Ensambo 15:9 - Baibuli Ekibono kya Katonda 2014

⁹ Musengwa Katonda yeenhinhata eneebisa ey'ababi, aye agonza abo abajiira ku butuufu.

Ensambo 15:9 Iomraidhean Croise

Zabbuli 1:6

Katonda alabirira era yaakugira abatuufu, aye ababi balizikirira.

Zabbuli 11:7

Musengwa Katonda mutuufu era agonza ebikolwa eby'obutuufu. Abo abagondera ebiragiro bye n'abanaabanga mu maiso ge nga bamubona.

Zabbuli 139:24

Bona oba nga mu nze mulimu ekintu ekibi kyonakyona, era ontuuse mu ngira ey'ebyanda n'ebyanda.

Zabbuli 5:5

Toyenda na kulinga ku beesaakiriza, era okyagha abakozi b'ebibi.

Ensambo 15:10

Ole ava ku ngira entuufu alikangaivulwa inho; ole akyagha okunenezebwa wa kufa.

Ensambo 21:21

Omuntu afuba einho okuba omutuufu era ow'ekivunika, aghangaala era yaaba wa kitiibwa.

Ensambo 21:4

Ababi batwalirizibwa okwebona n'okwekuluntaza, era ekyo kibi.

Ensambo 21:8

Abantu ababi baba bakuyikuyi, aye abalungi bakola ebituufu.

Ensambo 4:19

Aye obulamu obw'abakozi ab'ebibi buli ng'oti nzikiiza egemye bedimudimu; ni bwe bagwa tibamanha na kye beekontoireku.

Ensambo 8:13

Okutya Musengwa Katonda kitegeeza kukyagha kukola bibi. Nze nkyagha okwekuluntaza n'okwetwala ng'owa ghaigulu n'okukola ebibi, era n'okwogera eby'obuguya.

Isaia 26:7

Musengwa Katonda atereeza engira ey'abeesimbu; yaagyerula baabita nga ghazira kibatetegania.

Isaia 51:1

Musengwa Katonda akoba ati: “Mumpulirise imwe abanoonia okulokolebwa, mulowooze ku ibaale kwe mwabaadhibwa, ni ku kirombe eky'amabaale mwe baabasima.

Isaia 51:7

Imwe abaidhi obutuufu era abagema amateeka n'omwoyo omulala, muwulirise kye nkoba. Mutatyanga bantu kubayeeyereza, era bwe babavumanga mutawangamu maani;

Yeremia 44:4

Ate nga natumanga ye muli abagheereza bange abalanzi aghazira kukoogha naire, babakobe bati, ‘Mutakola bintu ebyo ebyenhinhalwa bye nkyagha!’

Hosea 6:3

Ka tufube inho okumanha Musengwa Katonda. Okwidha kwe ye tuli kukakafu ng'oti bwire kukya. Aliidha ye tuli ng'oti maadhi matoigo, agagwa ni gafukirira ensi.”

Habakkuku 1:13

Amaiso go matukuvu tigagwaine kubona kibi, oba okulinga ku akola ekibi. Kale lwaki olingirira obulingirire abantu abo abateesigika? Lwaki osirika busirike ng'abakozi b'ebibi bazikiriza abantu ababasinga obulungi?

Matayo 7:13

“Mwingirire mu mulyango omutono kuba omulyango omunene, n'engira enene etuuka mu kuzikirira, era abantu kamaala bagema eyo.

Amateeka Agokubiri 7:13

Aidha kubagonzanga, abaghe enkabi mweyongerenga okwala nga muzaala abaana kamaala. Aidha kughanga eitaka lyaimwe enkabi mufunenga emere, n'omwenge ogw'emizabbibu, n'omuzigo ogw'ebibala eby'emiti emyoliva. Aidha kuleeteranga ebyayo byaimwe okuzaalagana: ente, embuzi, n'entaama. Ebirungi ebyo byonabyona aidhanga kubibagheera mu nsi ye yasuubiza badhaadha baimwe okugibagha imwe.

1 Timotheo 6:11

Aye iwe omuntu wa Katonda, ebyo byonabyona bireke, ojiirenga ku butuufu, okutya Katonda, okwikiriza, okugonza, okuguminkiriza n'okuba omwikaikamu.

2 Timotheo 2:22

Agho ni lekanga ebitwaliriza abaisuka byonabyona, okolererenga obutuufu, okwikiriza, okugonza, n'emiraala nga weeyimbye n'abo abasinza Musengwa n'omwoyo omunaabuufu.