Ensambo 17:3 - Baibuli Ekibono kya Katonda 2014

³ Omuliro n'ogukozesebwa okukenenula feeza ni zaabu okubona obulungi bwabyo, aye Musengwa Katonda n'aleba emyoyo gy'abantu okubona obutukuvu bwagyo.

Ensambo 17:3 Iomraidhean Croise

1 Ebyomubyanda 29:17

Era ndidhi nga iwe Katonda wange oleba omwoyo gw'omuntu, waasangaalira omwesimbu. Zeena ni mpaireyo ebintu bino byonabyona kyeyendere n'omwoyo omwesimbu. Era mperaano mboine abantu bo abali ghano nga baleeta y'oli ebigheebwayo ekyeyendere era nga basangaavu.

Yobu 23:10

Aye mwene aidhi engira ye ngema. Bw'alimala okundeba, alindhagaana nga ndi mutukuvu ng'oti ni zaabu omukenenule.

Yobu 28:1

“Bwenebwene eriyo ekirombe omusimibwa feeza, yaabaayo n'ekifo ye bakenenulira zaabu.

Zabbuli 139:23

Wo Katonda wange, neekalirisa otegeere omwoyo gwange, era ondebe omanhe ebidhuubo byange.

Zabbuli 26:2

Wo Musengwa Katonda, neekebeedha era ondebe; lingirira omwoyo gwange n'ebidhuubo byange,

Zabbuli 66:10

Iwe Katonda waife, watugezesa, waatwekebeedha ng'oti ni feeza bw'alongoosebwa.

Ensambo 15:11

Oba nga ebiri e magombe eri okuzikirira Musengwa Katonda abibona bukalamu, memale obwo ebiri mu myoyo gy'abantu by'ataamanhe?

Ensambo 16:2

Ole asobola okwebona nga by'akola bituufu, aye Musengwa Katonda yeekebeedha ebigendererwa eby'omuntu oyo.

Ensambo 17:2

Omugheereza akola emirimo obukalamu alifuga omwana waagho akola ebiswaza, era alifuna omugabo ogw'obusika.

Ensambo 21:2

Ole asobola okwebona nga by'akola bituufu, aye Musengwa Katonda n'abona ebigendererwa eby'omuntu oyo.

Ensambo 27:21

Ng'omuliro bwe gukozesebwa okukenenula feeza ni zaabu okubona obulungi bwabyo, n'omuntu atyo bwe bamulamula nga bajiira ku birungi ebimwogerwaku.

Isaia 48:10

Mubone eno, nabaleba nga mbabisa mu kudaazibwadaazibwa, ng'oti ni feeza bwe bamukenenula mu muliro. Era naakizuula nga ghazira kye mugasa.

Yeremia 17:10

Nze Musengwa Katonda neekebeedha ebidhuubo by'abantu era naaleba emyoyo gyaibwe. Ngabira buli muntu nga njiira ku neebisa ye ni ku bikolwa bye.”

Ezekieli 22:18

“Iwe omuntu, Abaisiraeli bafuuse iseedha omuzira mugaso. Bafuuse iseedha eriviiremu feeza n'ekyuma eky'ekikomo, n'eibaati, n'ekyuma ekigumu einho, n'ekyuma ekizitogha einho, oluvainhuma lw'okusaanuusibwa n'okukenenulwa mu muliro.

Danieli 11:35

Abandi ku bakulembeze abagezi abo baliitibwa. Olwo okwitibwa kwaibwe okwo kwaleetera abantu okwamulwa, baatukuzibwa era baafuulibwa balongoofu. Ekyo kiribaagho okutuusa ekiseera eky'enkomerero Katonda mwene kye yategeka nga kimaze okutuuka.

Zekaria 13:9

Era abo abaliba mu kitundu ekyo ekirala ndibatukuza ng'oti ni feeza bwe bamukenenula mu muliro, era naabagezesa ng'oti ni zaabu bwe bamugezesa. Balinsaba, era zeena naabairamu. Ndibeeta bantu bange, era boona bandheta Katonda waibwe.”

Amateeka Agokubiri 8:16

Yabagha mannu mwalya mu irungu, emere badhaadha baimwe ye baali nga tibalyangaku.

Amateeka Agokubiri 8:2

Era muteerabiranga nga Musengwa Katonda waimwe bweyabakulemberamu mu lugendo lwonalwona, emyaka gino amakumi ana mu irungu, ng'agendereramu okubafuula abawulize. Era yaabaleba, asobole okumanha ekiri mu myoyo gyaimwe, abone oba nga munaakuumanga ebiragiro bye.

1 Petero 1:7

Bino birigho lwa kukakasa ng'okwikiriza kwaimwe kwa mazima. Oba nga ni zaabu ow'ekiseera obuseera ateebwa mu muliro yaakenenulwa, n'okwikiriza kwona okw'omughendo okusinga ni zaabu, kuteekwa okulebwa n'okukakasibwa. Olwo ni mwasaakibwa, mwagheebwa ekitiisa n'ekinhagansi ku lunaku Yesu Kurisito lw'alibonekeraku.

Okwolekebwa 2:23

Era abaana be ndibaita, Ebikunsu eby'Abaikiriza mu Kurisito byonabyona bimanhe nga ninze aidhi kiisi muntu by'alowooza mule ni by'ayenda okukola. Era kiisi mulala ku imwe ndimugha ekigwaniire ebikolwa bye.