Ensambo 2:21 - Baibuli Ekibono kya Katonda 2014

²¹ Abeesimbu n'abaja okuba beene nsi eno, era abeesigwa n'abaja okugisigalamu.

Ensambo 2:21 Iomraidhean Croise

Yobu 1:1

Ghaaligho omusaadha mu nsi eyetebwa Uzi, ng'ayetebwa Yobu. Omusaadha oyo yali muntu aziraku musango era omwesimbu, ng'atya Katonda era nga yeekuuma obutakola kibi.

Yobu 42:12

Musengwa Katonda yaagha Yobu enkabi mu kiseera eky'obulamu bwe eky'oluvainhuma, okusingaku ni mu kyasooka. Yobu yaaba n'entaama omutwalo mulala n'enkumi ina, n'engamiya kakaaga, n'ente edhirima lukumi, n'endogoyi enkazi lukumi.

Zabbuli 37:11

Aye abo abawombeefu balitwala ensi, era baaba miraala ng'ebintu bibajiira bukalamu.

Zabbuli 37:18

Musengwa Katonda alabirira abaziraku musango, era omugabo gwaibwe gwa kutwala nsi ebyanda n'ebyanda.

Zabbuli 37:22

Abo Musengwa Katonda be yagha enkabi dhe baja kutwala ensi, aye abo be yakolimira baja kuwaagho.

Zabbuli 37:29

Abatuufu baja kutwala ensi era bagibeeku ebyanda n'ebyanda.

Zabbuli 37:3

Weesige Musengwa Katonda era okole ebirungi, oidha kuba bukalamu mu nsi era ghabule ekikweraliikiriza.

Zabbuli 37:9

kuba ababi baja kuwaagho aye abo abasuubirira mu Musengwa Katonda balitwala ensi.

Zabbuli 84:11

kuba Musengwa Katonda oyo n'endhuba etumuliikirira ye tuja era n'atuwonia ng'oti ngabo. Atusaasira era yaatugha ekitiisa. Abo abakola by'ayenda ghazira kirungi ky'abaima.

Ensambo 10:30

Abatuufu ghazira kiribasengula mu nsi naire, aye ababi tibalityama ni batereera mu nsi.

Ensambo 28:10

Ole akiidhamya omuntu omwesimbu n'amukozesa ekibi, ebiina by'asima okutega baine, mwene n'alibigwamu. Aye ole aziraku musango alifuna ebirungi kamaala.