - Baibuli Ekibono kya Katonda 2014

⁴ Noonianga woonawoona amagezi ng'oti n'ole anoonia feeza, era ogaagalenga buli ghantu ng'oti n'ayagala eky'obukombe kye baagisa.

Ensambo 2:4 Iomraidhean Croise

Amainhama 26:32

Ku lunaku lwene olwo, abagheereza ba Isaaka baidha, baamukoberaku ku nsulo ye baali nga basimye, baakoba bati: “Tuzwire amaadhi.”

Yobu 3:21

Abantu abo beegomba okufa, aye okufa kwabeesamba; era banoonia okufa okusingaku n'ole ayagaaza ng'anoonia obukombe obwakwekebwa.

Zabbuli 119:127

Nze ngonza inho ebiragiro byo, mbigonza inho okusinga ni zaabu, zaabu ole mwene omukenenule.

Zabbuli 119:14

Wo Musengwa Katonda, mba musangaavu okukola iwe by'onkoba, okusinga okuba omukombe einho.

Zabbuli 119:72

Amateeka ge watugha ga mughendo ye ndi okusinga emungo ya feeza ni zaabu.

Zabbuli 19:10

Okusala omusango okwa Musengwa Katonda kwegombebwa okusinga zaabu, waire zaabu ole omukenenule; kudhuudhuula okusinga omudheenene, waire gule ogutoonha obutoonhe okuva mu bisasala.

Ensambo 16:16

Okuba n'amagezi kuwula okuba ni zaabu, era ole okulondagho okuba omutegeevu kiwula okulondagho feeza.

Ensambo 2:3

Bwenebwene sabanga inho ofune amagezi, era weegayirirenga inho ofune okutegeera.

Ensambo 23:23

Oghangayo empiiya waagula amazima, n'amagezi, n'okugalagirwa, n'okutegeera, aye otabitundanga naire.

Ensambo 4:7

Amagezi n'ekintu ekiwula obukulu. Kale ni funanga amagezi. Era mu byonabyona by'onaafunanga, twalanga amagezi nga n'ekintu ekikulu.

Ensambo 8:17

Ngonza abo abangonza, abo abandhagala n'omwoyo omulala bambona.

Omulangirizi 4:8

Ghabaagho omuntu aziraku mwana oba muganda we, aye nga buli kiseera ayenda kweyongera kufuna bya bukombe. Nga tiyeebuuzaaku ati: “Ndi kufaabiikanira ani, ni ndoba okwesanhusa?” Ekyo kyona kiziramu muganhulo, era kireeta n'enaku.

Matayo 13:44

“Obwakyabazinga obw'omu igulu bufaanana n'eky'obukombe ekyagisibwa mu nimiro. Omuntu bw'akizuula akigisa, ate olw'eisanhu ly'aba nalyo, aja yaatunda ebibye byonabyona yaagula enimiro eyo.

Matayo 19:29

Era yeenayeena aleka enhumba, oba baganda be, oba baanhina, oba ise, oba inhina, oba abaana, oba ebibandha, ku lwange aliirizibwagho emikuzi kikumi, era yaafuna n'obulamu obutawaagho.

Luka 16:8

“Kale musengwa yaasaaka omughanika oyo atali mwesimbu olw'amagezi ge yasala kuba abaana ab'ensi eno bagezigezi mu ngeri ye bakolaganamu n'ab'oluse lwaibwe okusinga abaana ab'omusana.