Ensambo 19:2 - Baibuli Ekibono kya Katonda 2014

² Ti kirungi muntu kukola kintu nga tasoose kulowooza, era ole agwidhubana n'ebintu talwa kugwa mu nsobi.

Ensambo 19:2 Iomraidhean Croise

2 Bakyabazinga 4:39

Omuntu owundi ku abo yaaja mu nsiko okunogayo eiva. Yaayagaana ekiryo eky'omu nsiko, yanogaku ebibala ebiri ng'oti mabuga. Yaatwalaku bingi nga bye yasobola okubbeeda, yaaja yaabisalirasalira mu ntamu erimu eby'okulya, aye nga tabiidhi.

Yobu 31:5

Nze ndayira nti tiguyangaku era tikupankupaniangaku muntu yeenayeena.

Ensambo 1:16

kuba banguyiriza inho okukola ebibi, era okwita kubanguyira inho.

Ensambo 10:21

Ebibono eby'omutuufu bigasa abantu kamaala, aye abasiru bafa mangu olw'okubulamu akategeera.

Ensambo 14:29

Omuntu alwagho okusungughala aba mutegeevu mu by'akola, aye ole asungughala amangu akola eby'ekisiru.

Ensambo 21:5

Entegeka edh'omuntu omukozi einho dhimufunisa ebintu kamaala, aye ole agwidhubanira ebintu yeereetaku obwavu.

Ensambo 25:8

Oteeyunirizanga kuseegha muntu mu mbuga olw'ekyo ky'oboine, kuba omuntu owundi asobola okuleeta obudhulizi obukontana n'obubwo yaakuswaza.

Ensambo 28:20

Omuntu omwesigwa aidha kubanga n'enkabi kamaala, aye ole afuna obukombe obw'amangu aidha kubonerezebwanga.

Ensambo 28:22

Omuntu omukenge agwidhubanira okufuna okukombaghala, nga taidhi ng'obwavu bulimwidhira.

Ensambo 29:20

Omusiru ghabaaghooku k'omusuubiramu, okusinga ole amala gaghalambula bwa bibono.

Omulangirizi 12:9

Olw'okuba Omulangirizi yali mugezi, yeeyongeranga okusomesa abantu eby'okumanha. Yeekebeedhanga ensambo, yaadhisengeka bukalamu n'obwegendereza bungi.

Omulangirizi 7:9

Otayanguyirizanga kusungughala, kuba mu mwoyo ogw'omusiru mwidhula busungu bwereere.

Isaia 27:11

Ensaga dh'emiti gyamu bwe dhikala, abakazi badhikookola, baadhigherera ng'enku. Era ng'abantu abo bwe baziramu naire akategeera, Katonda eyabatonda talibasaasira waire okubagemerwa ekivunika.

Isaia 28:16

Kale ni, Musengwa Katonda Afuga Amagye kyava n'akoba ati: “Mubone, ndi kuta mu Sioni eibaale erikakasiibwa nga igumu, libe eibaale ery'omughendo ery'omusingi mu nsonda era likole omusingi omugumu begulugulu. Ndidha kulighandiikaku nti, ‘Okwikiriza okugumu era kubaamu n'obuguminkiriza.’

Hosea 4:6

Abantu bange bazikirira olw'okuba tibandidhi nze. Imwe bakabona mwaloba okuumanha nze, kale ni zeena ndibaloba okuba bakabona bange. Era nga bwe mwerabira amateeka gange nze Katonda waimwe, zeena nja kwerabira abaana baimwe.

Yoanne 16:3

Ebintu bino balibikola olw'okuba tibamanhanga Lata waire nze.

Ab'e Roma 10:2

Nkakasa nti benda inho okukola Katonda by'ayenda aye okwenda kwaibwe kuziramu kumanha kutuufu.

Ab'e Filippi 1:9

Era mbasabira okugonza kwaimwe kuje nga kweyongera, era mube n'amagezi n'okumanha kwonakwona.