Ensambo 16:4 - Baibuli Ekibono kya Katonda 2014

⁴ Buli kintu Musengwa Katonda yakikola n'ekigendererwa kyakyo, n'omubi yamukolera olunaku olw'okubonerezebwaku.

Ensambo 16:4 Iomraidhean Croise

Amainhama 1:31

Katonda yaabona bye yakola, byamusangaaza inho. Bwaziba era bwakya olwo lwaba nga n'olunaku olwomukaaga.

Yobu 15:23

Atambula eyo atyo ng'anoonia k'anaalya, nga yeebuuza y'anaakaagaana. Aidhi ati olunaku olw'enzikiiza lumukyereire.

Yobu 21:30

Ku lunaku Katonda lw'asungughala n'abonereza, omubi buliidho n'awonagho.

Okuvaayo 9:16

Aye ekyakulesaagho ng'oli mulamu lwa kwenda nkwoleke amaani gange, eriina lyange lisaakibwe mu nsi yoonayoona.

Ensambo 16:5

Musengwa Katonda yeenhinhata kiisi eyeekuluntaza, era ekikakafu kiri nti taliroba kumubonereza.

Omulangirizi 3:11

Yaakola buli kintu nga kija bukalamu mu kiseera kyakyo. Yaata mu bantu omwoyo ogwenda okumanha ebyaligho, n'ebirigho, era n'ebiribaagho, aye yaaloba kubagha kumanha mwene Katonda by'akola okuva mu kwinhama okutuuka ku nkomerero.

Isaia 43:21

Abo n'abantu bange, nze mwene be neeteeragho, bansaakenga.”

Isaia 43:7

Abantu abo boonaboona bange ku bwange, era beetebwa liina lyange. Ekyabantondesa ni mbataagho, n'okumpeesanga ekitiisa.”

Ab'e Roma 11:36

Kuba byonabyona n'eyabitonda, n'abibeesaagho, era bibaagho ku lulwe. Agheebwe ekitiisa ebyanda n'ebyanda. Amiina.

Ab'e Roma 9:22

N'ekyo Katonda kye yakola kifaananaku ni kino. Yayenda okwoleka obusungu bwe n'okumanhisa obukumu bwe. Kyeyava n'aguminkiriza einho abo be yasungughalira abaali bateegereire okuzikirira.

1 Petero 2:8

Era biti: “Lino n'eibaale abantu kwe beekontola ni bagangalima, olubaale lwe beeguunhaku ni bagwa.” Bagangalima kuba tibaikiriza kibono, kye kikoba era atyo Katonda bwe yabategekera.

2 Petero 2:3

Era olw'amairu gaibwe ag'okufuna, balifuna mu imwe amagoba nga bakozesa ebibono eby'obuguya. Katonda yamala ira okubasalira omusango, era aja kubazikiriza nga bwe yategeka.

2 Petero 2:9

Ebyo biraga nga Katonda aidhi okutoola abamutya mu buzibu, era n'okukuumira ababi mu kubonerezebwa okutuusa ku lunaku olw'okusalirwaku omusango.

Okwolekebwa 4:11

“Musengwa era Katonda waife, ogwaniire okugheebwa ekitiisa, okusaakibwa, era n'obukumu. Kuba niiwe watonda ebintu byonabyona, byatondebwa era byabaagho olw'okwenda kwo.”